• भारताच्या कोनेरू हम्पीने इंडोनेशियाच्या इरीन सुकंदरला नमवत ऐतिहासिक दुसऱ्यांदा जागतिक जलद (रॅपिड) बुद्धिबळ अजिंक्यपद स्पर्धेचे जेतेपद मिळवले. 
• हम्पीने 2019 मध्ये जॉर्जिया येथे झालेल्या स्पर्धेतही अजिंक्यपद पटकावले होते.
• भारताची आघाडीची महिला बुद्धिबळपटू चीनच्या जू वेन्जूननंतर एकहून अधिक जेतेपद मिळवणारी दुसरी बुद्धिबळपटू ठरली. 
• 37 वर्षीय हम्पीने संभावित 11 पैकी 8.5 गुणांची कमाई केली.
• हम्पीने याआधी 2012 मध्ये मॉस्को येथे कांस्य, तर 2023 मध्ये उझबेकिस्तान मधील समरकंद येथे रौप्य पदक मिळवले होते.
• रशियाच्या 18 वर्षीय वोलोडर मुर्जिनने याच प्रारूपातील पुरुष गटाचे जेतेपद मिळवले.
• ही स्पर्धा न्यूयॉर्क येथे झाली.

माजी खासदार सतीश प्रधान यांचे निधन

• ठाणे महापालिकेचे प्रथम नगराध्यक्ष, प्रथम महापौर आणि शिवसेनेचे माजी खासदार सतीश प्रधान यांचे  वृद्धापकाळाने वयाच्या 85 व्या वर्षी निधन झाले.
• ठाणे शहराच्या विकासात तसेच शिवसेनेच्या संघटनात्मक बांधणीत प्रधान यांनी मोठे योगदान दिले होते.
• ठाण्याचे पहिले नगराध्यक्ष म्हणून 1974-81 या कालावधीत सतीश प्रधान यांनी काम पाहिले.
• शहरात शिवसेना पक्षाचा पाया रोवण्यात त्यांचा मोठा वाटा होता. 
• 1986-87 या काळात त्यांनी शहराचे पहिले महापौरपद भूषविले. 
• दादोजी कोंडदेव स्टेडियम आणि राम गणेश गडकरी रंगायतन उभारण्यात सतीश प्रधान यांचा महत्त्वाचा वाटा होता.

 पेंगाँग सरोवराजवळ शिवरायांचा पुतळा

• लडाखमध्ये 14,300 फूट उंचीवर पेंगाँग सरोवराच्या काठावर भारतीय लष्कराने छत्रपती शिवाजी महाराजांचा पुतळा उभारला आहे.
• या पुतळ्याचे नुकतेच अनावरण झाले असून, चीनलगत असलेल्या सीमेवर प्रत्यक्ष नियंत्रण रेषेजवळ हा पुतळा उभारण्यात आला आहे.
• लेफ्टनंट जनरल हितेश भल्ला यांच्या हस्ते पुतळ्याचे अनावरण करण्यात आले.
• ‘या महान राजाबद्दलचा आदर आणि त्यांनी दिलेला वारसा कायमच प्रेरणेचा स्रोत असल्यामुळे हा पुतळा उभारण्यात आला आहे,’ असे लष्कराच्या 14 व्या तुकडीने म्हटले आहे. 
• हा पुतळा येणाऱ्या काळात अनेक पिढ्यांना लढण्याची प्रेरणा देत राहणार आहे. छत्रपती शिवाजी महाराजांना वंदन…’ असेही लष्कराने म्हटले आहे.
• भारत–चीनमधील वादानंतर सैन्यमाघारीनंतर हा पुतळा उभारण्यात आला आहे.
• लष्कराकडून देशाच्या विविध सीमांवर प्रेरणास्थळे म्हणून विविध पुतळे उभारण्यात येतात. शत्रूशी दोन हात करताना त्यातून प्रेरणा मिळते

भारताकडून ऑस्ट्रेलियाला होणाऱ्या निर्यातीत वाढ

• नोव्हेंबर महिन्यात भारताकडून ऑस्ट्रेलियाला होणाऱ्या निर्यातीमध्ये 64.4 टक्के वाढ झाली आहे. 
• ऑस्ट्रेलिया हा भारताचा व्यापारी भागीदार देश आहे.
• वस्त्रोद्योग, रसायने आणि कृषी उत्पादने अशा क्षेत्रांमध्ये ऑस्ट्रेलियाने भारताकडून 643.7 दशलक्ष डॉलरची आयात केली.
• दोन्ही देशांनी दोन वर्षांपूर्वी – 29 डिसेंबर, 2022 रोजी – आर्थिक सहकार्य आणि व्यापार करार (ईसीटीए) केला. 
• आता या कराराची व्याप्ती वाढवून तो सर्वंकष आर्थिक सहकार्य करार (सीईसीए) करण्यासाठी दोन्ही देशांदरम्यान वाटाघाटी सुरू आहेत.

कसोटीत बुमराचे 200 विकेट पूर्ण

• भारताचा वेगवान गोलंदाज जसप्रीत बुमराने ऑस्ट्रेलियाच्या चौथ्या कसोटीच्या चौथ्या दिवसाच्या खेळादरम्यान कसोटी क्रिकेटमध्ये 200 विकेटचा टप्पा पूर्ण केला. 
• रवींद्र जडेजासह सर्वात वेगवान 200 विकेट मिळवणाराही गोलंदाज ठरला. 
• या दोघांनी 44 कसोटींत ही कामगिरी केली आहे.
• 200 कसोटी विकेट  मिळवणारा बुमरा 12वा भारतीय गोलंदाज
• भारताकडून एक सर्वात वेगात 200 विकेट मिळवण्याचा विक्रम आर. अश्विन याच्या नावावर आहे. त्याने 37 कसोटीतच ही कामगिरी केली होती.
• मेलबर्न क्रिकेट मैदानावर ट्रेव्हेस हेड ला बाद करून बुमराने आपला 200 विकेटचा टप्पा पूर्ण केला.

विक्रमवीर बुमरा

• बॉक्सिंग डे कसोटी सामन्याच्या चौथ्या दिवशी जसप्रीत बुमराने 200 कसोटी बळींचा विक्रम पार केला. 
• 20 किंवा त्याहून कमी धावांच्या सरासरीने कसोटी क्रिकेटमध्ये 200 विकेट मिळवणारा बुमरा क्रिकेट विश्वात पहिला गोलंदाज ठरला. 

कमीत कमी सरासरीत 200 पेक्षा अधिक विकेट घेणारे गोलंदाज

1) जसप्रीत बुमरा (भारत) 200 विकेट – 19.56 सरासरी

2) माल्कम मार्शल (विंडीज) 376 विकेट– 20.94 

3) जुवेल गार्नर (विंडीज)259 विकेट – 20

4) कर्टली अॅम्बोस (विंडीज)405 विकेट – 20.99

5) जेम्स अँडरसन (इंग्लंड)704 विकेट– 26.45

6) ग्लेन मॅकग्रा (ऑस्ट्रेलिया)563 विकेट –  21.64 सरासरी.

The post कसोटीत बुमराचे 200 विकेट पूर्ण appeared first on The Officer.

• शेतकऱ्यांना केवळ दहा टक्के रक्कम भरून सौर पॅनेल्स आणि कृषी पंप असा संपूर्ण संच देण्याच्या ‘मागेल त्याला सौर कृषी पंप‘ योजनेच्या अंमलबजावणीत महाराष्ट्राने देशात अव्वल स्थान पटकावले आहे. 
• या योजनेच्या माध्यमातून डिसेंबर महिन्यात दररोज सरासरी 844 पंप राज्यात बसविण्यात आले
• राज्य सरकारने फेब्रुवारी महिन्यात अर्थसंकल्पात या योजनेची घोषणा केली होती. राज्यात साडेदहा लाख सौर कृषी पंप बसविण्याचे उद्दिष्टये ठेवले आहे.

सर्वाधिक आकडेवारी डिसेंबर महिन्यातील

• राज्यात महावितरणच्या माध्यमातून डिसेंबर महिन्यात 21 हजार 951 सौर कृषी पंप बसविण्यात आले, अर्थात दररोज सरासरी 844 पंप बसविण्यात आले.
• ही आतापर्यंतची कोणत्याही महिन्यातील सर्वाधिक सरासरी आहे. 
• सन 2015 ते 2023 पर्यंत विविध योजनेत 1 लाख 80 हजार सौर पंप बसविण्यात आले होते. 
• तथापि, यावर्षी मार्च 2024 पासून आतापर्यंत फक्त आठ महिन्यांच्या कालावधीत राज्यात 1 लाख 58 हजार सौर पंप बसविण्यात आले आहेत.

ओसामु सुझुकी यांचे निधन

• भारतीय मोटर वाहन उद्योगाला नवीन दिशा देणाऱ्या आणि मध्यमर्गीयांच्या चारचाकी गाडीचे स्वप्न पूर्ण करणाऱ्या ओसामु सुझुकी यांचे वयाच्या 94 व्या वर्षी निधन झाले.
• त्यांना लिम्फोमा नावाच्या आजाराने ग्रासले होते. 
• ओसामू सुझुकी हे मारुती सुझुकी इंडिया लिमिटेडचे संचालक आणि मानद अध्यक्ष होते.
• 1981 मध्ये मारुती उद्योग लिमिटेडबरोबर संयुक्त उपक्रम स्थापन करण्यासाठी तत्कालीन भारत सरकारबरोबर  भागीदारी करण्याचा धाडसी निर्णय घेणारे व्यक्तिमत्व अशी सुझुकी यांची ओळख आहे .
• तत्कालीन काळात परवाना व्यवस्थेअंतर्गत भारत ही एक बंद अर्थव्यवस्था होती तेव्हा सुझुकी यांना देशातील मोटर वाहन उद्योगाला चालना तथा नवीन दिशा देणारे व्यक्तिमत्व म्हणून ओळखले जात होते.
• 2007 मध्ये सरकारने सुझुकी मोटर कॉर्पोरेशन मधून बाहेर पडण्याचा निर्णय घेतल्यानंतर मारुती उद्योग लिमिटेड नंतर मारुती सुझुकी इंडिया लिमिटेड म्हणून नावारुपाला आली.
• सुझुकी यांची दुरदृष्टी, जोखीम घेण्याची इच्छा, भारताबद्दल असलेले प्रेम, आपुलकी आणि एक शिक्षक म्हणून त्यांच्या अफाट क्षमतांशिवाय भारतीय मोटर वाहन उद्योगाने भरारी घेणे अशक्य होते, अशा भावना मारुती सुझुकी इंडिया लिमिटेडचे अध्यक्ष आर. सी. भार्गव यांनी व्यक्त केल्या. 
• सुझुकीच्या वाहनांच्या जगभर विस्ताराचे श्रेय ओसामु यांना दिले जाते. त्यांच्या प्रयत्नांमुळेच सुझुकीच्या छोट्या कार आणि मोटारसायकलींना जगभरात एक वेगळी ओळख मिळाली.

