July 2025 Archives | The Officer

अर्थशास्त्रज्ञ मेघनाद देसाई यांचे निधन Economist Meghnad Desai passes away

Gaurav — Thu, 31 Jul 2025 08:10:55 +0000

● भारतीय वंशाचे ब्रिटिश अर्थशास्त्रज्ञ आणि ब्रिटिश संसदेच्या हाऊस ऑफ लॉर्ड्सचे माजी सदस्य मेघनाद देसाई यांचे वयाच्या 85 व्या वर्षी निधन झाले.
● मेघनाद देसाई यांचा जन्म 1940 मध्ये गुजरातमध्ये झाला.
● त्यांनी ‘लंडन स्कूल ऑफ इकॉनॉमिक्स’मध्ये 1965 ते 2003 इतका दीर्घकाळ अर्थशास्त्राचे अध्यापन केले.
● त्यांनी 1971 मध्ये मजूर पक्षाचे सदस्यत्व स्वीकारले आणि जून 1991 मध्ये ते ब्रिटिश संसंदेच्या हाऊस ऑफ लॉर्ड्स या वरिष्ठ सभागृहाचे सदस्य झाले.
● मेघनाद देसाई यांना 2008 मध्ये पद्मभूषण हा भारताचा तिसऱ्या क्रमांकाच्या सर्वोच्च नागरी पुरस्काराने सन्मानित करण्यात आले.
● भारत आणि ब्रिटनदरम्यानचे संबंध मजबूत करण्यासाठी त्यांनी महत्त्वाची भूमिका बजावली
● “देसाई यांनी अनेक महत्त्वाच्या कामांसाठी लक्षणीय योगदान दिले. त्यामध्ये ब्रिटिश संसदेमध्ये गांधी स्मृती पुतळा उभारण्याचाही समावेश आहे.

The post अर्थशास्त्रज्ञ मेघनाद देसाई यांचे निधन Economist Meghnad Desai passes away appeared first on The Officer.

मुख्यमंत्री पंचायतराज अभियानाची घोषणा Chief Minister’s Panchayat Raj Campaign Announcement

Gaurav — Thu, 31 Jul 2025 07:56:44 +0000

● ग्रामीण भागात उत्कृष्ट काम करणाऱ्या ग्रामपंचायत, पंचायत समिती व जिल्हा परिषदांसाठी या वर्षापासून मुख्यमंत्री समृद्ध पंचायतराज अभियान राबविण्याचा निर्णय राज्य मंत्रिमंडळाच्या बैठकीत घेण्यात आला.
● या अभियानाच्या माध्यमातून विविध क्षेत्रात उल्लेखनीय काम करणाऱ्या स्थानिक स्वराज्य संस्थाना विविध गटात दरवर्षी 290 कोटी 33 लाख रुपयांची एक हजार 902 बक्षीसे देण्यात येणार आहेत.
● सुशासनयुक्त पंचायत, सक्षम पंचायत, जल समृद्ध, स्वच्छ व हरित गाव, मनरेगा व इतर योजनांची सांगड, गावपातळीवरील संस्थांचे सक्षमीकरण, उपजीविका विकास व सामाजिक न्याय, लोकसहभाग व
● श्रमदानाच्या माध्यमातून लोक चळवळ अशा विविध क्षेत्रात उत्कृष्ट काम करणाऱ्या ग्रामपंचायती, पंचायत समिती आणि जिल्हा परिषद यांची पुरस्कारासाठी निवड केली जाणार आहे यावर्षीच्या आर्थिक वर्षापासून तालुका, जिल्हा, महसूल विभाग व राज्य अशा चार स्तरावर मुख्यमंत्री समृद्ध पंचायत राज अभियान राबविण्यात येणार आहे.
● अभियानात विविध स्तर आणि गटात 1902 पुरस्कार दिले जाणार असून अभियानाचा कालावधी 17 सप्टेंबर ते 31 डिसेंबर असा राहणार आहे.
● ग्रामपंचायतसाठी राज्यस्तरावर प्रथम क्रमांकाला पाच कोटी रुपये द्वितीय क्रमांक तीन कोटी रुपये आणि तृतीय क्रमांकासाठी दोन कोटी रुपयांचा पुरस्कार देण्यात येणार आहे.
● अभियानाच्या अंमलबजावणी व संयंत्रणासाठी राज्यस्तरावर ग्रामविकास व पंचायत राजमंत्री यांच्या अध्यक्षतेखाली 16 सदस्यांची समिती स्थापन करण्यात येणार आहे.

