March 2025 Archives | The Officer

देवेंद्र प्रधान यांचे निधन Devendra Pradhan passes away

admin@theofficer — Wed, 19 Mar 2025 08:04:44 +0000

● माजी केंद्रीय मंत्री आणि शिक्षणमंत्री धर्मेंद्र प्रधान यांचे वडील देवेंद्र प्रधान यांचे वृद्धापकाळाने वयाच्या 84 व्या वर्षी निधन झाले.
● देवेंद्र प्रधान हे माजी पंतप्रधान अटलबिहारी वाजपेयी यांच्या सरकारमध्ये मंत्री होते. त्यांच्यावर ओडिशा भाजपच्या प्रदेशाध्यपक्षपदाची तीन वेळा जबाबदारी सोपवण्यात आली होती.
● देवेंद्र प्रधान 1999 ते 2001 दरम्यान केंद्रीय वाहतूक व कृषिमंत्री होते.

The post देवेंद्र प्रधान यांचे निधन Devendra Pradhan passes away appeared first on The Officer.

युक्रेनचे हनातोव्ह नवे सशस्त्र दल प्रमुख Ukraine’s new armed forces chief Hnatov

admin@theofficer — Wed, 19 Mar 2025 07:56:14 +0000

● युक्रेनचे अध्यक्ष व्होलोदीमिर झेलेन्स्की यांनी आंद्री हनातोव्ह यांची युक्रेनच्या सशस्त्र दलांच्या प्रमुखपदी नियुक्ती केली.
● रशियातील कुस्र्क प्रदेशात युक्रेनी सैन्य युद्ध करीत दोनस्तकमध्ये सैनिकांवर दबाव वाढत असल्याने युक्रेन त्यांच्या सैन्याची फेररचना आणि बळकटीकरण करण्याचा विचार करत आहे.
● त्या पार्श्वभूमीवर हनातोव्ह यांची ‘चीफ ऑफ द जनरल स्टाफ’ पदी नियुक्ती करण्यात आली आहे.
● त्यांना सैन्यदलाचा 27 वर्षांचा अनुभव आहे .
● ते अनातोली बार्हिलेविच यांची जागा घेतील.

The post युक्रेनचे हनातोव्ह नवे सशस्त्र दल प्रमुख Ukraine’s new armed forces chief Hnatov appeared first on The Officer.

भारत-न्यूझीलंड यांच्यात महत्वपूर्ण करार

admin@theofficer — Wed, 19 Mar 2025 07:50:55 +0000

● भारत आणि न्यूझीलंडदरम्यान संरक्षण सहकार्य अधिक मजबूत करण्यासंबंधी, तसेच हिंद-प्रशांत महासागरी प्रदेशामध्ये सहकार्याला चालना देण्यासंबंधी करार करण्यात आला.
● भारताच्या दौऱ्यावर असलेले न्यूझीलंडचे पंतप्रधान ख्रिस्तोफर लक्सन आणि पंतप्रधान नरेंद्र मोदी यांच्या उपस्थितीत यासंबंधी करारावर स्वाक्षऱ्या करण्यात आल्या.
● मोदी आणि लक्सन यांच्या चर्चेनंतर दोन्ही देशांदरम्यान सहा करारांवर स्वाक्षऱ्या करण्यात आल्या.
● त्यामध्ये संरक्षणासह शिक्षण, क्रीडा, कृषी आणि हवामान बदल यासारख्या महत्त्वाच्या क्षेत्रांचा समावेश आहे. तसेच संरक्षण उद्योग क्षेत्रामध्ये सहकार्य करण्यासाठी आराखडा तयार करण्याचाही निर्णय घेण्यात आला.
● दोन्ही देशांदरम्यान आर्थिक सहकार्य वाढवण्याला चालना देणे हा त्यांच्या भेटीचा मुख्य उद्देश आहे.
● भारत व न्यूझीलंडदरम्यान मुक्त व्यापार करार करण्यासाठी वाटाघाटी सुरू करण्यात आल्या.

The post भारत-न्यूझीलंड यांच्यात महत्वपूर्ण करार appeared first on The Officer.