जर्मनीची संसद विसर्जित

• जर्मनीचे चान्सलर ओलाफ शोल्झ यांच्या नेतृत्वातील सरकारने विश्वासमत गमावल्यानंतर राष्ट्राध्यक्ष फ्रैंक वॉल्टर स्टीनमियर यांनी संसद विसर्जित केली असून 23 फेब्रुवारी रोजी निवडणुका घेण्याचे आदेश जारी केले आहेत. 
• शोल्झ यांनी 16 डिसेंबर रोजी विश्वासमत गमावले होते आणि अल्पमतातील सरकारचे नेतृत्व करीत होते. 
• शोल्झ यांच्या तीन पक्षांची युती असलेल्या सरकारने अर्थव्यवस्था पुनर्जीवित करण्याच्या पद्धतीवर झालेल्या वादातून अर्थमंत्र्यांना बडतर्फ केल्यानंतर सरकार संकटात आले होते. त्यानंतर अनेक पक्षांच्या प्रमुख नेत्यांनी संसदीय निवडणुका सात महिन्यांपूर्वी 23 फेब्रुवारी रोजी घेण्यावर एकमत केले.
• दरम्यान, दुसऱ्या महायुद्धानंतरच्या घटनेनुसार संसद विसर्जित करण्याची परवानगी नसल्याने याबाबतचा निर्णय स्टीनमियर यांच्यावर अवलंबून होता. 
• हा निर्णय घेण्यासाठी त्यांच्याकडे 21 दिवसांचा कालावधी होता. 
• संसद विसर्जित केल्यानंतर 60 दिवसांच्या आत देशात निवडणुका होणे आवश्यक आहे.

चौथी वेळ

• दुसऱ्या महायुद्धानंतरच्या जर्मनीच्या घटनेनुसार संसद विसर्जित करण्याची ही चौथी वेळ आहे.
• हे 1972 मध्ये चान्सलर विली ब्रँडट, 1982 मध्ये हेल्मुट कोहल आणि 2005 मध्ये गेरहार्ड श्रोडर यांच्या नेतृत्वाखालील – सरकारने विश्वासमत गमावल्यानंतर संसद विसर्जित करण्यात आली होती.

‘एमसीसी‘कडून सचिनला मानद सदस्यत्व

• भारताचा दिग्गज क्रिकेटपटू सचिन तेंडुलकरला प्रतिष्ठेच्या मेलबर्न क्रिकेट क्लबकडून (एमसीसी) मानद सदस्यत्व देण्यात आले आहे.
• ऑस्ट्रेलियातील सर्वांत जुन्या क्लबपैकी एक असलेल्या ‘एमसीसी‘ची स्थापना 1838 मध्ये झाली. 
• मेलबर्न क्रिकेट मैदानाचे (एमसीजी) व्यवस्थापन आणि विकास याची जबाबदारी या क्लबवर आहे.
• “भारताचा माजी कर्णधार सचिन तेंडुलकरने क्लबचे मानद सदस्यत्व स्वीकारले आहे.
• मेलबर्न क्रिकेट मैदानावर भारताकडून सर्वाधिक कसोटी धावा सचिनच्याच नावे आहेत. त्याने या मैदानावर 5 – कसोटी सामन्यांत 44.90च्या सरासरीने 449 धावा केल्या आहेत.

 प्रताप जाधव ‘जीवनगौरव‘ने सन्मानित

• भारतातमधील सायकलींग क्षेत्रातील अजोड संघटनात्मक योगदानाबद्दल महाराष्ट्राचे माजी राष्ट्रीय सायकलपट्टू आणि संघटक प्रताप जाधव यांचा जीवनगौरव पुरस्काराने सन्मान करण्यात आला.
• नवी दिल्ली येथे झालेल्या एका समारंभात आशियाई सायकलींग संयुक्त महासंघाचे महासचिव ओंकार सिंग तसेच नवी दिल्लीचे प्रसिद्ध हॉटेल व्यवसायिक आणि उद्योगपती गुरमीत सिंग यांच्या हस्ते हा सन्मान सोहळा पार पडला.
• भारतामध्ये सायकलिंग खेळासाठी 25 वर्षाहून अधिक काळ प्रेरणादायी योगदान देणाऱ्या व्यक्तीस या पुरस्काराने गौरविण्यात येते.
• प्रताप जाधव यांनी 1977 ते 1987 दरम्यान खेळाडू म्हणून आपली कारकीर्द गाजवली.
• यात राष्ट्रीय रोड सायकलिंग अजिंक्यपद स्पर्धेत सहा वेळा महाराष्ट्राचे प्रतिनिधित्व केले.
• दोन वेळा राष्ट्रीय अजिंक्यपद स्पर्धेत पदक जिंकण्याची कामगिरी केली.
• जाधव यांनी दोन वेळा राज्य रोड सायकलिंग अजिंक्यपद स्पर्धेचे विजेतेपद पटकावले. 
• त्यांनी भारतामधील सर्वांत जुन्या आणि खडतर समजल्या जाणाऱ्या मुंबई–  पुणे सायकल स्पर्धेत सहा वेळा सहभाग घेतला व रौप्य महोत्सवी स्पर्धेचे उपविजेतेपद पटकावले.
• 1993 पासून राज्य तसेच राष्ट्रीय सायकलींग संघटनेत विविध पदावर त्यांनी काम केले आहे.
• जाधव सध्या भारतीय सायकलिंग महासंघाचे उपाध्यक्ष असून चार वर्षे ते ‘सीएफआय‘चे कोषाध्यक्षही होते. 
• संघटक म्हणून आपल्या 40 वर्षांच्या काळात जाधव यांनी 23 वेळा मुंबई–पुणे सायकल स्पर्धा, 15 वेळा एमटीबी, 4 वेळा रोड आणि एकदा ट्रॅक अशा 20 राष्ट्रीय सायकलिंग अजिंक्यपद स्पर्धा, 10 वेळा राष्ट्रीय शालेय रोड सायकलिंग स्पर्धांचे यशस्वी आयोजन केले.
• भारतात चार दिवसीय स्टेज सायकल स्पर्धा सलग दोन वर्षे आयोजित केली. तसेच सर्वांत लांब पल्ल्याची 250 किमी अंतराची कोल्हापूर-सातारा-  कोल्हापूर एकदिवसीय सायकल स्पर्धा आयोजनाचा विक्रम आजही जाधव यांच्याच नावावर आहे.

The post ‘एमसीसी’कडून सचिनला मानद सदस्यत्व appeared first on The Officer.

• 90 च्या दशकात दिवाळखोरीच्या काठावर असलेल्या भारतीय अर्थव्यवस्थेला सावरण्याबरोबरच उदार आर्थिक धोरणांद्वारे नवी उभारी देणारे द्रष्टे अर्थतज्ज्ञ माजी पंतप्रधान डॉ. मनमोहन सिंग यांचे वयाच्या 92 व्या वर्षी निधन झाले.
• अमेरिकेबरोबर केलेला अणूकरार, माहितीचा अधिकार, मनरेगा, अन्नसुरक्षा कायदा अशा अनेक निर्णयांतून आपला कणखरपणा, दूरदृष्टी, सचोटी यांचे दर्शन घडवणारे म्हणून  डॉ. सिंग ओळखले जात.
• देशाचे 14 वे पंतप्रधान डॉ. मनमोहनसिंग यांची ओळख अर्थतज्ज्ञ, विचारवंत, आर्थिक सुधारणांचा नायक आणि विद्वान म्हणून होती.
• प्रत्येक घटनेकडे, कार्याकडे उतावीळ होऊन न पाहता, त्यावर प्रतिक्रिया देताना ती पूर्ण विचारांती देण्यासाठी ते ओळखले जात.

अल्पचरित्र:

• डॉ. मनमोहनसिंग यांचा जन्म 26 सप्टेंबर 1932 रोजी तत्कालीन पंजाब प्रांतातील गाह या गावात झाला. 
• डॉ. सिंग यांनी तत्कालीन मॅट्रिकपर्यंतचे शिक्षण 1948 मध्ये पंजाबमध्ये पूर्ण केले. पुढील शिक्षणासाठी ते ब्रिटनच्या केम्ब्रिज विद्यापीठात गेले. तिथे 1957 मध्ये त्यांनी अर्थशास्त्रात ऑनर्स पदवी प्रथम श्रेणीत प्राप्त केली.
• 1962 मध्ये ऑक्सफर्ड विद्यापीठातून डॉ. मनमोहनसिंग यांनी डी. फिल ही पदव्युत्तर पदवी अर्थशास्त्र विषय घेऊन संपादन केली.
• ऑक्सफर्ड विद्यापीठात असतानाच त्यांनी 1964 मध्ये ‘इंडियाज् एक्सपोर्ट ट्रेंड्स अँड प्रॉस्पेक्ट्स फॉर सेल्फ सस्टेन्ड ग्रोथ‘ या ग्रंथाचे लेखन केले. 
• भारताच्या व्यापार धोरणावर डॉ. मनमोहनसिंग यांचे हे पहिले विश्लेषण मानले जाते.
• डॉ. मनमोहनसिंग हे ‘दिल्ली स्कूल ऑफ इकॉनॉमिक्स‘ आणि पंजाब विद्यापीठ येथे प्राध्यापक म्हणून कार्यरत होते.
• ‘यूएन ट्रेड अँड (यूएनसीटीएडी) डेव्हलपमेंट‘ या संघटनेच्या सचिवालयात ते तीन वर्षे कार्यरत होते.
• 1987 ते 1990 या काळात ते जिनिव्हा येथे ‘साउथ कमिशन‘ मध्ये महासचिव म्हणून कार्यरत होते.
• 1971 मध्ये डॉ. सिंग केंद्र सरकारमध्ये वाणिज्य मंत्रालयामध्ये आर्थिक सल्लागार.
• 1972 मध्ये ते केंद्रीय अर्थ मंत्रालयात मुख्य आर्थिक सल्लागार म्हणून कार्यरत होते.
• डॉ. मनमोहनसिंग यांनी केंद्रीय अर्थ मंत्रालयाचे सचिव, नियोजन आयोगाचे उपाध्यक्ष, भारतीय रिझर्व्ह बँकेचे गव्हर्नर, पंतप्रधानांचे सल्लागार आणि विद्यापीठ अनुदान आयोगाचे (यूजीसी) अध्यक्ष अशी विविध महत्त्वाची पदे भूषविली.
• 1991 ते 1996 या काळात ते देशाचे अर्थमंत्री होते.

