• अमेरिकेचे अध्यक्ष डोनाल्ड ट्रम्प यांनी गुंतवणूकदारांनसाठी ‘गोल्ड कार्ड’ची योजना जाहीर केली आहे.
• गुंतवणूकदारांसाठी 35 वर्षांपूर्वीच्या व्हिसाच्या जागी नवी योजना असेल.
• यामध्ये 50 लाख डॉलरची गुंतवणूक करणाऱ्यांना व्हिसा दिला जाणार असून, या व्यक्तींना अमेरिकी नागरिकत्वाचा मार्ग खुला होणार आहे.
• ट्रम्प यांची गोल्ड कार्ड योजना पूर्वीच्या ईबी-5 व्हिसाच्या जागी दोन आठवड्यात सुरू केली जाईल .
• ईबी-5 योजना अमेरिकी काँग्रेसने सन 1990 मध्ये सुरू केली होती.
• परकीय गुंतवणुकीला चालना देण्यासाठी ही योजना होती.
• त्यानुसार दहा लाख डॉलरची गुंतवणूक व कंपनीत किमान दहा जणांना रोजगार देणाऱ्यांना यात व्हिसा दिला जात असे.
• ‘ईबी-5 व्हिसा योजनेत फसवणुकीचे प्रकार घडत होते आणि यात काही निर्रथक बाबी होत्या. आता अमेरिकी नागरिकत्वासाठी अधिक गुंतवणूक करावी लागणार आहे.’
• गुंतवणूकदार व्हिसा जगभरात विविध देशांत दिले जातात. ब्रिटन, स्पेन, ग्रीस, माल्टा, ऑस्ट्रेलिया, कॅनडा, इटलीसह शंभरपेक्षा अधिक देशांत श्रीमंत व्यक्तींना ‘गोल्डन व्हिसा’ दिला जातो.
• ‘गोल्ड कार्ड’ साठी गुंतवणूकदाराला किती नोकऱ्यांची निर्मिती करावी लागेल, याचा उल्लेख ट्रम्प यांनी केलेला नाही. अमेरिकेतील केंद्रीय सरकार एक कोटी ‘गोल्ड कार्ड’ विकू शकते, असे ट्रम्प यांनी म्हटले आहे.

The post गुंतवणूकदारांसाठी ‘गोल्ड कार्ड’ योजना’ Gold Card’ scheme for investors appeared first on The Officer.