The post मुख्यमंत्री पंचायतराज अभियानाची घोषणा Chief Minister’s Panchayat Raj Campaign Announcement appeared first on The Officer.

बुद्धिबळ वर्ल्ड कप स्पर्धेत दिव्या देशमुख विजेते Divya Deshmukh wins Chess World Cup

Gaurav — Thu, 31 Jul 2025 07:20:40 +0000

●भारताच्या 19 वर्षीय दिव्या देशमुखने महिलांच्या बुद्धिबळ वर्ल्ड कप स्पर्धेच्या अंतिम फेरीत आपलीच सहकारी कोनेरू हम्पीवर ‘टायब्रेक’ मध्ये मात करून विजेतेपद पटकावले.
● ही स्पर्धा जिंकणारी पहिली भारतीय होण्याचा मानही तिने मिळवला.
● विशेष म्हणजे ग्रँडमास्टर किताबही तिने मिळवला.

इतिहासात प्रथमच कोरले भारताचे नाव

● महिला बुद्धिबळ विश्वचषक स्पर्धेच्या इतिहासात पहिल्यांदाच भारताचे नाव विश्वचषकावर कोरले गेले. या दोघींच्या आधी कोणत्याही भारतीय खेळाडूने या स्पर्धेची अंतिम फेरी गाठली नव्हती. नागपूरकर दिव्याने टायब्रेकरमध्ये पहिला डाव बरोबरीत सुटल्यानंतर दुसऱ्या डावात वेगवान खेळ करत हम्पीवर दडपण टाकले. दडपणात आलेल्या हम्पीकडून झालेल्या चुकांचा फायदा घेत काळ्या मोहऱ्यांनी खेळणाऱ्या दिव्याने कमाल केली
● ती भारताची ८८वी ग्रँडमास्टर ठरली तर हम्पी, द्रोणावल्ली हरिका आणि आर. वैशाली यांच्यानंतर चौथी भारतीय महिला बुद्धिबळपटू ठरली.
● दिव्या ही मूळची महाराष्ट्रातील नागपूर या ठिकाणची आहे.
● बातुमी (जॉर्जिया) येथे ही स्पर्धा संपन्न झाली.
● बक्षीस : विजेतेपदासाठी दिव्याला 50 हजार डॉलर, तर उपविजेत्या हम्पीला 35 हजार डॉलर.

दिव्याची कारकीर्द

● 2020 : ऑलिम्पियाडच्या सुवर्णपदक विजेत्या संघाची सदस्य
● 2021 : आंतरराष्ट्रीय मास्टर
● 2022 : ‘इंडियन चेस’ स्पर्धेत जेतेपद
● 2022 : बुद्धिबळ ऑलिम्पियाडमध्ये वैयक्तिक कांस्यपदक
● 2023 : आशियाई बुद्धिबळ अजिंक्यपद स्पर्धेचे जेतेपद
● 2023 : टाटा स्टील बुद्धिबळ स्पर्धेच्या जलद (रॅपिड) गटात पहिली
● 2024 : शारजा चॅलेंजर्स स्पर्धेचे विजेतेपद
● 2024 : युवा जागतिक बुद्धिबळ विजेती
● 2024 : ऑलिम्पियाडमध्ये सांघिक आणि वैयक्तिक सुवर्ण
● 2025 : महिला विश्वचषक जेतेपदासह ‘ग्रँडमास्टर’ किताब
● ग्रैंडमास्टर होण्यासाठी खेळाडूंना तीन निकष (नॉर्म) पूर्ण करावे लागतात. यासह खेळाडूला पारंपरिक प्रकारात २५०० किंवा त्याहून अधिक एलो गुण मिळवावे लागतात.
● काही महत्त्वाच्या स्पर्धा जिंकल्यानंतरही खेळाडू ‘ग्रँडमास्टर’ किताब मिळवू शकतो.
● यामध्ये ‘फिडे’ महिला विश्वचषकाचाही समावेश आहे. दिव्याने ही स्पर्धा जिंकत ‘ग्रँडमास्टर’ किताब मिळवला.