पंतप्रधान(पहिली कारकीर्द 2004 ते 2009)

• 2005 – राष्ट्रीय रोजगार हमी कायदा (एमजीनरेगा) देशभरात लागू केला. माजी पंतप्रधान अटलबिहारी वाजपेयी यांची • संकल्पना असलेली सुवर्ण चतुष्कोण ही महामार्ग योजना डॉ. सिंग यांनी पुढे सुरू ठेवली. 
• डॉ. सिंग सरकारने विक्रीकर रद्दबातल ठरवून त्याजागी मूल्यवर्धित कर (व्हॅट) लागू केला.
• माहितीचा अधिकार कायदा लागू झाला. 23 जून 2005 – राष्ट्रपतींनी विशेष आर्थिक क्षेत्र (एसईझेड) अधिनियम-2005ला मंजुरी दिली. हा अधिनियम 10 फेब्रुवारी 2006 रोजी विशेष आर्थिक क्षेत्र (एसईझेड) नियम 2006 म्हणून लागू झाला. 
• या माध्यमातून वस्तूंची निर्मिती, निर्यात, मालाची साठवण आणि अन्य उद्योगांसाठी लागणारे परवाने आणि इतर सोयी– सुविधा अधिक सुलभ करण्यात आल्या.
• आरोग्य मिशन सुरू
• 18 जुलै 2005 : भारत–अमेरिका
• आण्विक करार हा डॉ. मनमोहनसिंग यांच्या पंतप्रधानपदाच्या कारकिर्दीतील एक मोठा टप्पा ठरला. डॉ. सिंग आणि अमेरिकेचे तत्कालीन अध्यक्ष जॉर्ज डब्ल्यू. बुश यांच्या पुढाकाराने या कराराचा आरखडा तयार करण्यात आला होता. याअंतर्गत भारताने आपल्या नागरी आणि लष्करी आण्विक
• आस्थापना वेगवेगळ्या ठेवण्याचे मान्य केले; तसेच भारतातील नागरी आण्विक आस्थापना आंतरराष्ट्रीय आण्विक ऊर्जा संस्थेच्या देखरेखीखाली ठेवण्यासही मान्यता दिली.
• २००६ : ऑल इंडिया इन्स्टिट्यूट ऑफ
• मेडिकल स्टडीज (एम्स), आयआयटी, आयआयएम आणि अन्य केंद्रीय शिक्षणसंस्थांतून ओबीसींसाठी २७ टक्के आरक्षण लागू करण्याचा निर्णय घेतला.
• २००८ : मुंबईवर झालेल्या दहशतवादी हल्ल्यानंतर राष्ट्रीय तपास संस्थेची (एनआयए) स्थापना केली गेली.
• २ जुलै २००९ : राइट टू एज्युकेशन कायदा लागू केला.
• ४ ऑगस्ट २००९ : राइट ऑफ चिल्ड्रन
• टू फ्री अँड कम्पल्सरी एज्युकेशन अक्ट हा कायदा लागू करण्यात आला.

राजकीय कारकीर्द

• डॉ. मनमोहनसिंग १९९१पासून राज्यसभा सदस्य होते.
• ते १९९८ ते २००४ या काळात राज्यसभेत विरोधी पक्षनेता होते.
• डॉ. सिंग २२ मे २००४ रोजी पहिल्यांदा देशाचे पंतप्रधान झाले.
• ते २२ मे २००९ रोजी दुसऱ्यांदा देशाच्या पंतप्रधानपदी विराजमान झाले.

पुरस्कार व सन्मान

• १९५६ केम्ब्रिज विद्यापीठाचा ‘अॅडम स्मिथ पुरस्कार‘
• १९८७ पद्मविभूषण
• १९९३ व १९९४ अर्थमंत्र्यांना प्रदान करण्यात येणारे ‘एशिया मनी अॅवॉर्ड‘
• १९९३ युरो मनी पुरस्कार
• १९९५ इंडियन सायन्स काँग्रेसचा ‘जवाहरलाल नेहरू जन्मशताब्दी पुरस्कार‘
• Changing India, The Quest for Equity in Development या पुस्तकांचे लिखाण त्यांनी केले

 जेष्ठ साहित्यिक बाप्सी सिधवा यांचे निधन

• स्वातंत्र्यपूर्व काळात कराचीमध्ये जन्माला आलेल्या वंशाच्या ज्येष्ठ कादंबरीकार बाप्सी सिधवा यांचे अमेरिकेतील ह्युस्टन येथे वयाच्या 86 व्या वर्षी निधन झाले. 
• अमेरिकेतील आशियाई ‘दक्षिण साहित्य‘ निर्मितीच्या त्या अध्वर्यू मानल्या जातात.
• सध्याच्या पाकिस्तानातील कराचीमध्ये पारशी कुटुंबात 11 ऑगस्ट 1938 रोजी सिधवा यांचा जन्म झाला. 
• त्यानंतर त्यांचे कुटुंब लाहोर येथे स्थलांतरित झाले. 
• वयाच्या दुसऱ्या वर्षी पोलिओची लागण झाली. 

प्रसिद्ध कादंबऱ्या

• ‘द क्रो इटर्स‘ या कादंबरीतून आपली साहित्यिक कारकीर्द सुरू करणाऱ्या सिधवा यांनी नंतर ‘आईस कँडी मॅन‘, ‘द ब्राइड‘, ‘अॅन अमेरिकन बॅट‘, ‘रायटिंग्ज ऑन लाहोर‘ अशा अनेक एकापेक्षा एक सरस कादंबऱ्या लिहिल्या.
• ‘क्रो इटर्स‘ मधून पारशी समाजातील जीवन आणि त्यांचा इतिहास सिधवा यांनी जगासमोर  आणला.
• ‘आईस कँडी मॅन‘ या फाळणीवर आधारित कादंबरीवर बेतलेला भारतीय–अमेरिकन वंशाच्या निर्मात्या दीपा मेहता यांचा ‘अर्थ‘ हा चित्रपट गाजला होता.
• सिधवा यांना ‘सितारा–ए– इम्तियाझ‘ या पाकिस्तानातील मानाच्या साहित्यिक पुरस्काराने गौरविण्यात आले होते.

 प्रसिद्ध मल्याळम लेखक एम. टी. नायर यांचे निधन

• प्रसिद्ध मल्याळम लेखक एम. टी. वासुदेवन नायर यांचे  दीर्घ आजाराने वयाच्या 91 व्या वर्षी निधन.
• राष्ट्रपती द्रौपदी मुर्मू, पंतप्रधान नरेंद्र मोदी, केरळचे मुख्यमंत्री पिनाराई विजयन तसेच देशभरातून एम. टी. नायर यांच्या निधनाबद्दल शोक व्यक्त होत आहे. 
• एमटी वासुदेवन नायर यांना 2005 मध्ये पद्मभूषण पुरस्काराने सन्मानित करण्यात आले होते. त्यांना 7 राष्ट्रीय चित्रपट पुरस्कारही मिळाले.
• साहित्याबरोबरच पटकथा लेखक आणि दिग्दर्शक म्हणून चित्रपटसृष्टीत आपला ठसा उमटवणाऱ्या एम.टी.ने शिक्षक आणि संपादक म्हणूनही काम केले.
• केरळ सरकारने दोन दिवसांचा दुखवटा जाहीर केला आहे.
• मातृभूमी समूहाच्या नियतकालिकांचे ते संपादक होते. विज्ञानाचे पदवीधारक असलेल्या नायर यांचे पहिले पुस्तक ‘नलुकेडू‘ हे १९५८ मध्ये प्रकाशित झाले होते आणि १९५९ मध्ये या पुस्तकाला केरळचा साहित्य पुरस्कार मिळाला होता.
• १९६० पासून नामांकित मल्याळी साहित्यिक आणि चित्रपट दिग्दर्शक म्हणून ते ओळखले जाऊ लागले.
• नायर यांना १९९५ मध्ये ज्ञानपीठ पुरस्काराने गौरविण्यात आले होते.

The post डॉ.मनमोहन सिंग यांचे निधन appeared first on The Officer.

• प्रसिद्ध वन्यजीव छायाचित्रकार बैजू पाटील यांना इंडोनेशियाचा क्रोमॅटिक फोटोग्राफी – २०२४ हा पुरस्कार जाहीर झाला. 
• एकूण 31 देशांतील छायाचित्रकारांच्या 65 हजार छायाचित्रांमधून बैजू यांचा जिम कॉर्बेट राष्ट्रीय उद्यानातील हत्तींचे छायाचित्र अव्वल ठरले.
• बैजू यांना आतापर्यंत 40 पेक्षा जास्त राष्ट्रीय व आंतरराष्ट्रीय पुरस्कार मिळाले आहेत.
• अत्याधुनिक कॅमेऱ्याने स्वतःचे कौशल्य व अनुभव वापरून बैजू यांनी कलात्मक पद्धतीने हत्तींचे छायाचित्र पहिल्यांदाच काढले आहे.
• ‘जिम कॉर्बेट‘मध्ये भ्रमंती करीत असताना त्यांना हत्तींचा कळप दिसला. त्या क्षणी त्यांच्या बाजूने मोठा हत्ती जात होता. त्या हत्तीच्या पायातून समोरील कळपाचे छायाचित्र त्यांनी काढले.

