• दिल्ली येथील तालकटोरा स्टेडियम येथे 21 ते 23 फेब्रुवारी या दरम्यान 98 वे अखिल भारतीय मराठी साहित्य संमेलन होणार आहे.
• या संमेलनाच्या परिसराला छत्रपती शिवाजी महाराज साहित्य नगर असे नाव देण्याचा निर्णय घेण्यात आला असून, संमेलनाला येणाऱ्या साहित्यप्रेमींनी 15 जानेवारीपूर्वी नावनोंदणी करण्याचे आवाहन करण्यात आले आहे.
• दिल्लीत 1954मध्ये मराठी साहित्य संमेलन झाले होते. त्यानंतर 71 वर्षांनी दिल्लीत साहित्य संमेलन होणार आहे.
• याआधीच  संमेलनाच्या अध्यक्षपदी तारा भवाळकर यांच्या नावाची घोषणा करण्यात आली असून स्वागताध्यक्ष म्हणून शरद पवार असणार आहेत.

‘डीआरडीओ‘ला‘ ‘ग्रीन प्रॉपल्शन‘ तंत्रज्ञान हस्तांतरित

• मुंबईस्थित ‘मनस्तू स्पेस टेक्नॉलॉजीज’ या नवउद्यमीने  संरक्षण, संशोधन व विकास संस्थेला (डीआरडीओ) अवकाशात उपग्रह इच्छित कक्षेमध्ये ठेवण्यासाठी आवश्यक असलेले ‘ग्रीन प्रॉपल्शन’ तंत्रज्ञान हस्तांतरित केले.
• ‘मनस्तू’चे संस्थापक तुषार जाधव आणि अष्तेश कुमार यांनी ‘आयबूस्टर ग्रीन प्रॉपल्शन सिस्टीम’ ‘डीआरडीओ’चे अध्यक्ष सतीश कामत यांच्याकडे हस्तांतरित केली.
• ही यंत्रणा प्रामुख्याने 100 ते 500किलो उपग्रहासाठी विकसित करण्यात आली आहे.
• अवकाशात उपग्रह योग्य कक्षेमध्ये ठेवण्यासाठी या यंत्रणेचा उपयोग होतो.
• या तंत्रज्ञानाची अवकाशात येत्या मोहिमेत चाचणी घेण्यात येणार आहे.
• ‘डीआरडीओ’च्या अवकाश मोहिमांसाठी अतिशय परिणामकारक आणि विश्वासार्ह असे हे तंत्रज्ञान असल्याचे प्रसिद्ध केलेल्या निवेदनात म्हटले आहे. या तंत्रज्ञानासाठी चार वर्षे संशोधन करण्यात आले.

The post दिल्लीत होणाऱ्या साहित्य संमेलन परिसराला छत्रपती शिवाजी महाराजांचे नाव appeared first on The Officer.