दिव्याला ११ लाखांचा पुरस्कार

● ‘दिव्याने जागतिक पातळीवर मिळविलेले यश अभूतपूर्व आणि देदिप्यमान आहे.
● यामुळे महाराष्ट्राचा लौकिक वाढला आहे. आम्ही महाराष्ट्र बुद्धिबळ संघटनेच्या वतीने दिव्याला ११ लाख रुपयांचे बक्षीस देण्याचे ठरविले आहे. ही रक्कम वाढू शकते,’ अशी घोषणा महाराष्ट्र बुद्धिबळ संघटनेचे अध्यक्ष आमदार परिणय फुके यांनी केली.

The post बुद्धिबळ वर्ल्ड कप स्पर्धेत दिव्या देशमुख विजेते Divya Deshmukh wins Chess World Cup appeared first on The Officer.

बोल्ड कुरुक्षेत्र सराव Bold Kurukshetra practice

Gaurav — Tue, 29 Jul 2025 12:22:02 +0000

● बोल्ड कुरुक्षेत्र हा भारत आणि सिंगापूर यांच्यातील संयुक्त लष्करी सराव आहे. हा सराव दोन्ही देशांच्या सशस्त्र दलांमधील समन्वय आणि आंतरक्रियाशीलता वाढवण्यासाठी आयोजित केला जातो.
● या सरावात, दोन्ही देशांचे सैनिक आधुनिक लढाऊ तंत्रज्ञान आणि रणनीतींची देवाणघेवाण करतात.
● भारतीय लष्कर आणि सिंगापूर सशस्त्र दलांनी राजस्थानमधील जोधपूरच्या वाळवंटी प्रदेशात ‘बोल्ड कुरुक्षेत्र 2025’ हा संयुक्त लष्करी सराव सुरू केला आहे.
● दोन्ही राष्ट्रांमधील परस्पर कार्यक्षमता आणि संरक्षण सहकार्य वाढवण्याच्या उद्देशाने आयोजित केलेला हा सराव आधुनिक लढाऊ रणनीतींची चाचणी घेण्यासाठी आणि परस्पर समन्वय मजबूत करण्यासाठी एक महत्त्वाचे पाऊल आहे.
● या वर्षीच्या बोल्ड कुरुक्षेत्र आवृत्तीत संयुक्त लढाऊ कौशल्य, शहरी युद्ध, दहशतवादविरोधी कारवाया आणि समक्रमित सामरिक युक्त्या यावर विशेष भर देण्यात आला आहे.
● भारत आणि सिंगापूर यांच्यातील द्विपक्षीय लष्करी सराव ‘बोल्ड कुरुक्षेत्र’ 2025 मध्ये 14 वी आवृत्ती आयोजित करण्यात आली होती.
● सरावाची सुरवात : 2005

उद्देश:

● दोन्ही देशांच्या सशस्त्र दलांमध्ये मैत्रीपूर्ण संबंध वाढवणे, संयुक्तपणे काम करण्याची क्षमता वाढवणे आणि आधुनिक युद्धतंत्राचे ज्ञान वाढवणे.

The post बोल्ड कुरुक्षेत्र सराव Bold Kurukshetra practice appeared first on The Officer.

ऑपरेशन महादेव Operation Mahadev

Gaurav — Tue, 29 Jul 2025 12:11:55 +0000

● सुलेमान उर्फ आसिफ हा २२ एप्रिलच्या पहलगाम हल्ल्याचा सूत्रधार असल्याचा संशय असून, पॅरा कमांडोंनी केलेल्या कारवाईत त्याच्यासह त्याचे दोन साथीदारही मारले गेले.