केन–बेटवा नदीजोड प्रकल्पाची पायाभरणी

• पंतप्रधान नरेंद्र मोदी यांनी बुधवारी मध्य प्रदेशातील खजुराहो येथे केन–बेटवा नदीजोड प्रकल्पाची पायाभरणी केली. 
• पंतप्रधान मोदींनी भारतातील प्रमुख नदी खोऱ्याच्या प्रकल्पांसाठी डॉ. बी.आर. आंबेडकरांच्या दूरदृष्टीचे श्रेय दिले

केन–बेटवा प्रकल्प

• 65 लाख नागरिकांना पिण्याचे पाणी मिळणार
• मध्य प्रदेशातील 10 जिल्ह्यांना फायदा
• प्रकल्पासाठी 44, 605 कोटी रुपये खर्च अपेक्षित
• 7.18 लाख शेतकरी कुटुंबांना फायदा
• 103 मेगावॉट जलविद्युत आणि 27 मेगावॉट सौरऊर्जेतून वीजनिर्मिती

गरुड : अमेरिकेचा राष्ट्रीय पक्षी म्हणून मान्यता

• अमेरिकेत गरुड पक्ष्याला सामर्थ्य आणि ताकदीचे प्रतीक मानले जाते. या पक्ष्याला मिळणारा हा मान आता अधिकृत झाला आहे. 
• मागील सुमारे अडीचशे वर्षांपासून अमेरिकेच्या सामर्थ्याच्या प्रतीक बनलेल्या गरुडाला (बाल्ड ईगल) अखेर ‘राष्ट्रीय पक्षी‘ म्हणून दर्जा देण्यात आला आहे.
• अध्यक्ष ज्यो बायडेन यांनी याबाबतच्या विधेयकावर सही करत त्याचे कायद्यात रूपांतर केले आहे. 
• पांढरे डोके, गर्द पिवळी चोच आणि गडद तपकिरी रंगामुळे हा अत्यंत देखणा पक्षी सहज ओळखू येतो.
• या पक्षाला राष्टीय पक्षाचा दर्जा देण्याची मागणी अनेक वर्षांपासून होत होती. 
• अमेरिका सरकारच्या सरकारी कागदपत्रांवर 1782 पासून या गरुडाचे चित्र आहे.

पार्कर सोलर प्रोबची विक्रमी कामगिरी

• अमेरिकेची अवकाश संशोधन संस्था ‘नासा‘चे सौरयान ‘पार्कर सोलर प्रोब‘ सूर्याच्या सर्वांत जवळ पोहोचले आहे. 
• हा विक्रम करणारे हे पहिलेच मानवनिर्मित यान आहे. 
• ‘पार्कर‘ने सूर्याच्या अत्यंत जवळ पोहोचून इतिहास रचला आहे. 
• सूर्याच्या त्याच्या बाह्य वातावरणाबद्दल महत्त्वाची माहिती गोळा करणे, हे या मोहिमेचे उद्दिष्ट आहे.
• “स्पेस डॉट कॉम‘ नुसार भारतीय वेळेनुसार 24 डिसेंबर रोजी सायंकाळी 5 वाजून 23 मिनिटांनी ‘पार्कर‘ सूर्याच्या पृष्ठभागापासून सर्वांत जवळच्या अंतरावरून उडाले.
•  यान सूर्यापासून 61 लाख किलोमीटर दूर होते.
•  एवढ्या अंतरापर्यंत गेलेले हे एकमेव यान आहे.
•  सूर्याच्या जवळ असल्याने तप्त तापमानाचा सामना करीत ते तेथे पोहोचले.

मोहिमेचा हेतू व निरीक्षणे

• केवळ विक्रमासाठी सूर्याच्या अधिक जवळ जाऊन आणि 980 अंश सेल्सिअसपेक्षा अधिक तापमान सहन करणे, हे उद्दिष्ट नाही
• शास्त्रज्ञांना आजपर्यंत कोड्यात टाकणारी मोठी रहस्ये सोडविण्याचे ‘नासा‘चे ध्येय
• सूर्याच्या वातावरणाच्या बाह्य भागात (कोरोना) मोठी रहस्ये आहेत
• शास्त्रज्ञांच्या निरीक्षणानुसार सूर्यापासून एका विशिष्ट अंतरावर ‘कोरोना‘चे तापमान 11 लाख अंश सेल्सिअसपेक्षा जास्त असू शकते
• सूर्यापासून एक हजार 600 किलोमीटर जवळ असताना ‘कोरोना‘चे तापमान केवळ 4 हजार 100 अंश सेल्सिअसने कमी झाले आहे.

 ‘भीम‘ची ‘क्राय‘समवेत भागीदारी

• ‘भारत इंटरफेस फॉर मनी‘ अर्थात ‘भीम‘ या नॅशनल पेमेंट्स कॉर्पोरेशन ऑफ इंडियाच्या पेमेंट प्रणालीने ‘क्राय‘ या मागास व वंचित मुलांसाठी काम करणाऱ्या संस्थेबरोबर भागीदारी केली आहे. 
• या भागीदारीबरोबर ‘भीम‘ व ‘क्राय‘ यांनी ‘गिफ्ट हॅपीनेस‘ या मोहिमेची घोषणा केली. 
• या उपक्रमाचा उद्देश देशभरातील वंचित मुलांसाठी नवीन वर्षाच्या त्यांच्या इच्छा पूर्ण करून त्यांना आनंद देणे आहे.
• 16 डिसेंबरपासून ही मोहीम सुरू झाली असून, ती 31 तारखेपर्यंत सुरू राहणार आहे. या दरम्यान ‘भीम‘ अॅपवर केलेला प्रत्येक व्यवहार ‘गिफ्ट हॅपिनेस ‘साठी हातभार लावणार आहे.
• ‘गिफ्ट हॅपीनेस‘ ही मोहीम यूजरना दैनंदिन वर्तनात बदल न करता, त्यांच्या नियमित पेमेंटसाठी ‘भीम‘ अॅपचा वापर करण्यास प्रोत्साहन देत आहे. 
• डिजिटल पेमेंटला चालना मिळणार असल्यामुळे लाभ या मुलांना देणे शक्य होईल.

टेन  चिल्ड्रन उपक्रम

• रेनबो अंब्रेला फाउंडेशन, महर्षी कर्वे स्त्री शिक्षण संस्था आणि सेवा सहयोग फाउंडेशनचा ‘टेन चिल्ड्रन‘ हा आंतरराष्ट्रीय उपक्रम नुकताच पार पडला. 
• हा उपक्रम अमेरिका, जर्मनीनंतर भारतात झाला. 
• डेनिस मायर आणि लिझाबेथ कोलटॉफ हे नेदरलँडचे रंगकर्मी या उपक्रमाचे जनक आहेत.
• या उपक्रमात ‘गरिबी आणि मुली’ या विषयावर नाटक, लघुपट, कलाप्रदर्शन आणि परिषदेचे आयोजन करण्यात आले होते. यानिमित्त माहिती पुस्तिकेचेही प्रकाशन करण्यात आले.

The post केन-बेटवा नदीजोड प्रकल्पाची पायाभरणी appeared first on The Officer.

• सुशासन दिन भारतात दरवर्षी  माजी पंतप्रधान अटलबिहारी वाजपेयी यांच्या जयंती दिवशी(25 डिसेंबर )साजरा केला जातो .
• 2014 मध्ये भारतीय लोकांमध्ये सरकारमधील उत्तरदायित्वाबद्दल जागरूकता वाढवून पंतप्रधान वाजपेयी यांचा सन्मान करण्यासाठी सुशासन दिनाची स्थापना करण्यात आली.
• सुशासन दिनाच्या निमित्ताने सरकारने 19 ते 25 डिसेंबर या कालावधीत सुशासन सप्ताह आयोजित केला जातो. 
• या सप्ताहात सेवा वितरण आणि प्रशासनाची कार्यक्षमता सुधारण्यासाठी पुढाकार घेतले जातात.
• सुशासन सप्ताह 2024 अंतर्गत, 19 ते 24 डिसेंबर 2024 या कालावधीत देशातील 700 जिल्ह्यांमध्ये ‘प्रशासन गांव की ओर‘ अभियान राबवण्यात आले होते.
• या अभियानाचा उद्देश जन शिकायतींचे निवारण आणि सेवा वितरणात सुधारणा करणे हा होता. 

व्ही. के. सिंह मिझोरामचे राज्यपाल

• राष्ट्रपती द्रौपदी मुर्मू यांनी पाच राज्यांच्या राज्यपालांच्या नियुक्त्या आणि बदल्या केल्याची घोषणा केली
• माजी लष्करप्रमुख जनरल व्ही. के.
• सिंह यांची मिझोरामच्या आणि माजी केंद्रीय गृहसचिव अजय भल्ला यांची मणिपूरच्या राज्यपालपदी नियुक्ती केली.
• ओडिशाचे राज्यपाल रघुवर दास यांचा राजीनामा राष्ट्रपतींनी स्वीकारला आहे. राष्ट्रपतींनी रघुवर दास यांच्या जागी मिझोरामचे राज्यपाल डॉ. हरी बाबू कांभमपती यांची ओडिशाच्या राज्यपालपदी नियुक्ती केली आहे.
• केरळचे राज्यपाल आरिफ मोहम्मद खान यांची बिहारच्या राज्यपालपदी तर बिहारचे राज्यपाल राजेंद्र आर्लेकर यांची केरळच्या राज्यपालपदी नियुक्ती करण्यात आली आहे.

The post व्ही. के. सिंह मिझोरामचे राज्यपाल appeared first on The Officer.

• राष्ट्रीय ग्राहक दिन ,ग्राहकांना त्यांच्या हक्कांची आठवण करून देण्यासाठी साजरा केला जातो.
• या दिवशी ग्राहक संरक्षण कायदा, 1986 ला राष्ट्रपतींची संमती मिळाली होती. 
• या कायद्यामुळे ग्राहकांना सदोष वस्तू, असमाधानकारक सेवा, आणि अनुचित व्यापार पद्धतींविरुद्ध संरक्षण मिळते. 
• थीम : “आभासी सुनावणी आणि ग्राहक न्यायासाठी डिजिटल प्रवेश“. 
• राष्ट्रीय ग्राहक हक्क दिनाची सुरुवात 24 डिसेंबर 1986 पासून झाली, जेव्हा भारत सरकारने ग्राहक संरक्षण कायदा लागू केला. 
• या कायद्याने ग्राहकांच्या तक्रारींचे निराकरण करण्यासाठी एक मजबूत आराखडा सादर केला कारण या कायद्याने ग्राहकांच्या हक्कांचे संरक्षण केले आणि ग्राहकांना अनुचित व्यापार पद्धती, सदोष उत्पादने आणि कमतरतेच्या सेवांविरुद्ध चौकशी करण्याचे आणि आवाज उठविण्याचे सामर्थ्य दिले.
• राष्ट्रीय ग्राहक हक्क दिनाचे महत्त्व ग्राहक हक्कांबद्दल जागरुकता निर्माण करण्याच्या भूमिकेत आहे. 
• हा दिवस ग्राहकांना त्यांच्या हक्कांबद्दल आणि व्यवसायांना नैतिक पद्धती अवलंबण्यास प्रोत्साहित करण्यासाठी जबाबदार्यांबद्दल शिक्षित करण्याचा एक मार्ग म्हणून काम करतो.
• या दिवसाचे उद्दिष्ट एक बाजारपेठ तयार करणे आहे जिथे ग्राहकांना माहिती दिली जाते, सशक्त केले जाते आणि संरक्षित केले जाते.  
• आंतरराष्ट्रीय ग्राहक दिन 15 मार्च रोजी साजरा केला जातो.