चांद्रयान-5 मोहिमेला केंद्राची मंजुरी Chandrayaan-5 mission approved by Centre.

admin@theofficer — Wed, 19 Mar 2025 07:49:23 +0000

● केंद्र सरकारने चांद्रयान-5 मोहिमेला मंजुरी दिल्याची माहिती आज इस्रोचे प्रमुख व्ही. नारायणन यांनी दिली.
● या मोहिमेच्या मदतीतून इस्रो चंद्राचा अभ्यास करणार आहे.
● चांद्रयान-3 अभियानात 25 किलोचा रोव्हर प्रज्ञानला चंद्रावर पाठविण्यात आलेला असताना चांद्रयान-5 मोहिमेत अडीचशे किलो वजनाचा रोव्हर चंद्राच्या पृष्टभागावर उतरेल.
● चांद्रयान-1 ने 2008 मध्ये चंद्राच्या पृष्ठभागावर रासायनिक पदार्थ, खनिजांचा शोध घेतला होता आणि त्याने चंद्रावर भू-मोजणी केली होती.
● चांद्रयान- 2 मोहिमेने ठरविलेल्या ध्येयाचे काम पूर्ण केले.
● चांद्रयान-3 मोहिमेद्वारे चंद्राच्या पृष्ठभागावर उतरणे व रोव्हरकडून चंद्राच्या पृष्ठभागावरची माहिती गोळा केली जात आहे.
● ‘चांद्रयान-1’ :- 22 ऑक्टोबर 2008
● ‘चांद्रयान-2’ :- 22 जुलै 2019
● ‘चांद्रयान-3’ :- 14 जुलै 2023
● ‘चांद्रयान-4’ :- 2027 मध्ये प्रस्तावित
● भारताच्या ‘चांद्रयान’ मोहिमांमध्ये चंद्राच्या पृष्ठभागाचा अभ्यास केला जातो.
● ‘चांद्रयान-4’ मोहिमेचे उद्दिष्ट चंद्रावरून विविध नमुने गोळा करण्याचे असून, ती सन 2027 मध्ये अपेक्षित आहे.

The post चांद्रयान-5 मोहिमेला केंद्राची मंजुरी Chandrayaan-5 mission approved by Centre. appeared first on The Officer.

रायसीना परिषदेचे उद्घाटन

admin@theofficer — Tue, 18 Mar 2025 07:17:13 +0000

● भूराजकीय आणि भूआर्थिक घडामोडींविषयी भारताने आयोजित केलेल्या रायसीना परिषदेचे उद्घाटन 17 मार्च पंतप्रधान नरेंद्र मोदी यांच्या हस्ते होणार आहे.
● न्यूझीलंडचे पंतप्रधान ख्रिस्तोफर लक्झन यांच्यासह 125 देशांचे सुमारे 3500प्रतिनिधी या परिषदेत सहभागी होणार आहेत.
● परदेशी प्रतिनिधींमध्ये अमेरिकेच्या राष्ट्रीय गुप्तवार्ता संचालक तुलसी गॅब्बार्ड, युक्रेनचे परराष्ट्रमंत्री आंद्री सिबिहा यांचा समावेश आहे.
● 2025 ची होणारी परिषद या मालिकेतील दहावी आहे.
● यावेळी प्रथमच या परिषदेमध्ये तैवानच्या संरक्षण दलातील एक उच्चपदस्थ सहभागी होणार आहेत.
● न्यूझीलंडचे पंतप्रधान या परिषदेचे बीजभाषण करतील.
● ऑब्झर्व्हर रिसर्च फाउंडेशनने या संवादाचे आयोजन केले आहे.

The post रायसीना परिषदेचे उद्घाटन appeared first on The Officer.

कवी रमाकांथ रथ यांचे निधन

admin@theofficer — Tue, 18 Mar 2025 07:12:41 +0000

● प्रसिद्ध उडिया कवी आणि माजी सनदी अधिकारी रमाकांत रथ यांचे खारवेलनगर भागातील निवासस्थानी वयाच्या 90 व्या वर्षी निधन झाले.
● रथ यांना ‘पद्मभूषण’ने सन्मानित करण्यात आले होते
● रथ यांचा जन्म 13 डिसेंबर 1934 रोजी कटक येथे झाला.
● तत्कालीन रेव्हनशॉ कॉलेजमधून त्यांनी इंग्रजी साहित्यात एम. ए. केले. त्यानंतर ते 1957 मध्ये भारतीय प्रशासन सेवेत (आयएएस) रुजू झाले.
● राज्य आणि केंद्र सरकारमध्ये अनेक महत्त्वाची पदे भूषविल्यानंतर रथ, 1992 मध्ये ओडिशाचे मुख्य सचिव म्हणून निवृत्त झाले.
● केते दिनारा (१९६२), अनेका कोठारी संदिग्धा मृगया (१९६७), (१९७१), सप्तम ऋतू (१९७७), सचित्र अंधार (१९८२), श्री राधा (१९८५) आणि श्रेष्ठ कविता (१९९२) हे रथ यांचे प्रमुख काव्यसंग्रह आहेत.
● त्यांच्या काही कविता इंग्रजी व इतर भाषांमध्ये अनुवादित झाल्या आहेत.
● रथ यांना 1977 मध्ये साहित्य अकादमी पुरस्कार, 1984 मध्ये सरला पुरस्कार,
● 1990 मध्ये विश्वा सन्मान आणि 2009मध्ये साहित्य अकादमी फेलोशिपने सन्मानित करण्यात आले.
● साहित्यातील उल्लेखनीय योगदानाबद्दल त्यांचा 2006 मध्ये ‘पद्मभूषण’ ने सन्मानित ‘करण्यात आले.
● त्यांनी 1993 ते 1998 या काळात साहित्य अकादमीचे उपाध्यक्ष आणि 1998 ते 2003 या काळात अकादमीचे अध्यक्ष म्हणून काम केले.