सैन्याचे ऑपरेशन महादेव

● दहशतवाद्यांची मुळे उखडण्यासाठी सैन्याने एक दीर्घ रणनीती आखली. ज्याला ऑपरेशन महादेव असे नाव देण्यात आले.
● ही कारवाई 96 दिवस चालली आणि त्याचा उद्देश पहलगाम हल्ल्यात सहभागी असलेल्या दहशतवाद्यांना पकडणे किंवा मारणे हा होता.
● ऑपरेशन महादेवचा टप्पा 28 जुलै 2025 रोजी श्रीनगरच्या दाचीगाम भागात झालेल्या चकमकीने सुरू झाला.
● त्यात स्पेशल ऑपरेशन्स ग्रुप (SOG) आणि भारतीय सैन्याच्या 12 शीख लाईट इन्फंट्रीचा समावेश होता.

उद्दिष्ट
● याचे उदिष्ट दहशतवाद्यांचे अड्डे नष्ट करणे आणि मुख्य हल्लेखोरांना शोधणे, हे होते.
● सैन्याने ड्रोन आणि ह्युमिंट (मानवी बुद्धिमत्ता) वापरून दहशतवाद्यांचा ठावठिकाणा शोधला.
● दचीगामच्या जंगलात जिथे ते लपले होते. तेथे दहशतवाद्यांच्या उपस्थितीची माहिती मिळाली. २८ जुलै रोजी सकाळी सुरक्षा दलांनी परिसराला वेढा घातला.
● दहशतवाद्यांनी गोळीबार सुरू केला. परंतु लष्कराने त्यांना चोख प्रत्युत्तर दिले. ही चकमक 6 तास चालली. ज्यामध्ये तीन दहशतवादी मारले गेले.

The post ऑपरेशन महादेव Operation Mahadev appeared first on The Officer.

आंतरराष्ट्रीय जीवशास्त्र ऑलिम्पियाड स्पर्धा 2025 International Biology Olympiad Competition 2025

Gaurav — Tue, 29 Jul 2025 11:58:15 +0000

● फिलिपिन्समध्ये झालेल्या 36 व्या आंतरराष्ट्रीय जीवशास्त्र ऑलिम्पियाडमध्ये भारतीय संघाने उल्लेखनीय कामगिरी केली.
● भारतीय संघाने दोन सुवर्ण आणि दोन रौप्य अशी एकूण चार पदके पटकावली असून, या संघात मुंबईतील वेदांत साक्रे याने सुवर्णपदक पटकावले.
● 20 ते 27 जुलै दरम्यान, फिलिपिन्समधील क्युझॉन येथे आंतरराष्ट्रीय जीवशास्त्र ऑलिम्पियाड झाली.
● यंदाच्या स्पर्धेत 77 देशांतील 298 विद्यार्थ्यांनी सहभाग घेतला.
● स्पर्धेत एकूण 30 सुवर्ण, 60 रौप्य, 89 कांस्यपदके वितरित करण्यात आली.
● त्यात राजकोटच्या रुद्र पेतानी, मुंबईच्या वेदांत साक्रे यांनी सुवर्णपदक तर हरियाणाच्या भव्या गुंवाल, कोलकाता येथील सुभ्रोजित पॉल यांनी रौप्यपदक मिळवले.
● स्पर्धेत सर्वाधिक गुण मिळविणाऱ्या दहा स्पर्धकांमध्ये रुद्र पेतानी याने स्थान मिळवले.
● या संघाला प्रा. पुरुषोत्तम काळे, होमी भाभा विज्ञान शिक्षण केंद्राचे विक्रांत घाणेकर, डॉ. मयूरी रेगे, ऑट्रया विद्यापीठाचे, सेंट झेवियर्स महाविद्यालयाचे सचिन राजगोपालन यांनी मार्गदर्शन केले.
● या स्पर्धेच्या पदकतालिकेत भारताने पाचवे स्थान मिळवले.
● चीन आणि सिंगापूरने प्रत्येकी चार सुवर्ण पदके, तर अमेरिका, इराण यांनी प्रत्येकी तीन, तुर्की आणि रशिया यांनी प्रत्येकी दोन सुवर्णपदके मिळवली.
● पेशी आणि आण्विक जीवशास्त्र, जैववैद्यकीयशास्त्र, परिसंस्था व वर्गीकरणशास्त्र, सूक्ष्मजीवशास्त्र या विषयांचा स्पर्धेत समावेश होता.