राष्ट्रीय मानवाधिकार आयोगाच्या अध्यक्षपदी न्यायमूर्ती रामसुब्रमण्यम

• सर्वोच्च न्यायालयाचे माजी न्यायाधीश व्ही. रामसुब्रमण्यम यांची राष्ट्रीय मानवाधिकार आयोगाचे  नवे अध्यक्ष म्हणून नियुक्ती करण्यात आली. 
• न्यायमूर्ती (निवृत्त) अरुण कुमार मिश्रा यांचा 1 जून रोजी कार्यकाळ पूर्ण झाल्यापासून राष्ट्रीय मानवाधिक आयोग अध्यक्षपद रिक्त होते. 
• व्ही. रामसुब्रमण्यम हे जून 2023 रोजी सर्वोच्च न्यायालयाच्या न्यायमूर्तीपदावरून निवृत्त झाले होते.
• भारताचे माजी सरन्यायाधीश किंवा सर्वोच्च न्यायालयाचे निवृत्त न्यायाधीश निवड समितीच्या शिफारशीनुसार राष्ट्रपतींद्वारे मानवाधिकार आयोगाचे अध्यक्ष म्हणून नियुक्त केले जातात.
• प्रियांक कानुंगो आणि न्यायमूर्ती (निवृत्त) विद्युत रंजन सारंगी यांची आयोगाचे सदस्य म्हणून नियुक्ती करण्यात आली आहे.

रामसुब्रमण्यम यांच्याविषयी

• रामसुब्रमण्यम यांचा जन्म तमिळनाडूतील मन्नारगुडी येथे झाला.
• ते सर्वोच्च न्यायालयाचे माजी न्यायाधीश आहेत. 
• ते हिमाचल प्रदेश उच्च न्यायालयाचे माजी मुख्य न्यायाधीशही राहिले आहेत. 
• याव्यतिरिक्त, ते मद्रास उच्च न्यायालय आणि तेलंगणा उच्च न्यायालयात न्यायाधीश राहिले आहेत. 
• रामसुब्रमण्यम 29 जून 2023 रोजी सर्वोच्च न्यायालयातून निवृत्त झाले. 
• सर्वोच्च न्यायालयाचे न्यायाधीश असताना त्यांनी 102 निवाडे लिहिले. 
• 2016 च्या नोटाबंदी धोरण आणि लाचखोरीच्या प्रकरणांमध्ये परिस्थितीजन्य पुराव्याची वैधता यावर सुनावणी करणाऱ्या खंडपीठांचे ते सदस्य होते.

निवड  कशी केली जाते?

• निवड समितीच्या शिफारशीनुसार राष्ट्रीय मानवाधिकार  अध्यक्षाची  नियुक्ती राष्ट्रपती करतात.
• या निवड समितीचे अध्यक्ष पंतप्रधान असतात, तर लोकसभेचे अध्यक्ष, गृहमंत्री, लोकसभा आणि राज्यसभेतील विरोधी पक्षनेते आणि राज्यसभेचे उपाध्यक्षही सदस्य असतात.
• न्यायमूर्ती मिश्रा यांच्या निवृत्तीनंतर राष्ट्रीय मानवाधिकार आयोगाचे  सदस्या विजया भारती यांची प्रभारी अध्यक्ष म्हणून नियुक्ती करण्यात आली होती.

राष्ट्रीय मानवाधिकार आयोग

• भारतीय राष्ट्रीय मानवाधिकार आयोग (NHRC ) ही 28 सप्टेंबर 1993 च्या मानवी हक्क संरक्षण अध्यादेशाअंतर्गत 12 ऑक्टोबर 1993 रोजी स्थापन करण्यात आलेली एक वैधानिक संस्था आहे.
• या आयोगात एक अध्यक्ष, चार पूर्णवेळ सदस्य आणि चार मानित सदस्य असतात

कार्य:

• मानवी हक्कांचे संरक्षण आणि संवर्धन करणे
• भारतीय नागरिकांसाठी न्याय्य आणि धार्मिक वातावरण निर्माण करणे
• केंद्र आणि राज्य स्तरावरील सरकारमध्ये मानवाधिकारांच्या दृष्टिकोनावर आधारित काम करणे
• बोधवाक्य : सर्वे भवन्तु सुखिनः( ”सर्व सुखी होवो” )
• मुख्यालय: नवी दिल्ली

प्रसिद्ध दिग्दर्शक, निर्माते श्याम बेनेगल यांचे निधन

• समांतर चित्रपट जगणारे आणि जगवणारे प्रख्यात दिग्दर्शक, निर्माते श्याम बेनेगल यांचे 90 व्या वर्षी निधन झाले.
• परिवर्तनवादी दिग्दर्शक म्हणून ओळखले जाणारे श्याम बेनेगल यांनी सामाजिक आशयप्रधान चित्रपटांद्वारे भारतीय चित्रपटसृष्टीवर अमीट ठसा उमटवला. 
• गेल्या काही वर्षांपासून ते किडनीच्या विकाराने त्रस्त होते.
• 14 डिसेंबर 1934 रोजी हैदराबाद येथे जन्मलेले श्याम बेनेगल यांनी आपल्या चित्रपटांत समाजातील वास्तववादी विषय हाताळले. 
• ‘अंकुर‘, ‘निशांत‘, ‘मंथन‘, ‘भूमिका‘, ‘जुनून‘ यांच्यासह अनेक वास्तववादी चित्रपट त्यांनी भारतीय चित्रपटसृष्टीला दिले.
• ‘अंकुर‘मुळे हिंदी चित्रपटसृष्टीला शबाना आझमी नावाची अभिनेत्री मिळाली. 
• ‘अंकुर‘ या त्यांच्या पहिल्यावहिल्या चित्रपटाला. राष्ट्रीय पुरस्कार देऊन गौरवण्यात आले होते; तसेच ‘निशांत‘, ‘मंथन‘, ‘जुनून‘, ‘आरोहण‘ या चित्रपटांनीही राष्ट्रीय पुरस्कार पटकावले.
• ‘सरदारी बेगम‘, ‘झुबैदा‘, ‘नेताजी सुभाषचंद्र बोस : द फरगॉटन हिरो‘ आणि ‘वेल डन अब्बा‘ हे त्यांचे चित्रपटही प्रेक्षकांमध्ये चर्चेत राहिले.
• अनंत नाग, नसीरुद्दीन शाह, ओम पुरी, शबाना आझमी, स्मिता पाटील यांच्यासह अनेक कलाकार बेनेगल यांनी घडवले.
• चित्रपटसृष्टीतील योगदानासाठी बेनेगल यांना 1976 मध्ये पद्मश्री, 1991मध्ये पद्मभूषण आणि 2005 मध्ये दादासाहेब फाळके पुरस्काराने सन्मानित करण्यात आले होते.

The post राष्ट्रीय मानवाधिकार आयोगाच्या अध्यक्षपदी न्यायमूर्ती रामसुब्रमण्यम appeared first on The Officer.

• राष्ट्रीय शेतकरी दिन, हा “किसान दिवस” म्हणूनही ओळखला जातो, हा दिवस शेतकऱ्यांच्या अथक परिश्रमांचा आणि त्यांच्या अमूल्य योगदानांचा सन्मान करण्यासाठी समर्पित आहे. 
• प्रत्येक वर्षी 23 डिसेंबर रोजी हा दिवस साजरा केला जातो, जो भारताचे पाचवे पंतप्रधान चौधरी चरण सिंग यांच्या जयंतीला साजरा होतो. 
• शेतकऱ्यांना समर्पित असलेला हा दिवस त्यांचे महत्त्व आणि शेतकऱ्यांच्या कल्याणासाठी त्यांनी केलेल्या प्रयत्नांची दखल घेतो.
• चौधरी चरण सिंग हे शेतकऱ्यांच्या हक्कांचे रक्षक आणि कृषी क्षेत्रातील सुधारणा करण्यासाठी ज्ञात होते. त्यांच्या शेतकऱ्यांसाठी केलेल्या योगदानामुळे हा दिवस साजरा केला जातो.
• थीम: “शाश्वत अन्न सुरक्षा आणि लवचिकतेसाठी स्मार्ट सोल्यूशन्स वितरित करणे,” 

नरेंद्र मोदी यांना ‘द ऑर्डर ऑफ मुबारक अल – कबीर‘  सर्वोच्च पुरस्कार प्रदान

• भारत आणि कुवेतदरम्यानचे संबंध अधिक बळकट करण्यात महत्त्वाची भूमिका बजावल्याबद्दल पंतप्रधान नरेंद्र मोदी यांना कुवेतचा ‘द ऑर्डर ऑफ मुबारक अल–कबीर‘ हा सर्वोच्च पुरस्कार प्रदान करण्यात आला.
• बायन पॅलेस येथे अमिर शेख मेशल अल–अहमद अल–जेबर अल–सबाह यांनी मोदींना हा पुरस्कार दिला.
• हा सन्मान आपण भारतीयांना आणि भारत–कुवेत मैत्रीला अर्पण करत असल्याचे पंतप्रधान मोदींनी जाहीर केले.
• ऑर्डर ऑफ मुबारक अल कबीर हा कुवैती नाईटहूड आहे जो देशाचे प्रमुख, परदेशी सार्वभौम आणि परदेशी राजघराण्यातील सदस्यांना मैत्रीचे प्रतीक म्हणून दिला जातो.
• मोदी यांना एखाद्या राष्ट्राकडून मिळालेला हा 20 वा पुरस्कार आहे. 
• ऑर्डर ऑफ मुबारक अल कबीर‘ याआधी बिल क्लिंटन, प्रिन्स चार्ल्स आणि जॉर्ज बुश यांसारख्या परदेशी नेत्यांना देण्यात आला आहे.