The post कवी रमाकांथ रथ यांचे निधन appeared first on The Officer.

हरमनप्रीत, सविता वर्षातील सर्वोत्तम खेळाडू म्हणून निवड

admin@theofficer — Mon, 17 Mar 2025 08:57:55 +0000

● भारतीय पुरुष हॉकी संघाचा कर्णधार हरमनप्रीत सिंग आणि महिला संघाची गोलरक्षक सविता पुनिया यांची या वर्षीच्या सर्वोत्कृष्ट खेळाडूच्या बलबीर सिंग पुरस्कारासाठी निवड करण्यात आली.
● भारतीय हॉकीच्या जागतिक विजेतेपदाच्या सुवर्ण महोत्सवाचे आणि भारतीय हॉकीच्या शतक महोत्सवाचे औचित्य साधून झालेल्या पुरस्कार वितरण सोहळ्यात प्रथमच खेळाडूंना एकूण 12 कोटी रुपयांची रोख पारितोषिके देण्यात आली.
● या पुरस्कार सोहळ्यात 1975च्या जागतिक विजेत्या पुरुष संघाला हॉकी इंडियाच्या वतीने मेजर ध्यानचंद जीवनगौरव पुरस्काराने गौरविण्यात आले.
सविता तिसऱ्यांदा सर्वोत्कृष्ट
● भारताची गोलरक्षक या विशेष सुवर्णमहोत्सवी पुरस्कार सोहळ्यात दुहेरी पारितोषिकाची मानकरी ठरली.
● ऑलिम्पिक संघाचा भाग असलेल्या सविताची या वर्षी सर्वोत्कृष्ट खेळाडूबरोबर सर्वोत्कृष्ट गोलरक्षक म्हणूनही निवड करण्यात आली.
● विशेष म्हणजे सविता तिसऱ्यांदा या पुरस्काराची मानकरी ठरली.

The post हरमनप्रीत, सविता वर्षातील सर्वोत्तम खेळाडू म्हणून निवड appeared first on The Officer.

मुंबई इंडियन्स विजेते Mumbai Indians winners

admin@theofficer — Mon, 17 Mar 2025 08:53:35 +0000

● महिलांची फ्रँचायझी टी20 स्पर्धा WPLच्या अंतिम सामन्यात मुंबई इंडियन्सने दिल्ली कॅपिटल्सला 8 धावांनी पराभूत केले आणि दुसरे विजेतेपद जिंकले.
● प्रथम फलंदाजी करताना कर्णधार हरमनप्रीत कौरच्या 66 धावांच्या जोरावर मुंबई इंडियन्सने 7 बाद 149 धावा केल्या.
● या आव्हानाचा पाठलाग करताना मारिझेन कापच्या 40 धावांच्या बळावर दिल्लीला 20 षटकात 141 धावाच करता आल्या.
● शेवटच्या षटकापर्यंत रंगलेल्या सामन्यात मुंबईने विजय मिळवत WPL ट्रॉफी उंचावली.
● हरमनप्रीत सामनावीर ठरली तर मुंबई संघाची नॅट स्कायव्हर-ब्रंट मालिकावीर ठरली.
● विजेते – मुंबई इंडियन्स – ६ कोटी रूपये
● उपविजेते – दिल्ली कॅपिटल्स – ३ कोटी रूपये
● मौल्यवान खेळाडू – नॅट स्कायव्हर-ब्रंट
● ऑरेंज कॅप – नॅट स्कायव्हर-ब्रंट
● पर्पल कॅप – अमेलिया केर
● उदयोन्मुख खेळाडू – अमनजोत कौर
● मुंबई इंडियन्स दोन वेळा विजेते: 2023, 2025
● रॉयल चॅलेंजर्स बंगळुरू एक वेळा विजते : 2024
● Wpl ची सुरवात : 2023

The post मुंबई इंडियन्स विजेते Mumbai Indians winners appeared first on The Officer.

