• तब्बल सात दशकांनी देशाची राजधानी दिल्ली येथे आयोजित 98 व्या अखिल भारतीय मराठी साहित्य संमेलनाचे उद्घाटन आज (21 फेब्रुवारी) पंतप्रधान नरेंद्र मोदी यांच्या हस्ते होणार आहे.
• या संमेलनासाठी मराठी सारस्वतांची मांदियाळी दिल्लीत जमली असून देश व विदेशातील साहित्यरसिकही मोठ्या संख्येने पोहोचत आहेत.
• 21 फेब्रुवारी रोजी दुपारी30 वाजता विज्ञान भवनात संमेलनाचे पहिले उद्घाटन होणार आहे.
• या कार्यक्रमाचे उद्घाटक म्हणून उपस्थित राहणारे मोदी हे नेहरूंनंतरचे दुसरे पंतप्रधान असतील.
• अध्यक्षस्थानी संमेलनाध्यक्ष डॉ. तारा भवाळकर राहतील. या वेळी मंचावर संमेलनाचे स्वागताध्यक्ष शरद पवार व प्रमुख पाहुणे म्हणून महाराष्ट्राचे मुख्यमंत्री देवेंद्र फडणवीस उपस्थित असतील.
• मराठीला अभिजात भाषेचा दर्जा मिळाल्यानंतरचे हे पहिले संमेलन असल्याने साहित्यरसिकांमध्ये या संमेलनाचे विशेष आकर्षण आहे.
• साहित्य संमेलनाला सुमारे तीन हजार लोक उपस्थित राहण्याची अपेक्षा आहे, त्यात जवळपास 1500 कवी, लेखक आणि प्रकाशन जगतातील व्यक्ती आहेत.
• सरहद संस्थेकडून आयोजित या संमेलनात सुमारे 100 पुस्तकांचे प्रकाशन देखील होणार आहे.

दुसरे उ‌द्घाटन तालकटोरा मैदानात

• संमेलनाचे दुसरे उद्घाटन प्रत्यक्ष संमेलनाच्या ठिकाणी अर्थात तालकटोरा मैदानात संध्याकाळी30 वाजता होणार आहे.
• माजी केंद्रीय गृहमंत्री सुशीलकुमार शिंदे यांच्या अध्यक्षतेत होणाऱ्या या उद्घाटनीय सत्रात संमेलनाध्यक्ष डॉ. तारा भवाळकर, मावळते संमेलनाध्यक्ष डॉ. रवींद्र शोभणे. मराठी भाषा मंत्री उदय सामंत, सांस्कृतिक कार्यमंत्री आशीष शेलार उपस्थित राहणार आहेत.

The post 98 वे अखिल भारतीय मराठी साहित्य संमेलन All India Marathi Literature Conference appeared first on The Officer.

• भारताच्या पंकज अडवाणीने चौदाव्यांदा आशियाई स्पर्धेत विजेतेपद जिंकण्याचा पराक्रम केला.
• पंकजने दोहा येथे झालेल्या आशियाई स्नूकर स्पर्धेच्या अंतिम सामन्यात इराणच्या आमीर सारखोशचा 4 – 1 असा सहज पराभव केला.
• या कामगिरीमुळे त्याने ही स्पर्धा पाचव्यांदा जिंकण्यात यश मिळवले.
• पंकजने यापूर्वी पाच वेळा स्नूकर स्पर्धेत (15-रेड, सिक्स रेड आणि सांघिकसह); तसेच नऊ वेळा आशियाई बिलियर्डसमध्ये आणि दोनदा आशियाई क्रीडा स्पर्धेत सुवर्णपदक जिंकले आहे.
• या स्पर्धा दोहा येथे पार पडल्या

The post पंकज चौदाव्यांदा आशियाई विजेता Pankaj wins Asian title for the fourteenth time appeared first on The Officer.

• आंध्र प्रदेशातील श्रीहरिकोटा येथील ‘इस्रो’च्या ‘एनव्हीएस-02’ या दळणवळण उपग्रहाचे 29 जानेवारी रोजी यशस्वी प्रक्षेपण करण्यात आले.
• या प्रक्षेपणाने भारतीय अंतराळ संशोधन संस्थेने (‘इस्रो’) आपली शंभरावी मोहीम पूर्ण केली आहे.
• व्ही .नारायणन यांनी 16 जानेवारीला ‘इस्रो’ची सूत्रे हाती घेतल्यानंतरही ही पहिलीच मोहीम आहे.
• 9 मीटर उंचीचे भूस्थिर उपग्रह प्रक्षेपण यान (जीएसएलव्ही-एफ 15) प्रक्षेपक 29 जानेवारी रोजी पहाटे 6.23 मिनिटांनी या नियोजित वेळेत अवकाशात झेपावले.
• या टप्प्याचे क्रायोजनिक इंजिन स्वदेशी बनावटीचे आहे.
• ‘एनव्हीएस-02’ हा भारतीय प्रादेशिक दळणवळण उपग्रह मालिकेतील (एनएव्हीआयसी) दुसरा उपग्रह आहे.
• भारतीय भूभागापलीकडे दीड हजार किलोमीटरपर्यंत हा उपग्रह सेवा पुरवणार असून त्यामुळे भारतीय उपखंडातील नागरिकांना अचूक स्थान, वेग, वेळ मिळणार आहे.
• ‘जीएसएलव्ही-एफ-12’ मधून 29 मे 2023 रोजी ‘एनव्हीएस-01’ हा उपग्रह अवकाशात सोडण्यात आला होता.
• ‘एनएव्हीआयसी’ मध्ये दुसऱ्या पिढीच्या पाच उपग्रहांचा समावेश आहे.
• ‘एनव्हीएस-01’ पासून ‘एनव्हीएस-05’ अशी या उपग्रहांची नावे आहेत.
• या उपग्रहांमुळे अत्याधुनिक यंत्रणा तयार होणार आहे.
• ‘नाविक’ या वापरल्या स्थाननिश्चितीसाठी जाणाऱ्या उपग्रहांच्या समूहाला अद्ययावत करण्यासाठी एनव्हीएस उपग्रहांचे 2023पासून प्रक्षेपण करण्यात येत आहे.

उपग्रहाची वैशिष्ट्ये

• ‘एनव्हीएस-02’ उपग्रहाची रचना आणि निर्मिती यू. आर. उपग्रह केंद्रामध्ये झाली आहे.
• 2,250 किलो उपग्रहाचे वजन आहे.
• भूभागावर, हवाई आणि सागरी, कृषी क्षेत्रात अचूक वेळ, वेग सांगण्यासाठी याचा उपयोग होईल.
• मोबाइलमध्ये लोकेशन अचूक दाखविण्यासाठी त्याचा उपयोग होईल.

खनिज अभियानाला केंद्राची मंजुरी

• केंद्र सरकारने १६ हजार ३०० कोटी रुपयांच्या राष्ट्रीय महत्त्वपूर्ण खनिज अभियानाला (नॅशनल क्रिटिकल मिनरल मिशन) मंजुरी दिली.
• स्वावलंबन आणि हरित ऊर्जा संक्रमणाच्या दिशेने देशाचा प्रवास अधिक गतिमान करण्यासाठी हे धोरण अवलंबले जात आहे.
• देशांतर्गत आणि विदेशात अत्यावश्यक खनिजांच्या उत्खननास प्रोत्साहन देण्याच्या उद्देशाने सार्वजनिक क्षेत्रातील उपक्रम या
• मोहिमेत 18 हजार कोटी रुपयांचे योगदान देतील.
• तांबे, लिथियम, निकेल, कोबाल्ट आणि अन्य दुर्मीळ खनिजांचा वापर, स्वच्छ ऊर्जा तंत्रज्ञानाच्या वाढीत महत्त्वाचा आहे.
• जगभरात स्वच्छ ऊर्जेच्या प्रयत्नांनी वेग घेतल्याने या खनिजांची मागणी वाढत आहे.

स्टीव्ह स्मिथच्या कसोटीत 10 हजार धावा पूर्ण

• ऑस्ट्रेलियाचा अनुभवी फलंदाज स्टीव्ह स्मिथने कसोटी क्रिकेटमध्ये 10 हजार धावा पूर्ण केल्या आहेत.
• श्रीलंकेविरुद्धच्या गॅले येथील पहिल्या कसोटीच्या पहिल्या दिवशी 1 धाव करत त्याने 10 हजार धावांचा आकडा गाठला.
• कसोटी क्रिकेटमध्ये 10 हजार धावा करणारा स्टीव्ह स्मिथ हा जगातील 15 वा फलंदाज ठरला आहे.
• अशी कामगिरी करणारा तो ऑस्ट्रेलियाचा चौथा फलंदाज ठरला आहे. त्याच्या आधी माजी कर्णधार रिकी पाँटिंग (13378 धावा), ॲलन बॉर्डर (11174 धावा) आणि स्टीव्ह वॉ (10927 धावा) यांनी ही कामगिरी केली आहे.
• कसोटी क्रिकेट मध्ये सर्वाधिक धावा सचिन तेंडुलकरच्या नावे (15,921)

The post ‘इस्रो’ कडून जीएसएलव्ही-एफ15 चे यशस्वी प्रक्षेपण appeared first on The Officer.