भारत–कुवेत संबंध

• कुवेत भारताचा आघाडीचा व्यापारी भागीदार देश
• 2023-24मध्ये द्विपक्षीय व्यापार 10.47अब्ज डॉलर
• कुवेत भारताचा सहाव्या क्रमांकाचा कच्चे तेल पुरवठादार देश
• भारताची कुवेतला निर्यात 2 अब्ज डॉलरपर्यंत पोहोचली
• भारतातील कुवेतची गुंतवणूक 10 अब्ज डॉलर
• नरेंद्र मोदी कुवेत देशाला भेट देणारे मोदी हे मागील 43 वर्षांतील पहिलेच भारतीय पंतप्रधान आहेत. यापूर्वी इंदिरा गांधी यांनी 1981 मध्ये या देशाला भेट दिली होती.

19 वर्षाखालील महिला आशिया क्रिकेट स्पर्धा (20-20) 

• 19 वर्षाखालील(20-20) आशिया चषक स्पर्धेत भारतीय महिला संघाने अंतिम   सामन्यात बांगलादेशचा पराभव केला.
• भारतीय संघाने अंतिम सामन्यात 41 धावांनी विजय मिळवला. 
• आशिया चषकाचा अंतिम सामना मलेशियातील क्वालालंपूर येथे झाला.

वनक्षेत्राच्या वाढीत छत्तीसगड देशात पहिल्या स्थानावर

• छत्तीसगडमध्ये मागील दोन वर्षांत वनांची आणि झाडांची संख्या देशातील इतर राज्यांच्या तुलनेत सर्वाधिक वाढल्याची माहिती नुकत्याच प्रसिद्ध झालेल्या भारतीय वनसर्वेक्षण अहवाल 2023 मध्ये (आयएसएफआर) देण्यात आली आहे.
• छत्तीसगड खालोखाल अनुक्रमे उत्तर प्रदेश, ओडिशा आणि राजस्थान या राज्यांत वनांची संख्या सर्वाधिक असल्याचे या अहवालात नमूद करण्यात आले
• पर्यावरण, वन आणि हवामान बदल मंत्री भूपेंद्र यादव यांच्या हस्ते वन संशोधन संस्था, डेहराडून येथे हा अहवाल प्रकाशित करण्यात आला. 
• भारतीय वन सर्वेक्षणाच्या माध्यमातून (एफएसआय) 1987 पासून दर दोन वर्षांनी हा अहवाल प्रसिद्ध करण्यात येतो. रिमोट सेन्सिंग, उपग्रहाच्या माध्यमातून उपलब्ध झालेली माहिती आणि प्रत्यक्ष  सर्वेक्षणाच्या आधारे हा अहवाल तयार करण्यात येतो.
• यामध्ये देशातील जंगले आणि वनसंपदेचे सखोल मूल्यांकन करण्यात येते. 
• या अहवालात वनक्षेत्रे, वृक्षाच्छादित प्रदेश, खारफुटीची जंगले, देशामधील जंगलातील कार्बन साठा, वणवे, कृषी वनीकरण इत्यादींची विस्तृत माहिती देण्यात आलेली आहे.
• सध्याच्या मूल्यांकनानुसार, देशात सध्या 8 लाख 27 हजार 357 चौरस किलोमीटर वन आणि वृक्षाच्छादित क्षेत्र आहे, जे देशाच्या भौगोलिक क्षेत्राच्या 25.17 टक्के आहे.
• वनक्षेत्राचे क्षेत्रफळ सुमारे 7 लाख 15 हजार 343 चौरस किलोमीटर (21.76%) आहे तर वृक्षाच्छादनाचे क्षेत्रफळ 1 लाख 12 हजार 14 चौरस किलोमीटर (3.41%) एवढे आहे.

वनक्षेत्र आणि वृक्षाच्छादित क्षेत्रात सर्वाधिक वाढ झालेली राज्ये

• 684 चौ. कि.मी. छत्तीसगड 
• 559 चौ. कि.मी. उत्तर प्रदेश
• 559 वर्ग कि.मी. ओडिशा
• 394 चौ. कि.मी. राजस्थान

वनक्षेत्रात सर्वाधिक वाढ झालेली राज्ये

• 242 चौ. कि.मी. मिझोराम 
• 180 चौ. कि.मी. गुजरात
• 152 चौ. कि.मी. ओडिशा

अहवालातील प्रमुख निष्कर्ष

• क्षेत्रफळानुसार सर्वांत मोठी जंगले आणि वृक्षाच्छादित प्रदेश असलेल्या तीन राज्यांमध्ये मध्य प्रदेश 85 हजार 724 चौ. कि.मी. त्याखालोखाल अरुणाचल प्रदेश 67 हजार 83 चौ. कि.मी. आणि महाराष्ट्र 65 हजार 383 चौ. कि.मी.
• क्षेत्रफळानुसार सर्वांत मोठी वनक्षेत्रे असलेली तीन राज्ये मध्य प्रदेश 77 हजार 73चौ. कि.मी. त्याखालोखाल अरुणाचल प्रदेश 65 हजार 882 चौ. कि.मी. आणि छत्तीसगड 55 हजार 812 चौ. कि.मी.
• 19 राज्ये व केंद्रशासित प्रदेशांमध्ये 33 टक्क्यांहून अधिक भौगोलिक क्षेत्र वनांच्या आच्छादनाखाली आहे. यापैकी मिझोराम, लक्षद्वीप, आंदमान व निकोबार, अरुणाचल प्रदेश, नागालँड, मेघालय, त्रिपुरा व मणिपूर येथे 75 टक्क्यांपेक्षा जास्त जंगले
• या वर्षीच्या मूल्यांकनात देशातील जंगलात एकूण कार्बन साठा 7, 285.5 दशलक्ष टन असल्याचा अंदाज आहे.
• गेल्या मूल्यांकनाच्या तुलनेत कार्बन साठ्यात 81.5 दशलक्ष टनांची वाढ

The post नरेंद्र मोदी यांना ‘द ऑर्डर ऑफ मुबारक अल – कबीर’ सर्वोच्च पुरस्कार प्रदान appeared first on The Officer.

• भारत सरकारने 2012 मध्ये 22 डिसेंबर हा दिवस राष्ट्रीय गणित दिन म्हणून घोषित केला. 
• श्रीनिवास रामानुजन यांचा जन्म 22 डिसेंबर, 1887 रोजी झाला होता. 
• श्रीनिवास रामानुजन यांनी गणित विश्लेषण, संख्या सिद्धांत, अनंत मालिका आणि सतत अपूर्णांक यामध्ये भरीव योगदान दिले. 
• राष्ट्रीय गणित दिनानिमित्त प्रयागराज येथे कार्यशाळा आयोजित केली जाते. 
• या कार्यशाळेत देशभरातील विद्वान गणित आणि श्रीनिवास रामानुजन यांच्या गणितातील योगदानावर चर्चा करतात. 
• भारतातील सर्व राज्ये वेगवेगळ्या प्रकारे राष्ट्रीय गणित दिन साजरा करतात.
• या वर्षी राष्ट्रीय गणित दिन 2024 ची थीम “गणित: नवीनता आणि प्रगतीचा पूल” आहे.

 देशाच्या वनक्षेत्रात 25% वाढ

• भारताच्या एकूण वनक्षेत्र आणि वृक्षक्षेत्रामध्ये वाढ झाली असल्याचे केंद्र सरकारच्या पाहणी अहवालामध्ये आढळून आले.
• देशातील जंगल आणि झाडांखालील क्षेत्र 2021च्या तुलनेत 2023मध्ये 1,445 चौरस किलोमीटरने वाढले असल्याचे भारत वन स्थिती अहवाल (आयएसएफआर) 2023, यामध्ये नमूद करण्यात आले आहे. त्याच वेळी पश्चिम घाट आणि पूर्व घाटातील एकूण वनक्षेत्रामध्ये 58.22 चौरस किलोमीटर घट झाली आहे.
• या अहवालानुसार देशाचे वनक्षेत्र आणि वृक्षक्षेत्र 2021 पासून 2023 पर्यंत 25.17 टक्क्यांनी वाढले आहे.
• 2021मध्ये भारताचे एकूण वनक्षेत्र 7 लाख 13 हजार 789 किलोमीटर होते . ते आता 2023 मध्ये  7 लाख 15 हजार 343 चौरस किलोमीटर इतके झाले. 
• हे क्षेत्रफळ भारताच्या एकूण भौगोलिक क्षेत्राच्या 21.76 टक्के इतके आहे असे अहवालात लिहिले आहे. 
• या कालावधीत भारतातील वृक्षाखालील क्षेत्र 1,289 चौरस किलोमीटरने तर वनक्षेत्र 156 चौरस किलोमीटरने वाढले. 
• यामध्ये बांबूखालील क्षेत्राचाही समावेश करण्यात आल्याची माहिती भारतीय वन सर्वेक्षणाचे महासंचालक अनूप सिंह यांनी दिली.
• वनक्षेत्र वाढण्याबरोबरच कार्बन शोषून घेण्याची क्षमता (कार्बन सिक) वाढवण्यातही यश मिळाले आहे. 
• 2005 च्या तुलनेत 2023 मध्ये भारतातील 2.25 अब्ज टन कार्बन अधिक शोषला गेला आहे.
• पॅरिस करारातून  आखून दिलेली ध्येय साध्य करण्यासाठी ‘राष्ट्रीय निर्धारित योगदानां‘चा (एनडीसी) भाग म्हणून भारताने वन आणि वृक्षक्षेत्र वाढवून 2030 पर्यंत कार्बन सिंक 2.5 ते 3 अब्ज डॉलरपर्यंत वाढवण्यासाठी कटिबद्धता दर्शवली आहे.
• याच वेळी 2021च्या कार्बनच्या साठ्याच्या तुलनेत 2023मध्ये 81.5 टक्के वाढ झाल्याचे अहवालात नमूद करण्यात आले आहे. 
• कार्बन साठा म्हणजे जमीन, झाडांची मुळे आणि जमिनीवरील जीववस्तुमानात (बायोमास) साठवलेले कार्बनचे प्रमाण.
• छत्तीसगड, उत्तर प्रदेश, ओडिशा आणि राजस्थानमध्ये सर्वाधिक वन आणि वृक्षक्षेत्र वाढले आहे.