एकनाथ शिंदे यांना संत तुकाराम महाराज पुरस्कार जाहीर Sant Tukaram Maharaj Award announced for Eknath Shinde

admin@theofficer — Sun, 16 Mar 2025 18:25:23 +0000

एकनाथ शिंदे यांना संत तुकाराम महाराज पुरस्कार जाहीर

जगगुरू श्री संत तुकाराम महाराजांच्या 375 व्या बीज सोहळ्यानिमित्त उपमुख्यमंत्री एकनाथ शिंदे यांना ‘श्री संत तुकाराम महाराज पुरस्कार’ प्रदान करण्यात येणार असल्याची घोषणा देहू संस्थानचे अध्यक्ष हभप पुरुषोत्तम महाराज मोरे यांनी केली.
बीज सोहळा ( 16 मार्च) देहू नगरीत साजरा होणार आहे.
या पवित्र सोहळ्यात वारकऱ्यांच्या उपस्थितीत शिंदे यांना हा पुरस्कार प्रदान करण्यात येणार आहे.
या पुरस्कारांतर्गत एकनाथ शिंदे यांना वैभवी पगडी, शाल, उपरणे, वीणा, चिपळ्या, पुष्पहार, संत तुकाराम महाराज मूर्ती, संत गाथा आणि सन्मानपत्र प्रदान करण्यात येणार आहे.
शिंदे यांनी पंढरपूर वारीदरम्यान वारकऱ्यांच्या सेवा-सुविधांसाठी घेतलेल्या विशेष प्रयत्नांची आणि ‘निर्मल वारी, हरित वारी’ संकल्पनेत दिलेल्या योगदानाची दखल घेऊन त्यांना हा पुरस्कार प्रदान करण्यात येत आहे.
हा सन्मान 25 वर्षांपूर्वी माजी मुख्यमंत्री शरद पवार यांना देण्यात आला होता.

The post एकनाथ शिंदे यांना संत तुकाराम महाराज पुरस्कार जाहीर Sant Tukaram Maharaj Award announced for Eknath Shinde appeared first on The Officer.

स्पा-डेक्स उपग्रहांचे यशस्वी’डी-डॉकिंग’

admin@theofficer — Sun, 16 Mar 2025 18:22:05 +0000

स्पा-डेक्स उपग्रहांचे यशस्वी’डी-डॉकिंग’

भारतीय अवकाश संशोधन संस्थेने (इस्त्रो) पुन्हा एकदा यशाला गवसणी घातली आहे.
“स्पेडेक्स’ उपग्रह वेगळे करण्याचा (अनडॉकिंग किंवा डिडॉकिंग) प्रयोग यशस्वी झाला असल्याचे ‘इस्रो’ने जाहीर केले.
यामुळे चंद्राचे संशोधन, मानवी अंतराळ मोहीम आणि स्वतःचे अंतराळ स्थानक बांधणे, अशा भारताच्या भावी काळातील अंतराळ मोहिमांसाठी मार्ग खुला झाला आहे.
अंतराळात दोन उपग्रह एकमेकांना जोडण्याच्या प्रक्रियेला ‘डॉकिंग’ आणि वेगळे करण्याच्या प्रक्रियेला ‘अनडॉकिंग’ म्हणतात.
‘इस्रो’ने 2024 मध्ये 30 डिसेंबरला ‘स्पेडेक्स’चे प्रक्षेपण केले. ‘डॉकिंग’ प्रयोगासाठी’एसडीएक्स 01′ आणि ‘एसडीएक्स 02’ हे दोन उपग्रह पृथ्वीच्या कक्षेत स्थापन केले होते.
‘इस्रो’ने 16 जानेवारी दोन उपग्रह ‘डॉक’ करण्यात यश मिळविले होते. त्यानंतर 13 मार्च रोजी सकाळी 9 वाजून 20 मिनिटांनी ‘स्पेडेक्स’ उपग्रहांचे ‘अनडॉकिंग’ करण्याची महत्त्वाचा प्रयोग पहिल्याच प्रयत्नात पूर्ण केला.
उपग्रहांचे ‘अनडॉकिंग’ 460 किलोमीटरच्या वर्तुळाकार कक्षेत आणि 45 अंशांच्या कोनात झाले.
दोन्ही उपग्रह आता स्वतंत्रपणे कक्षेत फिरत आहेत आणि त्यांचे कार्य सुरळीत सुरू आहे
वर्तुळाकार कक्षेत ‘डॉकिंग’ आणि ‘अनडॉकिंग’ करण्यासाठी आवश्यक असलेल्या सर्व क्षमता ‘इस्रो’ने यशस्वीरीत्या प्रदर्शित केल्या आहेत.
‘डॉक’ केलेल्या उपग्रहांच्या कक्षेत कामगिरीचे सखोल विश्लेषण करण्यात आले आणि 10 ते 25 मार्च दरम्यान ‘अनडॉकिंग’ची संधी असल्याचे लक्षात आले.
या सर्व प्रक्रियेवर ‘इस्रो’च्या बंगळूर, लखनौ आणि मॉरिशस येथील केंद्रांची देखरेख होती.

The post स्पा-डेक्स उपग्रहांचे यशस्वी’डी-डॉकिंग’ appeared first on The Officer.