• भारताचा वेगवान गोलंदाज जसप्रीत बुमरा याची आंतरराष्ट्रीय क्रिकेट परिषदेच्या वर्षातील सर्वोत्कृष्ट पुरुष क्रिकेटपटू म्हणून निवड करण्यात आली.
• प्रतिष्ठेचे ‘सर गारफील्ड सोबर्स’ पदक मिळविणारा तो भारताचा एकूण पाचवा खेळाडू आणि पहिला वेगवान गोलंदाज ठरला.
• बुमराची 27 जानेवारी रोजी वर्षातील सर्वोत्कृष्ट कसोटी खेळाडू म्हणून निवड करण्यात आली होती.
• मागील वर्षी भारताने ट्वेन्टी-20 विश्वचषक स्पर्धेत पटकावलेल्या विजेतेपदात बुमराची कामगिरी वैशिष्ट्यपूर्ण ठरली होती.
• कसोटी क्रिकेटमध्येदेखील बुमराने एकहाती भारताला जागतिक अजिंक्यपद लढतीच्या उंबरठ्यापर्यंत नेऊन ठेवले होते.
• यापूर्वी भारताच्या राहुल द्रविड (2004), सचिन तेंडुलकर (2010), रविचंद्रन अश्विन (2016), विराट कोहली (2017, 2018) यांना हा सन्मान मिळाला आहे.

सारथी–कोकण कृषी विद्यापीठ सामंजस्य करार

• डॉ. बाळासाहेब सावंत कोकण कृषी विद्यापीठ, दापोली आणि छत्रपती शाहू महाराज संशोधन, प्रशिक्षण आणि मानव विकास संस्था, पुणे (सारथी) यांच्यात ड्रोन पायलट प्रशिक्षण केंद्राचे उद्घाटन आणि प्रशिक्षणासंदर्भात सामंजस्य करार झाला.
• विद्यापीठाचे कुलगुरू डॉ. संजय भावे आणि सारथी संस्थेचे व्यवस्थापकीय संचालक अशोक काकडे यांच्या प्रमुख उपस्थितीत या करारावर सह्या करण्यात आल्या.
• ड्रोनसंबंधित डीजीसीए प्रमाणित ड्रोन पायलट प्रशिक्षण देऊन ड्रोनसंबंधित डीजीसीए प्रमाणित ड्रोन पायलट प्रशिक्षण देऊन शेतकरी, उद्योजक आणि रोजगार शोधणाऱ्या नवतरुणांना ड्रोन उडवण्याचे प्रशिक्षण आणि प्रमाणपत्र प्राप्त करून देणे हा कराराचा मुख्य उद्देश आहे.
• त्यामुळे अशा प्रकारचे प्रशिक्षण घेतलेल्या नवतरुण शेतकऱ्यांना कृषी व कृषीपूरक उद्योगांत नवीन संधी उपलब्ध होणार आहे.

माजी न्यायमूर्ती एस. राधाकृष्णन यांचे निधन

• मुंबई उच्च न्यायालयाचे माजी न्यायमूर्ती डॉ. एस. राधाकृष्णन यांचे वयाच्या 78 व्या वर्षी निधन झाले.
• राज्य घटना आणि प्रशासकीय कायद्यांशी संबंधित दिवाणी प्रकरणे न्यायमूर्ती राधाकृष्णन यांनी वकिली करत असताना प्रामुख्याने लढवली. त्यात त्यांचे विशेष प्रावीण्य होते.
• या प्रावीण्यामुळेच त्यांनी अल्पावधीत मुंबई उच्च न्यायालयात स्वतःची वेगळी ओळख निर्माण केली व पुढे डिसेंबर 1991 मध्ये त्यांना वरिष्ठ वकिलाचा दर्जाही देण्यात आला.
• 25 डिसेंबर 1946 रोजी जन्मलेल्या राधाकृष्णन यांनी मुंबई विद्यापीठातून कायद्याचे पदव्युत्तर शिक्षण घेतले.
• 1971 मध्ये वकिली सुरू केली.
• राज्यघटना, दिवाणी, कामगार आणि फौजदारी कायदा यांसह विविध क्षेत्रात वकिली केली.
• राधाकृष्णन यांनी काही काळ अध्यापनाचे कामही केले होते.

 ‘डीपसीक’

 ‘डीपसीक‘ म्हणजे काय?

• ‘डीपसीक’ हा ‘एआय चॅटबॉट’ असून त्याची कार्यप्रणाली ‘चॅट-जीपीटी’ प्रमाणेच आहे.
• या चॅटबॉटला ‘आर वन’ या एआय मॉडेलचे पाठबळ असून त्याची गणन करण्याची, कोडिंगची आणि उत्तरे देण्याची क्षमता ‘ओपन एआय’च्या ‘ओ वन’ मॉडेलइतकीच आहे.
• एखाद्या समस्येवर मानवी मेंदू जसा काम करेल, त्याप्रमाणेच ‘आर वन’ हे मॉडेल काम करते.
• ‘डीपसीक’ मोफत उपलब्ध करून देण्यात आले आहे.
• ‘डीपसीक’ कंपनीची स्थापना लिआंग वेनफेंग यांनी डिसेंबर 2023 मध्ये केली. त्यानंतर मागील वर्षी या कंपनीने लँग्वेज मॉडेल प्रसिद्ध केले.
• लिआंग यांच्याबाबत फारशी माहिती उपलब्ध नाही. त्यांनी इलेक्ट्रॉनिक इन्फॉर्मेशन इंजिनिअरिंग आणि कॉम्प्युटर सायन्स या विषयांमध्ये पदवी प्राप्त केली आहे.

अमेरिकेला फटका

• ‘एआय’ तंत्रज्ञानात अमेरिकी कंपन्यांचा वरचष्मा आहे. त्याला प्रथमच धक्का बसल्याने अत्याधुनिक चिपनिर्मिती क्षेत्रातील दिग्गज कंपनी असलेल्या एनविदीयाच्या समभागांचे मूल्य कोसळले आहे.
• ‘एआय’ तंत्रज्ञानातील विकासासाठी प्रचंड खर्चाच्या चिप अत्यावश्यक असल्याचा समजही ‘डीपसीक’ने खोटा ठरविला आहे.
• त्यामुळे ‘एआय’ क्षेत्रात अमेरिकेच्या वर्चस्वाला धोका निर्माण झाला आहे.

अत्यंत कमी खर्च

• ‘चॅट-जीपीटी’च्या तुलनेत ‘डीपसीक’ तयार करण्यासाठी फारच कमी खर्च आल्याचा दावा संशोधकांनी केला आहे.
• ‘चॅट-जीपीटी 4’ तयार करण्यासाठी ‘ओपन एआय’ला 10 कोटी डॉलरहून अधिक खर्च आल्याचा दावा या कंपनीचे सीईओ सॅम अल्टमन यांनी केला होता.
• त्यातुलनेत ‘डीपसीक’साठी केवळ 60 लाख डॉलर खर्च आल्याचे संशोधकांचे म्हणणे आहे.

‘डीपसीक‘ची वैशिष्ट्ये:

• ‘ओपनएआय’चे ‘चॅट जीपीटी-4’ आणि ‘मेटा’चे ‘एलएलएएमए’ या मॉडेलपेक्षा ‘डीपसीक’ ने गणित, कोडिंग आणि तर्काच्या पातळीवर अधिक चांगली कामगिरी केल्याचा दावा करण्यात आला आहे.
• चॅट जीपीटी, गुगल जेमिनी यासारख्या मॉडेलप्रमाणेच डीपसीकसुद्धा ओपन सोर्स आहे. त्यामुळे जगभरातील डेव्हलपर्सना ते वापरासाठी खुले आहे. त्यामुळे किफायतशीर पद्धतीने अप तयार करता येतील.
• ‘ओपनएआय’ आपल्या अॅप्लिकेशन प्रोग्रामिंग इंटरफेससाठी (एपीआय) पर मिलियन टोकनसाठी40 डॉलर आकारते, त्याच वेळी डीपसीक केवळ दहा सेंटमध्ये हे काम करते. त्यामुळे डेव्हलपर्ससाठी हा अत्यंत आकर्षक पर्याय ठरतो.

The post बुमरा वर्षातील सर्वोत्कृष्ट खेळाडू appeared first on The Officer.

• समान नागरी कायदा (UCC – Uniform Civil Code) लागू करणारे उत्तराखंड हे देशातील पहिले राज्य ठरले आहे.
• मुख्यमंत्री पुष्करसिंह धामी यांनी 27 जानेवारी रोजी ‘यूसीसी’ची अधिसूचना आणि त्याबाबतची नियमावली प्रसृत केली.
• त्यांनी विवाह, घटस्फोट आणि लिव्ह-इनच्या अनिवार्य नोंदणीसाठी पोर्टलचेही अनावरण केले.
• मुख्यमंत्री धामी यांचे निवासस्थान असलेल्या ‘मुख्य सेवक सदन’ येथील सभागृहात ‘यूसीसी’ अंमलबजावणीचा कार्यक्रम पार पडला.
• ‘सर्व धर्मातील प्रत्येक नागरिकासाठी समान कायदे निर्माण करणारी व्यवस्था पूर्णपणे अंमलात येत आहे.
• मार्च 2022 मध्ये धामी यांनी पुन्हा सरकार स्थापन करताच, त्यांच्या अध्यक्षतेखालील पहिल्याच बैठकीत राज्य मंत्रिमंडळाने ‘यूसीसी’ चा मसुदा तयार करण्यासाठी तज्ज्ञ समिती स्थापन करण्याच्या प्रस्तावाला मंजुरी दिली होती.
• 27 मे 2022 रोजी सर्वोच्च न्यायालयाच्या निवृत्त न्यायाधीश रंजना प्रकाश देसाई यांच्या अध्यक्षतेखाली तज्ज्ञ समिती स्थापन करण्यात आली.
• या समितीने दोन फेब्रुवारी 2024 रोजी समान नागरी संहितेचा मसुदा राज्य सरकारला सादर केला. त्यानंतर 7 फेब्रुवारी रोजी राज्य विधानसभेने विधेयक मंजूर केले होते.
• जवळपास एका महिन्यानंतर त्याला राष्ट्रपतींची संमती मिळाली आणि त्याच्या अंमलबजावणीचा मार्ग मोकळा झाला.