The post आंतरराष्ट्रीय जीवशास्त्र ऑलिम्पियाड स्पर्धा 2025 International Biology Olympiad Competition 2025 appeared first on The Officer.

भारत आणि मालदीव यांच्यात सामंजस्य करार MoU between India and Maldives

Gaurav — Mon, 28 Jul 2025 12:28:42 +0000

● भारताच्या मत्स्यव्यवसाय, पशुसंवर्धन आणि दुग्धव्यवसाय मंत्रालयाच्या अंतर्गत मत्स्यव्यवसाय विभाग आणि मालदीवच्या मत्स्यव्यवसाय आणि महासागर संसाधन मंत्रालयाने मत्स्यव्यवसाय आणि मत्स्यपालन क्षेत्रात द्विपक्षीय सहकार्य वाढविण्यासाठी सामंजस्य करारावर स्वाक्षरी केली आहे.
● हा सामंजस्य करार पंतप्रधान नरेंद्र मोदी यांच्या 25 जुलै 2025 रोजी झालेल्या बेट राष्ट्राच्या दौऱ्यादरम्यान भारत आणि मालदीव यांच्यात झालेल्या 6 सामंजस्य करारांचा एक भाग आहे.
● या भागीदारीचे उद्दिष्ट शाश्वत टूना आणि खोल समुद्रातील मत्स्यपालनाला प्रोत्साहन देणे, मत्स्यव्यवसाय आणि शाश्वत संसाधन व्यवस्थापन मजबूतकरणे, मत्स्यपालन-आधारित इको-टुरिझमला प्रोत्साहन देणे आणि दोन्ही देशांमध्ये नवोपक्रम आणि वैज्ञानिक संशोधनाला समर्थन देणे आहे.
● सामंजस्य करारात नमूद केलेल्या सहकार्याच्या प्रमुख क्षेत्रांमध्ये मूल्य साखळी विकास, मॅरीकल्चर प्रगती, व्यापार सुविधा आणि मत्स्यपालन क्षेत्रातील क्षमता निर्माण यांचा समावेश आहे.
● या उपक्रमाचा भाग म्हणून, मालदीव शीतगृह पायाभूत सुविधांमध्ये गुंतवणूक करून आणि हॅचरी विकास, सुधारित उत्पादन कार्यक्षमता आणि संवर्धित प्रजातींच्या विविधीकरणाद्वारे मत्स्यपालन क्षेत्राला बळकटी देऊन मासे प्रक्रिया क्षमता वाढवेल.
● या सामंजस्य करारामुळे प्रशिक्षण आणि ज्ञान देवाणघेवाण कार्यक्रम देखील सुलभ होतील, ज्यामध्ये जलचर प्राण्यांचे आरोग्य, जैवसुरक्षा तपासणी, मत्स्यपालन शेती व्यवस्थापन आणि रेफ्रिजरेशन, मेकॅनिकल अभियांत्रिकी आणि सागरी अभियांत्रिकी यासारख्या विशेष तांत्रिक क्षेत्रांमध्ये क्षमता निर्माण करण्यावर लक्ष केंद्रित केले जाईल जेणेकरून या क्षेत्रातील दीर्घकालीन कौशल्य विकासाला पाठिंबा मिळेल. हे सहकार्य मत्स्यव्यवसाय उद्योगासाठी अधिक लवचिक, नाविन्यपूर्ण आणि शाश्वत भविष्य निर्माण करण्यासाठी भारत आणि मालदीव यांच्या सामायिक दृष्टिकोनाचे प्रतिबिंबित करते.

The post भारत आणि मालदीव यांच्यात सामंजस्य करार MoU between India and Maldives appeared first on The Officer.