 98 व्या साहित्य संमेलनाचे उदघाटन नरेंद्र मोदी यांच्या हस्ते होणार

• दिल्ली येथे आयोजित 98 व्या अखिल भारतीय मराठी साहित्य संमेलनाचे उद्घाटन पंतप्रधान नरेंद्र मोदी यांच्या हस्ते होणार आहे.
• या संमेलनाचे स्वागताध्यक्ष शरद पवार यांनी संमेलनाच्या उद्घाटनासाठी मोदींना निमंत्रित केले होते. ते निमंत्रण मोदींनी स्वीकारले आहे.
• 21 फेब्रुवारी 2025 रोजी पंतप्रधान मोदी यांच्या हस्ते उदघाटन होईल.
• संमेलनाचे अध्यक्ष: तारा भवाळकर
• स्वागताध्यक्ष : शरद पवार
• उदघाटक : नरेंद्र मोदी
• साहित्य महामंडळाचे अध्यक्ष: उषा तांबे

43 वर्षांनंतर भारतीय पंप्रधानांचा कुवेत दौरा

• महाभारत आणि रामायणाचे अरबीमध्ये भाषांतर तसेच प्रकाशन करणाऱ्या कुवेतमधील दोन नागरिकांची पंतप्रधान नरेंद्र मोदी यांनी भेट घेतली. दोन्ही ग्रंथांच्या अरबी आवृत्त्यांच्या प्रतींवरही पंतप्रधानांनी स्वाक्षरी केली. 
• कुवेतचे श्रीमंत शेख मेशाल अल–अहमद अल–जाबेर अल–सबाह यांच्या निमंत्रणावरून मोदी कुवेतला पोहोचले होते. त्यांचा हा दौरा दोन दिवसांचा आहे.
• 43 वर्षांत भारतीय पंतप्रधानांची आखाती देशाची ही पहिलीच भेट आहे. यापूर्वी तत्कालीन पंतप्रधान इंदिरा गांधी यांनी 1981 मध्ये कुवेतला भेट दिली होती.

महाराष्ट्राचे नवे  मंत्रिमंडळ

1) मुख्यमंत्री देवेंद्र फडणवीस : गृह, ऊर्जा (अपारंपारिक ऊर्जा वगळून), न्याय व विधी, सामान्य प्रशासन, माहिती व प्रसारण व खातेवाटप न झालेली सर्व खाती.

2) उपमुख्यमंत्री एकनाथ शिंदे : नगरविकास, गृहनिर्माण

3) उपमुख्यमंत्री अजित पवार: अर्थ आणि नियोजन, उत्पादन शुल्क

कॅबिनेट मंत्री (एकूण 33)

1) चंद्रशेखर बावनकुळे : महसूल

2) राधाकृष्ण विखे :जलसंपदा (गोदावरी व कृष्णा खोरे विकास)

3) हसन मुश्रीफ: वैद्यकीय शिक्षण

4) चंद्रकांत पाटील :उच्च व तंत्रशिक्षण, संसदीय कामकाजमंत्री

5) गिरीश महाजन :जलसंपदा (विदर्भ, तापी, कोकण विकास), आपत्ती व्यवस्थापन

6) गुलाबराव पाटील : पाणीपुरवठा आणि स्वच्छता

7) गणेश नाईक : वन

8) दादाजी भुसे : शालेय शिक्षण

9) संजय राठोड : जलसंधारण आणि पाणी परीक्षण

10) धनंजय मुंडे : अन्न व नागरी पुरवठा आणि ग्राहक संरक्षण

11) मंगलप्रभात लोढा : कौशल्य विकास, रोजगार, उद्योग व संशोधन

12) उदय सामंत : उद्योग व मराठी भाषा

13) जयकुमार रावल : विपणन, राजशिष्टाचार

14) पंकजा मुंडे : पर्यावरण व हवामान बदल, पशुसंवर्धन

15) अतुल सावे : ओबीसी विकास, दुग्धविकास, अपारंपरिक ऊर्जा

16) अशोक उईके : आदिवासी विकास मंत्रालय

17) शंभूराज देसाई : पर्यटन, खाण व स्वातंत्र्य सैनिक कल्याण मंत्रालय

18) आशिष शेलार : माहिती व तंत्रज्ञान

19) दत्तात्रय भरणे : क्रीडा व अल्पसंख्याक विकास व वक्फ मंत्रालय

20) आदिती तटकरे : महिला व बालविकास

21) शिवेंद्रराजे भोसले : सार्वजनिक बांधकाम

22) माणिकराव कोकाटे : कृषी

23) जयकुमार गोरे : ग्रामविकास, पंचायत राज

24) नरहरी झिरवाळ : अन्न व औषध प्रशासन

25) संजय सावकारे : वस्त्रोद्योग 

26) संजय शिरसाट : सामाजिक न्याय

27) प्रताप सरनाईक : परिवहन

28) भरत गोगावले : रोजगार हमी, फलोत्पादन

29) मकरंद पाटील : मदत व पुनर्वसन

30) नितीश राणे : मत्स्य आणि बंदरे

31) आकाश फुंडकर : कामगार 

32) बाबासाहेब पाटील : सहकार

33) प्रकाश आबिटकर : सर्वजनिक आरोग्य व कुटुंब कल्याण

राज्यमंत्री (एकूण 6)

34) माधुरी मिसाळ : सामाजिक न्याय, अल्पसंख्याक विकास व वक्फ मंत्रालय, वैद्यकीय शिक्षण आदी

35) आशिष जयस्वाल : अर्थ आणि नियोजन, विधी व न्याय आदी

36) मेघना बोर्डीकर : सार्वजनिक आरोग्य, कुटुंब कल्याण, पाणी पुरवठा आदी

37) द्रनील नाईक : उच्च आणि तंत्र शिक्षण, आदिवासी विकास आणि पर्यटन आदी

38) योगेश कदम : गृह (शहर), महसूल, पंचायत राज आदी

39) पंकज भोयर : गृहनिर्माण, शालेय शिक्षण, सहकार आदी.

नवी मुंबईचे शिल्पकार शिरीष पटेल यांचे निधन

• नवी मुंबईचे शिल्पकार अशी ख्याती असलेले ज्येष्ठ वास्तुरचनाकार शिरीष बी. पटेल यांचे वयाच्या 92 व्या वर्षी निधन झाले.
• स्वातंत्र्योत्तर काळात मुंबईतील अनेक पायाभूत सुविधांद्वारे मुंबईला आकार देण्याचे श्रेय पटेल यांनाच जाते.
• 1932 मध्ये जन्मलेल्या पटेल यांनी त्या काळात केम्ब्रिज विश्वविद्यालयातून अभियांत्रिकीचे शिक्षण पूर्ण केले.
• पुढे 1960 मध्ये त्यांनी मुंबईत शिरीष पटेल अँड असोसिएट (एसपीए) या कंपनीची स्थापना केली. 
• या कंपनीच्या माध्यमातून त्यांनी अभियांत्रिकी क्षेत्रात अनेक उल्लेखनीय कामे केली.
• ‘झपाट्याने विकसित होत असलेल्या महानगरांवरील ताण कमी करण्यासाठी एक नवीन शहर विकसित करायला हवे,’ असा विचार त्यांनी एका लेखाद्वारे मांडला होता.
• 1965 मध्ये चार्ल्स कोरिया आणि प्रवीण मेहता यांच्यासमवेत हा विचार पुढे आणला होता. 
• हे नवीन शहर म्हणजे आताची नवी मुंबई आहे.
• 1970 ते 1974 दरम्यान त्यांनी शहराच्या विकासाच्या दृष्टीने अनेक महत्त्वपूर्ण कामे केली.

The post 43 वर्षांनंतर भारतीय पंप्रधानांचा कुवेत दौरा appeared first on The Officer.

• WorldMeditationDay | संयुक्त राष्ट्रांनी 21 डिसेंबरला पहिला जागतिक ध्यान दिन साजरा केला, “जागतिक शांतता आणि सौहार्दासाठी ध्यान” या संकल्पनेवर भर दिला. या उपक्रमात मानसिक आरोग्य आणि जागतिक कल्याणाच्या महत्त्वावर जोर देण्यात आला आहे.
• 21 डिसेंबर हा जागतिक ध्यान दिवस म्हणून साजरा केला जावा हा लिकटेंस्टिन या देशाने मांडलेला व भारतासह अनेक देशांनी अनुमोदन दिलेला प्रस्ताव संयुक्त राष्ट्रांच्या आमसभेने एकमताने मंजूर केला. 
• निश्चित ध्येय ठरवून त्या ध्येयाप्रती आपल्या मनाच्या शक्तीला एकाग्र करणे आणि उर्जा प्राप्त करण्यासाठी सरव करत राहण्याच्या प्रक्रियेस अनेक लोक ध्यान असे संबोधतात.
•  ज्यामध्ये मानसिक आणि शारीरिक तंत्रांचा वापर करून आपले मन केंद्रित करणे किंवा स्वच्छ करणे समाविष्ट आहे. 
• ध्यानामध्ये माइंडफुलनेस, केंद्रित श्वासोच्छ्वास आणि एकाग्र विचार यासारख्या तंत्रांचा वापर केला जातो. हे व्यक्तींना मानसिक स्पष्टता, भावनिक शांतता आणि शारीरिक विश्रांती मिळविण्यात मदत करते

ध्यान म्हणजे काय?

• ध्यान ही एक प्राचीन प्रथा आहे ज्यामध्ये आपले लक्ष केंद्रित करणे आणि आपले मन शांत करणे समाविष्ट आहे. अनेक भिन्न ध्यान तंत्रे आहेत, परंतु त्या सर्वांमध्ये शांतता आणि आंतरिक शांतीची स्थिती प्राप्त करण्याचे ध्येय सामायिक आहे.
• लोक अनेक कारणांसाठी ध्यान करतात, यासह:
• तणाव आणि चिंता कमी करणे
• फोकस आणि एकाग्रता सुधारणे
• मूड आणि कल्याण वाढवणे
• चांगली झोप प्रोत्साहन

आभासी चलन गुंतवणूकित दिल्ली अव्वलस्थानी

• क्रिप्टो म्हणजेच आभासी चलन गुंतवणुकीत दिल्लीने पहिला क्रमांक पटकावला. 
• महाराष्ट्रातील मुंबईने तिसरा तर  पुण्याने देशात  पाचवा क्रमांक पटकाविला आहे. 
• देशातील प्रमुख 10 शहरांमध्ये सर्वाधिक परतावा मिळणारे आभासी चलन गुंतवणूकदारही पुण्यातीलच असल्याचे ‘कॉइनस्विच‘ या आभासी चलन मंचाच्या अहवालातून समोर आले आहे.
• कॉइनस्विच‘ने ‘इंडियाज क्रिप्टो पोर्टफोलिओ २०२४ : हाऊ इंडिया इन्व्हेस्ट्स‘ हा अहवाल जाहीर केला आहे. 
• देशातील वैविध्यपूर्ण आभासी चलन परिसंस्था आणि डिजिटल मालमत्तेत वाढत असलेला सहभाग यावर अहवालातून सहभाग टाकण्यात आला.
• गुंतवणूकदारांमधील 76 टक्के पुरुष आणि 24 टक्के महिला आहेत.
• देशातील क्रिप्टो गुंतवणुकीत दिल्ली पहिल्या , बेंगळुरू दुसऱ्या ,मुंबई तिसऱ्या, हैदराबाद चौथ्या तर पुणे पाचव्या स्थानावर आहे.
• दिल्ली, बंगळुरू, मुंबईया शहरांचा क्रिप्टो गुंतवणुकीत वाटा अनुक्रमे 20.1% ,9.6% आणि 6.5% आहे.