कायद्याची वैशिष्ट्ये काय?

• सर्व धर्मातील नागरिकांना ‘यूसीसी लागू’. बहुपत्नीत्व, बालविवाहास बंदी
• घटनेच्या कलम 342 आणि 366 (25) नुसार, निर्देशित अनुसूचित जमातींना ‘यूसीसी’ लागू नाही.
• सर्व नागरिकांच्या विवाह, घटस्फोट, वारसा, लिव्ह-इन आदींबाबत हक्कांचे संरक्षण
• विवाहानंतर 60 दिवसात त्याची नोंदणी करणे बंधनकारक.

बुमरा सर्वोत्तम कसोटीपट्टू

• भारताचा वेगवान गोलंदाज जसप्रीत बुमरा आणि आघाडीची महिला फलंदाज स्मृती मनधाना यांना अनुक्रमे कसोटी आणि महिला एकदिवसीय क्रिकेटमधील वर्षातील सर्वोत्कृष्ट खेळाडूचा बहुमान मिळाला आहे.
• आंतरराष्ट्रीय क्रिकेट परिषदेतर्फे (आयसीसी) या पुरस्कारांची घोषणा करण्यात आली.
• 2018 मध्ये विराट कोहली नंतर हा पुरस्कार मिळवणारा तो पहिला भारतीय कसोटी क्रिकेटपटू ठरला आहे.
• कोहलीपूर्वी माजी फिरकीपट्टू रविचंद्र अश्विनला 2016 मध्ये सर्वश्रेष्ठ कसोटी क्रिकेटपटू आणि वर्षातील सर्वश्रेष्ठ क्रिकेटपटू म्हणून निवडण्यात आले होते.
• तर दुसरीकडे सर्वोत्तम एकदिवसीय महिला क्रिकेटपटू ठरताना स्मृती मानधनाने यापूर्वी 2018 आणि 2022 मध्ये वर्षातील सर्वोत्कृष्ट क्रिकेटपटू हा सन्मान मिळवला आहे.

ओडिशात डॉल्फिन गणना सुरू

• ओडिशाच्या वन,पर्यावरण आणि हवामान बदल विभागाने गहिरमाथा सागरी अभयारण्यासह भितरकनिका राष्ट्रीय उद्यान व लगतच्या किनारी भागात डॉल्फिन गणनेला सुरूवात केली.
• ही गणना तीन दिवस सुरू राहील.
• वन्यजीव तज्ज्ञांच्या मदतीने तयार केलेली नऊ पथके डॉल्फिनची गणना करतील.
• प्रत्येक पथकात चार जणांचा समावेश आहे.

सतीश आळेकर यांना ‘जनस्थान‘ पुरस्कार

• साहित्य क्षेत्रात मानाचा समजला जाणारा 2025 चा ‘जनस्थान पुरस्कार’ ज्येष्ठ नाटककार, दिग्दर्शक सतीश आळेकर यांना  जाहीर झाला आहे.
• नाशिक शहरातील ‘कुसुमाग्रज प्रतिष्ठान’च्या वतीने देण्यात येणाऱ्या या पुरस्काराचे वितरण येत्या 10 मार्च रोजी होणार आहे.
• प्रतिष्ठानचे अध्यक्ष – वसंत डहाके
• कुसुमाग्रज यांच्या संकल्पनेतून 1991 पासून दरवर्ष आड जनस्थान हा पुरस्कार मराठी साहित्य क्षेत्रात अतुलनीय कामगिरी करणाऱ्या साहित्यिकास प्रदान केला जातो.
• यावर्षीचा 18 वा जनस्थान पुरस्कार पुण्यातील सतीश आळेकर यांना जाहीर झाला आहे.
• आळेकर यांचा जन्म 30 जानेवारी 1949 रोजी दिल्ली येथे झाला असून रंगभूमीवरील एक प्रभावशाली आणि प्रगतशील नाटककार म्हणून त्यांची ओळख आहे
• त्यांनी आजवर दहा नाटकांचे लेखन केले आहे. महापूर (1975), दुसरा सामना (1987) व एक दिवस माथाकडे (2012) या तीन नाटकांचे दिग्दर्शन केले आहे.
• याशिवाय दीडशे एकांकिका व नऊ अनुवादित एकांकिका आणि नाटकांचे विपुल लेखन त्यांनी केले आहे.
• त्यांची महानिर्वाण (1974), अतिरेकी (1990), पिढीजात (2003), मिकी आणि मेमसाहेब (1973), बेगम बर्वे(1979) ही नाटके प्रसिद्ध आहेत.
• नाट्य लेखनासाठी त्यांना 1994 मध्ये संगीत नाटक अकादमी राष्ट्रीय संगीत नृत्य आणि नाटक अकादमी तर्फे संगीत नाटक अकादमी पुरस्काराने सन्मानित करण्यात आले आहे.
• जानेवारी 2012 मध्ये भारत सरकारने त्यांना पद्मश्री पुरस्काराने सन्मानित केलेआहे.
• एक लाख रुपये रोख स्मृतीचिन्ह व मानपत्र असे या जनस्थान पुरस्काराचे स्वरूप आहे.

38 व्या राष्ट्रीय क्रीडा स्पर्धा

• पंतप्रधान डेहराडूनमध्ये 38व्या राष्ट्रीय क्रीडा स्पर्धांचे उद्घाटन करणार आहेत.
• उत्तराखंड राज्य स्‍थापनेच्या रौप्य महोत्सवी वर्षात या स्पर्धांचे आयोजन केले जात आहे.
• दि. 28 जानेवारी ते 14 फेब्रुवारी, 2025 दरम्यान उत्तराखंडच्या 8 जिल्ह्यांमधील 11 शहरांमध्ये या स्पर्धांतील खेळांचे आयोजन केले जाईल
• संकल्पना : ‘संकल्प से शिखर तक‘
• देवभूमी म्हणून ओळखले जाणारे उत्तराखंड आता क्रीडानगरी म्हणून सजले असून, येथे प्रथमच होत असलेल्या राष्ट्रीय क्रीडा स्पर्धेचे यशस्वी आयोजन करून, ‘संकल्प से शिखर तक…’ हा नारा सार्थ ठरवण्यासाठी उत्तराखंड सज्ज झाले आहे.
• भारतीय ऑलिम्पिक स्पर्धेला 1924 मध्ये प्रारंभ झाला. पहिल्या तीन स्पर्धा लाहोरला झाल्या, त्यानंतर 1930 मध्ये ही स्पर्धा अलाहाबादला झाली.
• त्यानंतर या स्पर्धा विविध ठिकाणी होत गेल्या.
• सन 1940नंतर ही स्पर्धा राष्ट्रीय क्रीडा स्पर्धा म्हणून घेतली जाऊ लागली.
• ही स्पर्धा जेथे-जेथे झाली, तेथे-तेथे क्रीडासंस्कृती रुजण्यास मदतच झाली.

The post बुमरा सर्वोत्तम कसोटीपट्टू appeared first on The Officer.

पुरुष एकेरी

• ऑस्ट्रेलियन ओपन 2025 पुरुष गटाचं जेतेपद यानिक सिनरने आपल्या नावावर केलं आहे. त्याने अंतिम फेरीत जर्मनीच्या अॅलेक्झांडर झ्वेरेवचा 6-5, 7-6(7-4), 6-4 असा सरळ पराभूत करत किताब पटकावला.
• दोन्ही खेळाडूंमध्ये हा सामना जवळपास 2 तास आणि 42 मिनिटं चालला.
• यानिक सिनरने सलग दुसऱ्यांदा ऑस्ट्रेलियन ओपन जेतेपदावर नाव कोरलं.
• यानिकने मागच्या 13 महिन्यात तिसऱ्यांदा ग्रँड स्लॅम किताब जिंकला आहे.
• यात युएस ओपन 2024 आणि मागच्या वर्षी ऑस्ट्रेलियन ओपन 2024 स्पर्धेचा समावेश आहे.
• ऑस्ट्रेलियन ओपनच्या इतिहासात सलग दुसऱ्यांदा जेतेपद मिळवणारा यानिक सिनर हा 11 वा खेळाडू ठरला आहे. तर सलग दोनदा हे विजेतेपद पटकावणारा तो जिम कुरियर (1992 आणि 1993) नंतरचा सर्वात तरुण खेळाडू बनला आहे.

महिला एकेरी

• अमेरिकेच्या 29 वर्षीय मॅडिसन कीज हिने सलग दोन वेळा विजेतेपद मिळवणाऱ्या बेलरूसच्या एरिना सबालेंका हिचा चुरशीचा सामन्यात पराभव करून ऑस्ट्रेलियन ओपन स्पर्धेचे विजेतेपद मिळवले.
• हे तिचे पहिले ग्रँड स्लॅम विजेतेपद आहे.
• मॅडिसन हिची ही दुसरी ग्रँडस्लॅम अंतिम फेरी होती. यापैकी पहिली लढत ती सात वर्षांपूर्वी खेळली होती. (2017 अमेरिकन ओपन)
• या सामन्यात तिने 6-3, 2-6, 7-5 असा विजय मिळवला आणि .
• मॅडिसन ही पहिल्यांदा ग्रँड स्लॅम जिंकणारी चौथ्या क्रमांकाची वयस्क महिला ठरली.