मालदीवच्या स्वातंत्र्यदिनाच्या 60 व्या वर्धापनदिनाला उपस्थित राहणारे मोदी पहिले भारतीय पंतप्रधान Modi becomes first Indian PM to attend Maldives’ 60th Independence Day celebrations

Gaurav — Mon, 28 Jul 2025 11:53:41 +0000

● पंतप्रधान नरेंद्र मोदी मालदीवच्या माले इथल्या आपल्या भेटीदरम्यान, मालदीवच्या स्वातंत्र्याच्या 60 व्या वर्धापनदिनाच्या सोहळ्यात प्रमुख पाहुणे म्हणून सहभागी झाले.
● मालदीवच्या स्वातंत्र्यदिन सोहळ्याला भारतीय पंतप्रधानांनी उपस्थित राहण्याची ही पहिलीच वेळ होती. तसेच, राष्ट्राध्यक्ष मुइझ्झू यांनी आदरातिथ्य केलेले पंतप्रधान मोदी हे पहिले परदेशी नेते ठरले आहेत.
● मालदीवचे राष्ट्राध्यक्ष डॉ. मोहम्मद मुइझ्झू यांच्यासोबत पंतप्रधान नरेंद्र मोदी यांनी रिपब्लिक स्क्वेअर येथे झालेल्या स्वातंत्र्यदिन संचलनाची पाहणी केली. यावेळी, पंतप्रधानांनी मालदीवच्या लोकांना आणि सरकारला शुभेच्छाही दिल्या.
● स्वातंत्र्यदिन सोहळ्याला प्रमुख पाहुणे म्हणून पंतप्रधानांची उपस्थिती, दोन्ही देशांमधील द्विपक्षीय संबंधांमधला एक महत्त्वाचा टप्पा ठरली आहे.
● 2025 या वर्षात भारत आणि मालदीव दरम्यान राजनैतिक संबंध प्रस्थापित झाल्याला 60 वर्षे पूर्ण झाली आहेत.

The post मालदीवच्या स्वातंत्र्यदिनाच्या 60 व्या वर्धापनदिनाला उपस्थित राहणारे मोदी पहिले भारतीय पंतप्रधान Modi becomes first Indian PM to attend Maldives’ 60th Independence Day celebrations appeared first on The Officer.

संसदरत्न पुरस्कार 2025 Sansad Ratna Award 2025

Gaurav — Mon, 28 Jul 2025 11:41:16 +0000

● महाराष्ट्रातील लोकसभेचे खासदार सुप्रिया सुळे, अरविंद सावंत, श्रीरंग बारणे, वर्षा गायकवाड, नरेश मस्के, स्मिता वाघ आणि राज्यसभेच्या खासदार डॉ. मेधा कुलकर्णी यांच्यासह 17 खासदारांना 15 व्या संसदरत्न पुरस्काराने गौरविण्यात आले.
● संसदीय कामकाजमंत्री किरेन रिजिजू यांच्या हस्ते हे पुरस्कार प्रदान करण्यात आले.
● माजी राष्ट्रपती स्व. ए. पी.जे. अब्दुल कलाम यांच्या प्रेरणेतून 2010 मध्ये ‘प्राइम पाँइट फाउंडेशन’ आणि ‘ई-मॅगझीन प्रीसेन्स’ यांनी सरू केलेल्या या पुरस्काराचे हे 15 वे वर्ष होते.
● प्रश्न विचारणे, विधेयकांवरील तसेच विविध मुद्द्यांवरील चर्चेतील सहभागाच्या आधारे हे पुरस्कार देण्यात येतात.
● पुरस्कार विजेत्यांची निवड माजी केंद्रीय मंत्री तसेच राष्ट्रीय मागासवर्ग आयोगाचे अध्यक्ष हंसराज अहीर यांच्या अध्यक्षतेखालील निवड समितीने केली.
● महाराष्ट्राच्या खासदारांव्यतिरिक्त भर्तृहरी महताब, निशिकांत दुबे, विद्युत बरन महतो, पी.पी. चौधरी, दिलीप सैकिया, रवी किशन, मदन राठोड, प्रवीण पटेल (सर्व भाजप), सी.एन. अण्णादुराई (द्रमुक) आणि एन.के.प्रेमचंद्रन (आरएसपी)या खासदारांचाही पुरस्काराने गौरव करण्यात आला.
● याशिवाय संसदेच्या वित्त आणि कृषी विभागांशी संबंधित स्थायी समित्यांचाही पुरस्कार प्रदान करून गौरव करण्यात आला.
● या समित्यांचे अध्यक्ष अनुक्रमे भर्तृहरी महताब आणि चरणजितसिंग चन्नी हे होते.
● सुप्रिया सुळे, श्रीरंग बारणे, भर्तृहरी महताब आणि एन. के. प्रेमचंद्रन यांचा सोळाव्या, सतराव्या आणि अठराव्या लोकसभेत संसदीय लोकशाहीतील सातत्यपूर्ण योगदानासाठी विशेष गौरव करण्यात आला आहे.