हरियाणाचे माजी मुख्यमंत्री ओमप्रकाश चौताला यांचे निधन

• राष्ट्रीय लोकदलाचे अध्यक्ष आणि हरियाणाचे माजी मुख्यमंत्री ओमप्रकाश चौताला यांचे  वयाच्या ८९ व्या वर्षी निधन झाले.
• ते पाच वेळा हरियाणाचे मुख्यंमत्रीपद भूषविणारे आणि माजी पंतप्रधान देवीलाल चौताला यांचे पुत्र होते.यांच्या निधनावर दुःख व्यक्त कल.
• १ जानेवारी १९३५ रोजी जन्मलेले ओम प्रकाश चौतालाहे माजी उपपंतप्रधान चौधरी देवी लाल यांच्या पाच मुलांपैकी सर्वात मोठे होते.
• चौताला यांनी प्राथमिक शिक्षणानंतर शिक्षण सोडले होते. 
• २०१३ मध्ये शिक्षक भरती घोटाळ्यात तुरुंगात असताना त्यांनी १०वी आणि १२वीची परीक्षा उत्तीर्ण केली होती. २०२१ मध्ये त्यांची तुरुंगातून सुटका झाली होती.
• चौताला हे पाच वेळा राज्याचे मुख्यमंत्री होते.
• १९८९ मध्ये जनता दल सरकारमध्ये देवी लाल उपपंतप्रधान असताना चौताला मुख्यमंत्री झाले.
• ते सहा वेळा आमदार होते आणि १९७० मध्ये चौताला घराण्याचा बालेकिल्लामानल्या जाणाऱ्या सिरसातील एलेनाबादमधून पहिल्यांदा आमदार म्हणून निवडून आले होते. नरवाना, उचाना, दरबा कलान आणि रोडी येथूनही त्यांनी निवडणूक जिंकली होती.

पर्यटन उद्योगासाठी अनुकूल असणाऱ्या देशात भारताचा 38 वा क्रमांक

• जागतिक आर्थिक मंचाने (डब्ल्यूईएफ) नुकताच पर्यटन उद्योगासाठी अनुकूल देशांचा एक निर्देशांक प्रकाशित केला. 
• एकूण 119 देशांतील पर्यटन उद्योगाचा यासाठी आढावा घेण्यात आला. त्यामध्ये भारताचा क्रमांक पर्यटनासाठी अनुकूल देशांमध्ये 38 वा आला आहे.
• यापूर्वी पर्यटन उद्योगाचा आढावा डब्ल्यूईएफकडून 2021मध्ये घेण्यात आला होता. त्यावेळी पर्यटन उद्योगासाठी अनुकूल देशांमध्ये भारताचा क्रमांक 54 वा आला होता.
• मात्र  त्यानंतर डब्ल्यूईएफने यासाठीचे काही निकष बदलले आणि त्यामुळे भारताचा क्रमांक 38 वा आला.

The post हरियाणाचे माजी मुख्यमंत्री ओमप्रकाश चौताला यांचे निधन appeared first on The Officer.

• भाजपचे नेते राम शिंदे यांची विधान परिषदेच्या सभापतिपदी एकमताने निवड झाली.
• हे पद भूषवणारे शिंदे हे दुसरे प्राध्यापक ठरले आहेत.
• कर्जत-जामखेड मतदारसंघातून त्यांनी भाजपकडून विधानसभा निवडणूक लढवली होती, मात्र राष्ट्रवादी काँग्रेस शरदचंद्र पवार पक्षाचे रोहित पवार यांनी त्यांचा पराभव केला होता.
• राम शिंदे यांची सभापतिपदी निवड करण्यासंदर्भातील प्रस्ताव श्रीकांत भारतीय यांनी सभागृहात मांडला.
• गेल्या अडीच वर्षापासून विधान परिषदेचे सभापतीपद रिक्त होते. रामराजे नाईक निंबाळकर यांच्यानंतर आज राम शिंदे हे सभापती पदाच्या खुर्चीत बसले आहेत.
• राम शिंदे यांचा जन्म १ जानेवारी १९६९ रोजी अहिल्यानगरच्या चौंडी येथील गरीब शेतकरी कुटुंबात झाला.
• गरिबीच्या परिस्थितीवर मात करत राम शिंदे यांनी एम. एस्सी. बीएडपर्यंतचे शिक्षण पूर्ण केले. त्यानंतर राम शिंदे यांनी प्राध्यापक म्हणून आष्टी (जि. बीड) येथे प्रारंभीच्या काळात नोकरी केली.
• सन १९९५ मध्ये तत्कालीन ग्रामविकासमंत्री अण्णा डांगे यांनी अहिल्यादेवींचे जन्मगाव चौंडी विकास प्रकल्पाची जबाबदारी प्रा. राम शिंदे यांच्यावर सोपवली.
• १९९७ मध्ये भाजपातर्फे पंचायत समितीच्या जवळा गणातून शिंदे यांनी निवडणूक लढवली परंतु अवघ्या २०० मतांनी त्यांना पराभव स्वीकारावा लागला. २००० मध्ये चौंडी ग्रामपंचायत निवडणूक लढवून सलग पाच वर्षे सरपंचपद मिळवले.
• २००६ मध्ये भाजपाच्या जामखेड तालुकाध्यक्षपदी राम शिंदेंची निवड झाली. २००७ मध्ये पत्नी आशा शिंदे या भाजपातर्फे पंचायत समितीच्या जवळा गणातून विजयी झाल्या.
• २००९च्या विधानसभा निवडणुकीत नव्याने निर्माण झालेल्या कर्जत जामखेड मतदारसंघातून ते दहा हजार मतांनी विजयी झाले. तेव्हाच्या अहमदनगर भाजपा जिल्हाध्यक्ष आणि नंतर प्रदेश सरचिटणीस अशी जबाबदारी त्यांनी स्वीकारली.
• २०१४ च्या विधानसभा निवडणुकीत राम शिंदे ४५ हजार मतांनी दुसऱ्यांदा निवडून आले. त्यावेळी भाजपाच्या सरकारमध्ये राज्यमंत्री म्हणून गृह, पणन, आरोग्य व पर्यटन खात्याचे काम शिंदेंनी सांभाळले.
• त्यानंतर कॅबिनेट मंत्री म्हणून मृद व जलसंधारण, राजशिष्टाचार, ओबीसी कल्याण, पणन व वस्त्रोद्योग या खात्याचे मंत्री म्हणून त्यांनी काम केले. ते नगर जिल्ह्याचे पाच वर्षे पालकमंत्री राहिले आहेत.
• उपपसभापती – नीलम गोऱ्हे

‘महाऊर्जा ‘ ला राष्ट्रीय ऊर्जा संवर्धन पुरस्कार

• राज्यात ऊर्जा संवर्धन क्षेत्रात केलेल्या उल्लेखनीय कामगिरीबद्दल महाराष्ट्र ऊर्जा विकास अभिकरण (महाऊर्जा) या संस्थेस केंद्र सरकारच्या विद्युत मंत्रालयातर्फे आयोजित ‘राष्ट्रीय ऊर्जा संवर्धन पुरस्कार 2024’मधील ‘स्टेट एनर्जी एफिशियन्सी परफॉर्मन्स अॅवॉर्ड 2024 (ग्रुप १)’ या प्रकारात प्रथम पुरस्कार मिळाला आहे.
• ऊर्जा संवर्धन दिनाचे औचित्य साधून नवी दिल्ली येथील विज्ञान भवन येथे (ता. १४) हा पुरस्कार सोहळा झाला.
• उपराष्ट्रपती जगदीप धनखड यांच्या उपस्थितीत केंद्रीय पारंपरिक आणि अपारंपरिक उर्जा राज्यमंत्री श्रीपाद नाईक यांच्या हस्ते महाऊर्जाच्या महासंचालक कादंबरी बलकवडे यांनी पुरस्कार स्वीकारला.
• ऊर्जा संवर्धन क्षेत्रात विशेष कामगिरी करणाऱ्या घटकांना प्रोत्साहन देण्यासाठी देशपातळीवर हा पुरस्कार देण्यात येतो.
• राज्य शासनाने ऊर्जा संवर्धन अधिनियम 2001 च्या तरतुदींची राज्यात अंमलबजावणी करण्यासाठी महाऊर्जा या संस्थेस पदनिर्देशित संस्था म्हणून नियुक्त केले आहे तसेच अपारंपारिक ऊर्जा प्रकल्प राबविण्यासाठी केंद्र शासनाच्या पारंपारिक व अपारंपारिक ऊर्जा मंत्रालयाची महाऊर्जा ही राज्य मूळ संस्था आहे
• ऊर्जा मंत्रालयाची महाऊर्जा ही राज्य मूळ संस्था आहे.
• ऊर्जा संवर्धन आणि ऊर्जा कार्यक्षम उपक्रमांना प्रोत्साहन देण्यासाठी महाऊर्जा आघाडीवर आहे.
• महाऊर्जा व महावितरण मार्फत सौर कृषि पंपासाठी प्रधानमंत्री कुसुम घटक व योजना राज्यात राबविण्यात येत असून, आत्तापर्यंत एकूण 1 लाख 63 हजार 906 सौर कृषी पंप बसविण्यात आले आहेत.
• सौर कृषी पंप आस्थापनेमध्ये राज्य देशात प्रथम स्थानावर आहे.

The post विधानपरिषद सभापतीपदी राम शिंदे यांची निवड appeared first on The Officer.