ऑस्ट्रेलियन ओपन:

• सुरवात : 1905
• 2024 ची 113 वी स्पर्धा
• वर्षातील पहिली ग्रँड स्लॅम स्पर्धा
• ही स्पर्धा हार्ड कोर्टवर खेळवली जाते

जीवन रक्षा पदक

• देशातील 49 जणांना जीवन रक्षणाची कामगिरी बजावल्याबद्दल ‘जीवन रक्षा पदक’ पुरस्कार जाहीर झाले.
• यात महाराष्ट्रातील तिघांचा समावेश आहे. राष्ट्रपतींच्या मान्यतेनंतर गृहमंत्रालयाने ‘जीवन रक्षा पदक पुरस्कार 2024’ची घोषणा केली.
• यात महाराष्ट्रातील शशिकांत रामकृष्ण गजबे यांना ‘उत्तम जीवन रक्षा पदक’ जाहीर झाले.
• तर ‘जीवन रक्षा पदक’ पुरस्कार दादाराव गोविंदराव पवार, ज्ञानेश्वर मुकुंदराव भेदोडकर यांना जाहीर करण्यात आले.
• ‘सर्वोत्तम जीवन रक्षा पदक पुरस्कार’ विजेत्यांमध्ये 17 जणांचा समावेश असून त्यातील पाच जणांना मरणोत्तर पुरस्कार जाहीर झाला. तर, उत्तम जीवन रक्षा पदक पुरस्कार विजेत्यांमध्ये नऊ जणांचा समावेश आहे.
• याखेरीज 23 जणांना ‘जीवन रक्षा पदक पुरस्कार’ जाहीर झाला आहे.
• पदक, गृहमंत्री यांच्या हस्ताक्षरातील प्रमाणपत्र आणि रोख रकम असे पुरस्काराचे स्वरुप आहे.
• जीवन रक्षा पदक हा नागरी जीवनरक्षक पुरस्कार आहे.
• हा पुरस्कार 30 सप्टेंबर 1961 रोजी सुरू झाला होता.
• या पुरस्काराला सुरुवातीला जीवन रक्षा पदक, वर्ग III असे म्हटले जायचे.

जीवन रक्षा पदक या पुरस्काराबद्दलची माहिती:

• प्रजासत्ताक दिनाच्या पूर्वसंध्येला जीवन रक्षा पदकांची यादी जाहीर केली जाते.
• या पुरस्कारात सर्वोत्तम जीवन रक्षा पदक, उत्तम जीवन रक्षा पदक आणि जीवन रक्षा पदक असे प्रकार असतात.
• या पुरस्कारांमध्ये काही पुरस्कार मरणोत्तरही प्रदान केले जातात.
• एखाद्या व्यक्तीचा जीव वाचवण्याच्या मानवतावादी कृतीसाठी जीवन रक्षा पदक श्रृंखला पुरस्कार प्रदान केले जातात.
• हा पुरस्कार सर्वोत्तम जीवन रक्षा पदक, उत्तम जीवन रक्षा पदक आणि जीवन रक्षा पदक या तीन श्रेणींमध्ये दिला जातो.
• सर्व क्षेत्रातील व्यक्ती या पुरस्कारांसाठी पात्र आहेत.

The post ऑस्ट्रेलियन ओपन 2025 appeared first on The Officer.

• कला, सामाजिक कार्य, सार्वजनिक जीवन, विज्ञान व अभियांत्रिकी, व्यापार व उद्योग, वैद्यकशास्त्र, साहित्य आणि शिक्षण, क्रीडा, नागरी सेवा यांसारख्या क्षेत्रात अतुलनीय योगदान देणाऱ्या 139 व्यक्तिमत्त्वांची पद्म पुरस्कारांसाठी निवड झाली आहे.
• त्यात 7 पद्मविभूषण, 19 पद्मभूषण, तर 113 पद्मश्री पुरस्कारांचा समावेश आहे.
• यावेळी नागरी पुरस्काराने गौरविलेल्या मान्यवरांमध्ये 23 महिला, 10 परदेशी नागरिकांचाही समावेश आहे, तर 13 जणांना मरणोत्तर पुरस्कार जाहीर झाला आहे.
• महाराष्ट्रातील एकूण 3 जणांना पद्मभूषण तर 13 जणांना पद्मश्री पुरस्कार जाहीर झाले.

पद्मविभूषण(07)

नाव क्षेत्र राज्य

1)दुवूर नागेश्वर रेड्डी (आरोग्य)  ( तेलंगण)

2)न्या. जगदीशसिंग खेहर (सा.कार्य)  (चंडीगड)

3)कुमुदिनी लाखिया  (कला )   ( गुजरात)

4)लक्ष्मीनारायण सुब्रह्मण्यम  (कला)  (कर्नाटक)

5)एम. टी. वासुदेवन नायर (मरणोत्तर)साहित्यकेरळ

6)ओसामू सुझुकी (मरणोत्तर) उद्योग जपान

7)शारदा सिन्हा (मरणोत्तर) कला बिहार

पद्मभूषण(19)

नाव    क्षेत्र    राज्य

1)ए. सूर्या प्रकाश, साहित्य  , कर्नाटक

2)अनंत नाग  ,कला  ,कर्नाटक

3)विवेक देबरॉय (मरणोत्तर) ,साहित्य ,दिल्ली

4)जतिन गोस्वामी ,कला ,आसाम

5)जोस चाको पेरियापुरम ,वैद्यकीय ,केरळ

6)कैलासनाथ दीक्षित, पुरातत्त्व विभाग ,दिल्ली

7)मनोहर जोशी (मरणोत्तर) ,सार्वजनिक कार्य,महाराष्ट्र

8)नल्ली कुप्पुस्वामी चेट्टी ,उद्योग ,तमिळनाडू

9)नंदामुरी बालकृष्ण, कला, आंध्र प्रदेश

10)पी. आर. श्रीजेश, क्रीडा, केरळ

11)पंकज पटेल ,उद्योग ,गुजरात

12)पंकज उधास (मरणोत्तर) ,कला ,महाराष्ट्र

13)रामबहादूर राय, साहित्य, उत्तर प्रदेश

14)साध्वी ऋतंभरा ,सामाजिक कार्य,उत्तर प्रदेश

15)एस. अजितकुमार ,कला ,तमिळनाडू

16)शेखर कपूर ,कला ,महाराष्ट्र

17)शोभना चंद्रकुमार, कला ,तमिळनाडू

18)सुशील मोदी (मरणोत्तर) ,सार्वजनिक कार्य,बिहार

19)विनोद धाम ,विज्ञान आणि अभियांत्रिकी,अमेरिका

पद्मश्री (113)