राज्यातील विजेते

● सुप्रिया सुळे (राष्ट्रवादी काँग्रेस पक्ष-शरदचंद्र पवार), अरविंद सावंत (शिवसेना-उबाठा), डॉ. मेधा कुलकर्णी (भाजप), नरेश म्हस्के (शिवसेना), वर्षा गायकवाड (काँग्रेस), श्रीरंग अप्पा बारणे (शिवसेना) आणि स्मिता उदय वाघ (भाजप)

The post संसदरत्न पुरस्कार 2025 Sansad Ratna Award 2025 appeared first on The Officer.

ड्रोनद्वारे क्षेपणास्त्राची यशस्वी चाचणी Successful test of missile by drone

Gaurav — Sat, 26 Jul 2025 11:53:56 +0000

● ड्रोनद्वारे अचूक सोडल्या जाणाऱ्या क्षेपणास्त्राची यशस्वी चाचणी भारताने केली.
● आंध्र प्रदेशमधील कर्नुल जिल्ह्यातील ‘नॅशनल ओपन एरिया रेंज’ चाचणी केंद्रात संरक्षण संशोधन व विकास संस्थेने यशस्वी चाचणी केली.
● ‘यूएलपीजीएम- व्ही3’ प्रणालीचा विकास आणि यशस्वी चाचण्यांसाठी डीआरडीओ विकास व उत्पादन भागीदार सूक्ष्म, लघु आणि मध्यम उद्योग आणि स्टार्टअपचे अभिनंदन संरक्षण मंत्र्यांनी केले.
● भारतीय उद्योग आता महत्त्वपूर्ण संरक्षण तंत्रज्ञान आत्मसात करण्यास आणि उत्पादन निर्मितीस तयार आहे.
● आंध्र प्रदेशमधील कर्नल जिल्ह्यातील ‘नॅशनल ओपन एरिया रेंज’ (एनओएआर) चाचणी केंद्रात ड्रोनद्वारे क्षेपणास्त्राची यशस्वी चाचणी 25 जुलै रोजी घेण्यात आली.

प्रमुख वैशिष्ट्ये

●’यूएलपीजीएम व्ही 3′ ही ‘व्ही 2’ आणि ‘व्ही 1ची प्रगत आवृत्ती
● हवेतून जमिनीवर अचूक मारा करणारे हे क्षेपणास्त्र खास करून ड्रोनसाठी तयार केले
● ‘इमेजिंग इन्फ्रारेड स्पीकर’सह ‘पॅसिव्ह होमिंग’ सारख्या तंत्रज्ञानाचा वापर. ‘पॅसिव्ह होमिंग’ मुळे दिवस-रात्र अशा दोन्ही वेळा अचूक मारा शक्य
● हे क्षेपणास्त्र दिवसा कमाल चार किलोमीटर आणि रात्री अडीच किलोमीटर दूरपर्यंत मारा करू शकते
● अदानी आणि भारत डायनेमिक्स लिमिटेड हे या योजनेतील प्रमुख उत्पादक भागीदार

The post ड्रोनद्वारे क्षेपणास्त्राची यशस्वी चाचणी Successful test of missile by drone appeared first on The Officer.