नाव  क्षेत्र  राज्य

1)अद्वैत्त चरण गडानायक ,कला ,ओडिशा

2)अच्युत रामचंद्र पालव, कला, महाराष्ट्र

3)अजय व्ही. भट ,विज्ञान ,अमेरिका

4)अनिलकुमार बोरो ,शिक्षण ,आसाम

5)अरिजित सिंह, कला ,पश्चिम बंगाल

6)अरुंधती भट्टाचार्य, व्यापार ,महाराष्ट्र

7)अरुणोदय साहा ,साहित्य ,त्रिपुरा

8)अरविंद शर्मा ,साहित्य, कॅनडा

9)अशोककुमार महापात्रा ,वैद्यकीय, ओडिशा

10)अशोक लक्ष्मण सराफ, कला ,महाराष्ट्र

11)आशुतोष शर्मा ,विज्ञान ,उत्तर प्रदेश

12)अश्विनी भिडे देशपांडे ,कला ,महाराष्ट्र

13)बैजनाथ महाराज ,अध्यात्म ,राजस्थान

14)बॅरी गॉडफ्रे ,कला ,दिल्ली

15)रेखा कांता महंता, कला ,आसाम

16)रेथंलेई लालरवाना ,शिक्षण ,मिझोराम

17)रिकी ग्यान केज ,कला, कर्नाटक

18)सज्जन भाजंका ,उद्योग ,पश्चिम बंगाल

19)सायली होळकर ,व्यापार, मध्य प्रदेश

20)संतराम देसवाल ,साहित्य, हरियाना

21)सत्यपाल सिंह, क्रीडा ,उत्तर प्रदेश

22)सिनी विश्वनाथन ,साहित्य ,तमिळनाडू

23)सेथुरामन पंचानाथम, विज्ञान ,अमेरिका

24)रोईखा शैखा अल- जाबेर अल सबा,वैद्यकीय, कुवैत

25)शिन काफ निजाम ,साहित्य, राजस्थान

26)श्यामबिहारी अग्रवाल ,कला ,उत्तर प्रदेश

27)सोनिया नित्यानंद ,वैद्यकीय ,उत्तर प्रदेश

28)स्टिफन खाप, साहित्य ,अमेरिका

29)सुभाष खेतुलाल शर्मा ,कृषी ,महाराष्ट्र

30)सुरेश हरिलाल सोनी ,समाज कार्य, गुजरात

31)सुरिंदर कुमार वसाल, विज्ञान, दिल्ली

32)स्वामी प्रदिप्तानंद (कार्तिक महाराज) ,अध्यात्म ,प. बंगाल

33)सईद ऐनूल हसन, साहित्य, उत्तर प्रदेश

34)तेजेंद्र नारायण मजूमदार, कला, पश्चिम बंगाल

35)थियाम सुर्यमुखी देवी ,कला ,मणिपूर

36)तुषार शुक्ला ,साहित्य ,गुजरात

37)वडिराज पंचमुखी ,साहित्य ,आंध्र प्रदेश

38)वासुदेव कामत ,कला, महाराष्ट्र

39)वेलु आसन, कला ,तमिळनाडू

40)व्यंकप्पा सुगतेकर ,कला ,कर्नाटक

41)विजय नित्यानंद सुरिश्वर, अध्यात्म ,बिहार

42)विजयालक्ष्मी देशमाने ,आरोग्य ,कर्नाटक

43)विलास डांगरे, आरोग्य, महाराष्ट्र

44)विनायक लोहनी, समाजकार्य, प. बंगाल

45)मारुती चितमपल्ली ,साहित्य ,महाराष्ट्र

46)चैत्रराम पवार ,समाजकार्य ,महाराष्ट्र

47)जसपिंदर नरुला ,कला ,महाराष्ट्र

48)राणेंद्र भानू मजुमदार ,कला ,महाराष्ट्र

49)बेगम बातूल ,कला, राजस्थान

50)भारत गुप्त ,कला ,दिल्ली

51)भेरीसिंह चौहान ,कला ,मध्य प्रदेश

52)भीमसिंह भावेश ,समाजकार्य ,बिहार

53)भीमव्वा शिल्लेक्याथारा ,कला ,कर्नाटक

54)बुधेंद्रकुमार जैन ,आरोग्य, मध्य प्रदेश

55)सी. एस. वैद्यनाथन ,सार्वजनिक कार्य,दिल्ली

56)चंद्रकांत सेठ ,साहित्य ,गुजरात

57)चंद्रकांत सोमपुरा ,कृषी ,गुजरात

58)चेतन चिटणीस ,विज्ञान- अभियांत्रिकी,फ्रान्स

59)डेव्हिड सियमेलिह ,साहित्य ,मेघालय

60)दुर्गाचरण रणबीर ,कला, ओडिशा

61)फारुक अहमद मीर, कला, जम्मू- काश्मीर

62)गणेश्वर शास्त्री द्रवीड ,साहित्य, उत्तर प्रदेश

63)गीता उपाध्याय ,साहित्य, आसाम

64)गोकुळचंद्र दास ,कला, पश्चिम बंगाल

65)गुरुवायूर दोराई ,कला, तमिळनाडू

66)हरचंद्रनसिंग भट्टी ,कला, मध्य प्रदेश

67)हरीमन शर्मा, कृषी ,हिमाचल प्रदेश

68)हरजिंदरसिंग श्रीनगरवाले ,कला ,पंजाब

69)हरविंदरसिंग ,क्रीडा, हरियाना

70)हसन राघू ,कला ,कर्नाटक

71)हेमंतकुमार ,आरोग्य ,बिहार

72)हृदयनारायण दीक्षित ,साहित्य ,उत्तर प्रदेश

73)हग गॅटेझर-कॉलीन गँटेंझर (दाम्पत्य) (मरणोत्तर), साहित्य- पत्रकारिता, उत्तराखंड

74)इनिवालपल्ली मणी विजयन ,क्रीडा ,केरळ

75)जगदीश जोशीला ,साहित्य ,मध्य प्रदेश

76)जोनास मसेत्ती ,अध्यात्म, ब्राझील

77)जॉयनाचरन बथेरी ,कला ,आसाम

78)जुमडे योमगाम गॅमलिन ,समाजकार्य,अरुणाचल प्रदेश

79)के. दामोदरन ,अन्य (पाककला), तमिळनाडू

80)के. एल. कृष्णा ,साहित्य ,आंध्र प्रदेश

81)के. ओमानकुट्टी अम्मा, कला ,केरळ

82)किशोर कुणाल (मरणोत्तर) नागरी सेवा ,बिहार,

83)एल. हँगथिंग ,कृषी ,नागालँड

84)लक्ष्मीपती रामसुब्बयार, साहित्य- पत्रकारिता ,तमिळनाडू

85)ललितकुमार मंगोत्रा साहित्य, जम्मू- काश्मीर,

86)लामा लोबझांग (मरणोत्तर),अध्यात्म ,लडाख

87)लिबिया लोबो सरदेसाई ,समाजकार्य,गोवा

88)एम. डी. श्रीनिवास ,विज्ञान- अभियांत्रिकी,तमिळनाडू

89)मदुगुला नागफणी शर्मा ,कला ,आंध्र प्रदेश

90)महावीर नायक ,कला ,झारखंड

91)ममता शंकर ,कला ,पश्चिम बंगाल

92)मंदा कृष्ण मडिगा ,सार्वजनिक कार्य ,तेलंगण

93)मृरियाला अप्पाराव (मरणोत्तर) ,कला,आंध्र प्रदेश

94)नागेंद्रनाथ रॉय ,साहित्य ,पश्चिम बंगाल

95)नारायण (भुलाई भाई) (मरणोत्तर) ,सार्वजनिक कार्य, उत्तर प्रदेश

96)नरेन गुरुंग ,कला ,सिक्कीम

97) नीरजा भाटला, आरोग्य ,दिल्ली

98) निर्मला देवी ,कला, बिहार

99)नितीन नोहरिया, साहित्य ,अमेरिका

100)ओंकारसिंह पाहवा ,व्यापार-उद्योग,पंजाब

101)पी. दत्चनमूर्ती ,कला ,पुदुच्चेरी

102)पंडीराम मांडवी ,कला ,छत्तीसगड

103)लावजीभाई परमार ,कला, गुजरात

104)पवन गोएंका ,व्यापार-उद्योग,पश्चिम बंगाल

105)प्रशांत प्रकाश ,व्यापार-उद्योग ,कर्नाटक

106)प्रतिभा सत्पती, साहित्य ,ओडिशा

107)पुरीसाई संबंदन ,कला ,तमिळनाडू

108)आर. अश्विन ,क्रीडा, तमिळनाडू

109)आर. जी. चंद्रमोगन ,व्यापार-उद्योग,तमिळनाडू

110) राधा बहीन भट्ट, समाजकार्य ,उत्तराखंड

111) राधाकृष्ण देवसेनपती, कला ,तमिळनाडू

112) रामदर्श मिश्रा ,साहित्य, दिल्ली

113) रतनकुमार परिमानू ,कला ,गुजरात

• पद्म पुरस्कार हे भारत सरकारकडून देण्यात येणारे सर्वोच्च नागरी पुरस्कार आहेत.
• पद्म पुरस्काराचे स्वरूप पदक आणि प्रशस्तीपत्र असे असते. पद्म पुरस्कारांचे तीन प्रकार आहेत – पद्मविभूषण, पद्मभूषण आणि पद्मश्री
• 1954 मध्ये पुरस्काराला सुरवात झाली

अर्शदीप वर्षातील सर्वोत्तम टी-20 खेळाडू

• भारताचा डावखुरा वेगवान गोलंदाज अर्शदीप सिंग आंतरराष्ट्रीय क्रिकेट परिषदेच्या (आयसीसी) ट्वेन्टी-20 क्रिकेटमधील 2024 वर्षातील सर्वोत्तम खेळाडूच्या पुरस्काराचा मानकरी ठरला आहे.
• भारताने 2024 या वर्षी ट्वेन्टी-20विश्वचषकाचे जेतेपद पटकावले होते.
• भारताच्या यशात अर्शदीपचाने वाटा मोठा होता.
• या स्पर्धेत सर्वाधिक बळी मिळवणाऱ्या गोलंदाजांच्या यादीत तो (8 सामन्यांत 17 बळी) दुसऱ्या स्थानी होता.
• वर्षभरात अर्शदीपने 18 आंतरराष्ट्रीय ट्वेन्टी- 20 सामने खेळताना 36गडी बाद केले.
• पॉवर-प्ले आणि अखेरच्या षटकांत अर्शदीपची गोलंदाजी वैशिष्ट्यपूर्ण ठरली.

भारत, इंडोनेशियाचा सागरी सुरक्षा करार

• भारत आणि इंडोनेशियाने संरक्षण क्षेत्रातील उत्पादन व पुरवठा साखळीसाठी संयुक्तपणे काम करण्याचा निर्णय घेतला.
• प्रजासत्ताक दिनाच्या सोहळ्यासाठी भारत दौऱ्यावर आलेले इंडोनेशियाचे अध्यक्ष प्रबोवो सुबियांतो आणि पंतप्रधान नरेंद्र मोदी यांच्यामध्ये महत्त्वपूर्ण चर्चा झाली.
• त्यामध्ये द्विपक्षीय व्यापार वाढवणे, सागरी सुरक्षेला चालना देणे यावर सहमती झाली.
• मोदी आणि सुबियांतो यांच्या चर्चेनंतर दोन्ही देशांदरम्यान आरोग्य, सागरी सुरक्षा, संस्कृती व डिजिटल अवकाश या क्षेत्रांमध्ये सहकार्यासाठी किमान पाच करारावर स्वाक्षऱ्या करण्यात आल्या.
• दोन्ही देश प्रादेशिक शांतता, सुरक्षा आणि नियमाधारित सुव्यवस्था राखण्यासाठी कटिबद्ध असल्याचे पंतप्रधान मोदी यांनी सांगितले.
• दक्षिण चिनी समुद्रामध्ये चीन आणि इंडोनेशियादरम्यान लष्करी तणाव वाढत असताना भारत, इंडोनेशियाने सागरी सहकार्याचा निर्णय घेतला आहे.

इंडोनेशियाचे अध्यक्ष प्रजासत्ताक दिनाचे प्रमुख पाहुणे

• 76 व्या प्रजासत्ताक दिनाच्या सोहळ्यासाठी इंडोनेशियाचे अध्यक्ष प्रबोवो सुबियांतो प्रमुख पाहुणे असतील. कर्तव्य पथावर होणाऱ्या संचलनात इंडोनेशियाचे मार्चिग पथक आणि बँड पथकदेखील सहभागी होणार.
• भारताच्या प्रजासत्ताक दिनाच्या समारंभाला प्रमुख पाहुणे म्हणून उपस्थित राहणारे सुबियांतो हे इंडोनेशियाचे चौथे अध्यक्ष आहेत.
• पहिल्या प्रजासत्ताक दिनाला इंडोनेशियाचे पहिले अध्यक्ष सुकर्णो हे प्रमुख पाहुणे म्हणून उपस्थित होते.

प्रजासत्ताक दिनाचे प्रमुख वैशिष्ट्ये:

• भारतीय संविधानाची 75 वर्षे संचलनाचा केंद्रबिंदू
• ‘सुवर्ण भारत – वारसा आणि विकास’ या कल्पनेवर आधारित चित्ररथांचे देखावे
• राज्ये आणि केंद्रशासित प्रदेशांचे 16 तर केंद्रीय मंत्रालये, विभाग आणि संघटनांकडून 15 चित्ररथ
• चित्ररथांमध्ये तिन्ही सैन्यदलांशी संबंधित देखावा
• स्वदेशी अर्जुन युद्ध रणगाडा, तेजस लढाऊ विमान आणि प्रगत हलक्या हेलिकॉप्टरचा समावेश
• ‘मजबूत आणि सुरक्षित भारत’ या संकल्पनेवर आधारित लष्कराचे देखावे असतील.
• सी-130 जे सुपर हर्म्युलिस, सी- 295, सी-17 ग्लोबमास्टर, पी-8 आय, मिग-29 आणि एसयू-30यासह इतर विमानांचाही समावेश
• उत्तर प्रदेश, उत्तराखंड, हरियाणा, बिहार, झारखंड, गुजरात, त्रिपुरा, आंध्र प्रदेश, कर्नाटक आणि दिल्लीचे चित्ररथ.

न्या. नरेंद्र चपळगावकर यांचे निधन

• ज्येष्ठ विचारवंत आणि साहित्यिक न्या. नरेंद्र चपळगावकर यांचे वयाच्या 86 व्या वर्षी निधन झाले.
• वर्धा येथे झालेल्या 96 व्या अखिल भारतीय मराठी साहित्य संमेलनाचे अध्यक्षपदही त्यांनी भूषविले होते.
• मराठीला लाभलेल्या सामाजिक आणि राजकीय विचारवंतांच्या परंपरेचे पाईक असलेल्या चपळगावकर यांनी गेली सहा दशके विविध माध्यमांतून समाजाला शहाणे करण्याचे व्रत निष्टेने सांभाळले.

अल्प परीचय:

• न्या. चपळगावकर यांचा जन्म 14 जुलै 1938 मध्ये बीड येथे झाला. त्यांचे प्राथमिक शिक्षण बीड येथे तर महाविद्यालयीन शिक्षण अमरावती आणि छत्रपती संभाजीनगर येथे झाले.
• नानासाहेब या नावाने परिवारात परिचित असणारे चपळगावकर मुळचे बीड जिल्ह्यातील. त्यांचे वडील पुरुषोत्तमराव चपळगावकर हे हैदराबाद मुक्तिसंग्रामातील नेते व स्वामी रामानंद तीर्थ यांचे निष्ठावंत अनुयायी होते.
• शिक्षणानंतर त्यांनी काही काळ मराठीचे अध्यापन आणि वकिली केली. तरुण वयात त्यांनी वर्तमानपत्र व मासिकांमध्ये लेखन केले. वकिली करत असतानाच समाजवादी विचारांचा प्रभाव असलेले नानासाहेब राजकारणात ओढले गेले.
• ते बीड नगरपालिकेचे सदस्य म्हणूनही निवडून आले होते.
• पुढे 1979 साली त्यांनी मुंबई येथे उच्च न्यायालयात वकिली सुरू केली.
• गोपाळ गणेश आगरकर आणि न्या. महादेव गोविंद रानडे यांच्या वैचारिक वारसा नानासाहेब चपळगावकर यांनी पुढे चालविला.
• ते1989 ते 1999 मुंबई उच्च न्यायालयात न्यायाधीश होते.
• सर्वसामान्यांच्या प्रश्नांची दखल खंडपीठाच्या स्थापनेनंतर त्यांनी छत्रपती संभाजीनगर येथे वास्तव्य केले.
• वडिलांचे राजकारण आणि समाजकारणाच्या संस्कारांमधून सर्वसामान्यांच्या प्रश्नांकडे त्यांनी आस्थेने पाहण्यास सुरुवात झाली व ते वैचारिक लेखनाकडे वळले.
• 2005 मध्ये माजलगाव येथे झालेले 26 वे मराठवाडा साहित्य संमेलन, राष्ट्रीय बंधुता साहित्य संमेलन, नववे जलसाहित्य संमेलन यांचे अध्यक्षपदही चपळगावकर यांनी भूषविले होते.
• हैदराबाद मुक्तिलढ्यावर संशोधनात्मक लेखन त्यांनी केले. धुळे येथील राजवाडे संशोधन मंडळाचे ते पाच वर्षे अध्यक्ष होते.
• मराठवाडा साहित्य परिषदेने चपळगावकर यांना जीवनगौरव पुरस्काराने सन्मानित केले होते.
• साहित्य लेखनासाठी चपळगावकर यांना ‘भैरूरतन दमाणी पुरस्कार’, महाराष्ट्र फाउंडेशनचा जीवनगौरव पुरस्कार, महाराष्ट्र साहित्य परिषद, राज्य सरकारचे वाङ्मय पुरस्कार अशा पुरस्कारांनी सन्मानित करण्यात आले होते.
• नाशिकच्या ‘कुसुमाग्रज प्रतिष्ठान’चे ते अध्यक्ष राहिले.
• चपळगावकर यांनी प्रामुख्याने वैचारिक व ललित लेखन केले.
• ‘सावलीचा शोध’, ‘मनातली माणसं’, ‘महात्मा गांधी आणि भारतीय राज्यघटना’, ‘टिळक गांधी : नेतृत्वाची सांधेजोड’, ‘आठवणीतले दिवस’, ‘त्यांना समजून घेताना’, ‘अनंत भालेराव – काळ आणि कर्तृत्व’, ‘तीन न्यायमूर्ती आणि त्यांचा काळ’, ‘कर्मयोगी संन्यासी’ ही त्यांची पुस्तके प्रसिद्ध आहेत.

The post पद्म पुरस्कार 2025 appeared first on The Officer.

• भारतीय निवडणूक आयोगाच्या स्थापना दिनानिमित्त (25 जानेवारी 1950) दरवर्षी 25 जानेवारी रोजी राष्ट्रीय मतदार दिवस भारतात साजरा केला जातो .
• अधिक तरुण मतदारांना राजकीय प्रक्रियेत भाग घेण्यास प्रोत्साहित करण्यासाठी भारत सरकारने या दिनाची स्थापना केली.
• 25 जानेवारी 2011 रोजी पहिल्यांदा हा दिवस साजरा केला गेला.

2025 चा राष्ट्रीय मतदार दिन थीम

• दरवर्षी वेगवेगळ्या थीमनी राष्ट्रीय मतदार दिन साजरा केला जातो.
• 2025 ची थीम “समान मतदान हक्क, प्रत्येकाच्या अधिकाराची सुरक्षितता” या थीमद्वारे निवडणूक आयोगाने सर्व नागरिकांना त्यांच्या मताच्या महत्वाची जाणीव करून दिली आहे.
• ज्यामुळे प्रत्येक मतदाराचा मतदान प्रक्रिया मध्ये सहभाग महत्त्वाचा असतो. तसेच, या थीमने विविध समजातील, वयातील, आणि सामाजिक पार्श्वभूमीच्या लोकांना मतदानामध्ये सहभागी होण्यासाठी प्रोत्साहित केले आहे.

 राष्ट्रीय पर्यटन दिन

• भारतात, पर्यटन हा बहरणारा आणि सर्वात मोठा उत्पन्न मिळवणारा उद्योग आर्थिक वाढ, सांस्कृतिक देवाणघेवाण आणि आंतरराष्ट्रीय समज यासाठी योगदान देते. याला प्रोत्साहन देण्यासाठी दरवर्षी 25 जानेवारी रोजी राष्ट्रीय पर्यटन दिवस साजरा केला जातो.
• या दिवसाचे प्राथमिक उद्दिष्ट सर्व नागरिकांसाठी जबाबदार, शाश्वत आणि सुलभ पर्यटनाला चालना देणे हे आहे.

इतिहास

• भारत सरकारला 1948 मध्ये देशाकडे येणाऱ्या पर्यटन वाहतुकीचे महत्त्व लक्षात आले. तेव्हापासून त्यांनी राष्ट्रीय वारसा जतन करण्याच्या उद्देशाने आणि पर्यटन स्थळांचे सौंदर्य अबाधित ठेवण्यासाठी त्यांना पर्यटक बनवण्याच्या उद्देशाने पर्यटन विभागाची स्थापना केली. – अनुकूल. संस्कृती जिवंत ठेवण्यासाठी आणि पर्यटनाला चालना देण्यासाठी, भारत 25 जानेवारी रोजी राष्ट्रीय पर्यटन दिन साजरा करतो.
• यावर्षी राष्ट्रीय पर्यटन दिनाची थीम ‘समावेशक वाढीसाठी पर्यटन‘ अशी आहे ही थीम आर्थिक विकासाला चालना देण्यासाठी पर्यटनाची भूमिका अधोरेखित करते आणि रोजगार निर्माण करून आणि शाश्वत पद्धतींना प्रोत्साहन देऊन समाजातील सर्व घटकांना फायदा होतो हे सुनिश्चित करते.

‘पहिले एआय विद्यापीठ महाराष्ट्रात‘

• “आर्टिफिशियल इन्टेलिजन्स म्हणजेच कृत्रिम बुद्धिमत्तेला वाहिलेले पहिले ‘एआय’ विद्यापीठ महाराष्ट्रात स्थापन होणार आहे.
• माहिती व तंत्रज्ञान मंत्री आशीष शेलार यांनी या प्रकल्पासाठी कृती दल स्थापन करण्याची घोषणा केली.
• जागतिक शिक्षण दिनानिमित्त विद्यार्थ्यांना शुभेच्छा देताना शेलार यांनी कृत्रिम बुद्धिमत्ता विद्यापीठ स्थापन करण्याचा निर्णयाची माहिती देत राज्य सरकारचा हा ऐतिहासिक प्रकल्प ठरणार असल्याचे सांगितले.
• उच्च व तंत्रशिक्षण मंत्री चंद्रकांत पाटील यांच्या नेतृत्वाखालील मंत्रालयाच्या सहकायनि हा प्रकल्प राबवला जाणार आहे.

The post ‘पहिले एआय विद्यापीठ महाराष्ट्रात’ appeared first on The Officer.

• राष्ट्रीय बालिका दिन हा दरवर्षी 24 जानेवारी रोजी साजरा केला जातो. हा दिवस मुलींना त्यांच्या हक्कांची जाणीव करून देण्यासाठी आणि त्यांच्या संरक्षणासाठी साजरा केला जातो.

राष्ट्रीय बालिका दिन साजरा करण्यामागची कारणे:

• मुलींना त्यांच्या अधिकार आणि हक्कांविषयी माहिती मिळावी
• समाजात मुलींना भेडसावणारी असमानता, भेदभाव आणि शोषणाविषयी जनजागृती करावी
• मुलींना निरोगी आणि सुरक्षित वातावरण मिळावे
• मुलींच्या भविष्यातील संधी खुल्या असाव्यात
• समाजात मुलींना समान स्थान मिळावे

राष्ट्रीय बालिका दिन साजरा करण्याची सुरुवात:

• महिला आणि बाल विकास मंत्रालय आणि भारत सरकारने 2008 मध्ये या दिवसाची घोषणा केली होती

राष्ट्रीय बालिका दिन साजरा करण्याची पद्धत:

• या दिवशी बालिका वाचवा, बाल लिंग गुणोत्तर, मुलींसाठी निरोगी आणि सुरक्षित वातावरणाची निर्मिती याविषयी जनजागृती मोहिमा आयोजित केल्या जातात
• थीम : उज्ज्वल भविष्यासाठी मुलींचे सक्षमीकरण’

आंतरराष्ट्रीय शिक्षण दिन

• शांतता आणि विकासाला चालना देण्यासाठी शिक्षणाची महत्त्वपूर्ण भूमिका अधोरेखित करण्यासाठी दरवर्षी 24 जानेवारी रोजी आंतरराष्ट्रीय शिक्षण दिन साजरा केला जातो.
• 24 जानेवारी, 2019 रोजी पहिला आंतरराष्ट्रीय शिक्षण दिन साजरा करण्यात आला, जो सर्वसमावेशक आणि न्याय्य दर्जाच्या शिक्षणाला मूलभूत मानवी हक्क आणि शाश्वत विकासासाठी उत्प्रेरक म्हणून प्रोत्साहन देण्यासाठी महत्त्वपूर्ण जागतिक उपक्रम म्हणून ओळखला गेला.
• 2025 मधील आंतरराष्ट्रीय शिक्षण दिनाची थीम : “एआय आणि शिक्षण: ऑटोमेशनच्या जगात मानवी एजन्सीचे संरक्षण“ आहे.
• ही थीम तांत्रिक प्रगती तीव्र होत असताना मानवी एजन्सी राखण्यावर लक्ष केंद्रित करताना शैक्षणिक संदर्भांमध्ये कृत्रिम बुद्धिमत्तेच्या प्रभावातील वाढ कॅप्चर करते.
• एआय प्रणाली अत्याधुनिक होत असल्याने, अशा प्रणाली मानवी निर्णयांवर आणि शैक्षणिक क्रियाकलापांवर कसा परिणाम करू शकतात यावर मानव प्रश्न विचारू लागतात.
• या बदलांना प्रभावीपणे नेव्हिगेट करण्यासाठी आणि आकार देण्यासाठी शिक्षण व्यक्तींना कसे सुसज्ज करू शकते यावरील चर्चांना थीम प्रोत्साहन देते.

‘अनुजा‘ला ऑस्करचे नामांकन

• नवी दिल्लीतील जनजीवनावर आधारित ‘अनुजा’ लघुचित्रपटाला ‘ऑस्कर- 2025’साठी ‘लाइव्ह अॅक्शन शॉर्ट श्रेणी’ मध्ये नामांकन मिळाले आहे.
• अॅडम जे ग्रेव्हज आणि सुचित्रा मट्टई दिग्दर्शित ‘अनुजा’ ऑस्करमध्ये ‘अलीन’, ‘आय एम नॉट अ रोबोट’, ‘द लास्ट रेंजर’ आणि ‘द मॅन व्हू कांट रिमेन सायलेंट’ आदी लघुचित्रपटांशी स्पर्धा करणार आहे.
• ‘ऑस्कर’ची नामांकने बोवेन यांग आणि रॅचेल सेनॉट यांनी जाहीर केली.

‘संजय‘ :  युद्धभूमी देखरेख प्रणाली

• संरक्षण मंत्री राजनाथ सिंह यांनी 24  जानेवारी 2025  रोजी नवी दिल्लीतील साउथ ब्लॉक येथून ‘संजय – द बॅटलफिल्ड सर्व्हेलन्स सिस्टम ‘ (बीएसएस) या  युद्धभूमी देखरेख प्रणालीचा प्रारंभ केला.
• संजय ही एक स्वयंचलित प्रणाली आहे जी सर्व जमिनीवरील तसेच हवाई युद्धभूमी सेन्सर्समधील माहिती  एकत्रित करते, त्यांची सत्यता तपासून पाहण्यासाठी त्यावर  प्रक्रिया करते, डुप्लिकेशन/ पुनरावृत्ति रोखते आणि सुरक्षित आर्मी डेटा नेटवर्क आणि सॅटेलाइट कम्युनिकेशन नेटवर्कवर युद्धभूमीचे एक सर्वसाधारण देखरेख चित्र तयार करण्यासाठी त्यांचे एकत्रीकरण करते.
• यामुळे युद्धभूमीतील पारदर्शकता वाढेल आणि एका केंद्रीकृत वेब अॅप्लिकेशनद्वारे भविष्यातील युद्धभूमीचे संभाव्य रूपांतर देखील सादर केले जाईल जे कमांड आणि सेना मुख्यालय आणि भारतीय सैन्य निर्णय समर्थन प्रणालीला  माहिती  पुरवेल.
• बीएसएस अत्याधुनिक सेन्सर्स आणि अत्याधुनिक विश्लेषण सामग्रीने सुसज्ज आहे.
• ती विशाल भू-सीमांचे निरीक्षण करेल, घुसखोरी रोखेल, अचूकतेने परिस्थितीचे मूल्यांकन करेल आणि हेरगिरी  , देखरेख आणि सर्वेक्षणासाठी उपयुक्त ठरेल.
• भारतीय लष्कराच्या ‘तंत्रज्ञान समावेशकता वर्ष’ च्या अनुषंगाने ‘आत्मनिर्भरता’ साध्य करण्यासाठी ‘संजय’ हे एक अनुकूल परिसंस्था तयार करते.
• ‘संजय’ हे भारतीय लष्कर आणि भारत इलेक्ट्रॉनिक्स लिमिटेड (BEL) यांनी स्वदेशी पद्धतीने संयुक्तपणे विकसित केले आहे.
• या प्रणाली भारतीय लष्कराच्या सर्व ऑपरेशनल ब्रिगेड, डिव्हिजन आणि कॉर्प्समध्ये तीन टप्प्यात मार्च ते ऑक्टोबर 2025 दरम्यान समाविष्ट केल्या जातील, ज्याला संरक्षण मंत्रालयाने ‘सुधारणांचे वर्ष’ म्हणून घोषित केले आहे.
• ही प्रणाली 2402 कोटी रुपये खर्चून बाय (इंडियन) श्रेणी अंतर्गत विकसित करण्यात आली आहे.

मोहनलाल हिरालाल यांचे निधन

• ‘आमच्या गावात आमचे सरकार’ हा नारा बुलंद करत गडचिरोली जिल्ह्यातील मेंढा (लेखा) गावाला देशपातळीवर ओळख मिळवून देणारे ज्येष्ठ गांधीवादी विचारवंत मोहन हिराबाई हिरालाल यांचे वयाच्या 70 व्या वर्षी निधन झाले.
• महात्मा गांधी आणि विनोबा भावे यांच्या विचारधारेचे अनुयायी असलेले मोहनभाई यांनी सत्तरीच्या दशकात जयप्रकाश नारायण यांच्या ‘संपूर्ण क्रांती’ या आंदोलनाने प्रभावित होऊन त्यांनी सामाजिक कार्याला वाहून घेतले.
• 1984 मध्ये त्यांनी गडचिरोली जिल्ह्यात ‘वृक्षमित्र’ संस्थेची स्थापना केली होती.

The post ‘संजय’ : युद्धभूमी देखरेख प्रणाली appeared first on The Officer.

• नेताजी सुभाषचंद्र बोस यांचा जन्म दिन (23 जानेवारी) पराक्रम दिन म्हणून साजरा केला जातो
• पराक्रम दिवस साजरा करण्याचा उद्देश नेताजींचे विचार आणि त्यांच्या बलिदानाचे स्मरण करणे आहे.
• हा दिवस आपल्याला आपल्या देशाची सेवा करण्यासाठी शक्य ते सर्व करण्याची प्रेरणा देतो.
• सुरवात: 2021 मध्ये, भारत सरकारने नेताजी सुभाषचंद्र बोस यांच्या 125 व्या जयंतीनिमित्त पराक्रम दिवस साजरा करण्याची घोषणा केली.
• नेताजींचे जीवन आणि त्यांची शिकवण जनतेपर्यंत पोहोचवणे हा त्याचा उद्देश आहे.
• हा दिवस प्रत्येक भारतीयाला त्यांच्या देशाप्रती असलेल्या कर्तव्यांची आणि समर्पणाची आठवण करून देतो.
• 2025 मध्ये, पराक्रम दिवसाची थीम “नेताजी: धैर्य, दृढनिश्चय आणि देशभक्ती”

दावोसमध्ये 15.70 लाख कोटींच्या गुंतवणुकीचे करार

• मुख्यमंत्री देवेंद्र फडणवीस यांच्या नेतृत्त्वाखाली दावोसमधील जागतिक आर्थिक परिषदेत (वर्ल्ड इकॉनॉमिक फोरम) इतिहास घडला असून महाराष्ट्राने दोन दिवसात70 लाख कोटी रुपये गुंतवणुकीसाठी एकूण 54 सामंजस्य करारावर स्वाक्षरी केल्या आहेत.
• या गुंतवणुकीतून95 लाख रोजगारनिर्मिती होईल.
• दावोस येथे सामंजस्य करारांपैकी सर्वांत मोठ्या गुंतवणुकीचा करार हा रिलायन्स समूहाचा ठरला.
• पेट्रोकेमिकल्स, पॉलिस्टर, फेरवापरयोग्य ऊर्जा, बायो एनर्जी, हरित हायड्रोजन, ग्रीन केमिकल्स, औद्योगिक क्षेत्रविकास, रिटेल, डेटा सेंटर, टेलिकम्युनिकेशन्स, आदरातिथ्य आणि रिअल इस्टेट या क्षेत्रात ते 3 लाख 5 हजार कोटी रुपये इतकी गुंतवणूक करणार आहेत.

 प्रजासत्ताक दिनाची संकल्पना : ‘आत्मनिर्भर नौसेनेतून राष्ट्रनिर्माण‘

• नौदलात नव्याने दाखल झालेल्या ‘आयएनएस सुरत’, ‘आयएनएस निलगिरी’ या युद्धनौका आणि ‘आयएनएस वागशीर’ पाणबुडी नौदलाच्या रथामध्ये येत्या प्रजासत्ताक दिनी दाखविली जाणार आहे.
• कर्तव्य पथावरील संचलनात नौदल आपल्या सामर्थ्याचे प्रदर्शन करणार आहे.
• ‘आत्मनिर्भर नौसेनेतून राष्ट्रनिर्माण’ ही नौदलाच्या यंदाच्या प्रजासत्ताक दिनाची संकल्पना आहे.
• पंतप्रधान नरेंद्र मोदी यांच्या हस्ते 15 जानेवारी रोजी आघाडीच्या तीन लढाऊ जहाजांचे लोकार्पण झाले होते.

‘मिशन आपुलकी‘

• अहिल्यानगर जिल्हा परिषदेने ‘मिशन आपुलकी’ अंतर्गत लोकसहभागातून राबवलेल्या मोहिमेत दोन वर्षात तब्बल 54 कोटी 50 लाख रुपयांचे साहित्य उपलब्ध झाले.
• यामध्ये शाळेत आहार शिजवणाऱ्या महिलेच्या मदतीपासून थेट ‘इन्फोसिस’ कंपनीच्या निधीतून शालेय साहित्यापासून ते टॅब, शुद्ध पाण्याच्या योजना, शाळांच्या इमारती उभ्या राहिल्या आहेत.
• या मोहिमेचा तब्बल दीड हजारहून अधिक शाळांना लाभ झाला आहे.
• अहिल्यानगर जिल्हा परिषदेच्या 3,560 प्राथमिक शाळा आहेत.
• 2022 मध्ये तत्कालीन जिल्हा परिषदेचे मुख्य कार्यकारी आधिकारी राजेंद्र क्षीरसागर, अतिरिक्त मुख्य कार्यकारी आधिकारी संभाजी लांगोरे व प्राथमिक शिक्षणाधिकारी भास्कर पाटील यांनी लोकसहभागातून शाळांच्या विकासाची संकल्पना सुरू केली.

‘बेटी बचाओ, बेटी पढाओ ‘योजनेला दहा वर्षे पूर्ण

• ‘बेटी बचाओ,बेटी पढाओ’ मोहिमेच्या दशकपूर्तीनिमित्त 23 जानेवारीपासून जागतिक महिला दिनापर्यंत (८ मार्च) या मोहिमेच्या सर्व पैलूंबाबत जनजागृती अभियान राबविण्याची घोषणा महिला व बालकल्याण विकासमंत्री अन्नपूर्णा देवी यांनी केली.
• पंतप्रधान नरेंद्र मोदींनी 22 जानेवारी 2015 रोजी ‘बेटी बचाओ बेटी पढाओ’ मोहिमेचा प्रारंभ केला होता.
• या मोहिमेला दहा वर्षे पूर्ण झाल्यानिमित्त कामगिरीचा आढावा आणि भविष्यातील कामगिरीचा आढावा यासाठी मंथन झाले.

योजनेविषयी…

• 22 जानेवारी 2015 मध्ये ‘बेटी बचाओ, बेटी पढाओ’ योजनेची सुरवात
• 2014 -24 ला प्रतिहजार पुरुषांमागे 918 महिला असलेले लिंग गुणोत्तर 933 महिला असे झाले
• शिक्षणामध्ये मुलींच्या नोंदणीत 75 टक्क्यांवरून 79 टक्के अशी वाढ झाली
• संस्थात्मक प्रसुती 61 टक्क्यांवरून 97 टक्क्यांपर्यंत पोहोचल्याने प्रसूतीदरम्यान मृत्यूचे प्रमाण घटले

स्वच्छ बस स्थानकाला एक कोटी रुपयांचे बक्षीस मिळणार

• दिवंगत बाळासाहेब ठाकरे यांच्या जयंतीनिमित्त पुढील वर्षभर एसटीच्या राज्यभरातील सर्व बसस्थानकांवर उपमुख्यमंत्री एकनाथ शिंदे यांच्या संकल्पनेतून ‘हिंदुहृदयसम्राट बाळासाहेब ठाकरे स्वच्छ, सुंदर बसस्थानक’ मोहीम राबवण्यात येणार आहे.
• यामध्ये तब्बल तीन कोटी रुपयांची बक्षीसे देण्यात येणार आहेत.
• ‘अ’ वर्गात प्रथम येणाऱ्या एसटी स्थानकाला एक कोटीचे बक्षीस जाहीर करण्यात येणार असल्याची घोषणा परिवहन मंत्री प्रताप सरनाईक यांनी केली.
• ‘अ’ वर्ग गटातून पहिला येणाऱ्या एसटीचा स्थानकाला 1 कोटी रुपये, ‘ब ‘वर्ग गटातून पहिला येणाऱ्या एसटी स्थानकाला 50 लाख रुपये तर ‘क’ वर्ग गटातून पहिला येणाऱ्या एसटी स्थानकाला 25 लाख रुपयांचे बक्षिसे देण्यात येणार आहेत.
• मोहिमेची संकल्पना: ‘ आपलं गाव -आपलं बसस्थानक’

‘भारतपर्व‘ मध्ये मधाचे गाव चित्ररथाचा समावेश

• दिल्लीच्या लाल किल्ला परिसरात 26 ते 29 जानेवारी या काळात होणाऱ्या भारतपर्व महोत्सवात ‘मधाचे गाव’ या संकल्पनेवर आधारित महाराष्ट्राच्या चित्ररथाचा समावेश असेल.
• 2025 च्या प्रजासत्ताक दिनाच्या सोहळ्यात कर्तव्यपथावरील संचलनात महाराष्ट्राच्या चित्ररथाचा समावेश झाला नाही. मात्र, त्यानंतर होणाऱ्या भारतपर्व महोत्सवात राज्याला स्थान मिळाले आहे .
• केंद्रीय पर्यटन मंत्रालयाच्या वतीने प्रजासत्ताक दिनाच्या सोहळ्यानिमित्त ‘भारतपर्व’ महोत्सवाचे आयोजन केले जाते .
• यावर्षी महाराष्ट्रसह 12 राज्यातील चित्ररथ या महोत्सवात असणार आहेत.
• यावर्षी चित्ररथांसाठी ‘सुवर्ण भारत : वारसा आणि विकास’ ही मध्यवर्ती संकल्पना आहे.
• ‘मधाचे गाव’ या संकल्पनेवरील राज्याच्या चित्ररथात पुढील बाबी असतील.
• पुढच्या भागात फुलांनी सजवेलेले मधमाशीचे शिल्प असेल.
• या मधमाशीभोवती लहान मधमाशा आणि काही फुले दाखवली आहेत.
• मागील भागात मधमाशांचे पोळे व राज्याच्या मध उत्पादन व्यवसायातील महत्त्वपूर्ण टप्पे दर्शविले आहेत.

The post दावोसमध्ये 15.70 लाख कोटींच्या गुंतवणुकीचे करार appeared first on The Officer.