• प्रसिद्ध हिंदुस्तानी शास्त्रीय संगीत गायक पंडित प्रभाकर जनार्दन कारेकर यांचे वयाच्या 80 व्या वर्षी निधन झाले.
• उत्कृष्ट शास्त्रीय गायक, फ्युजन संगीतात वैशिष्ट्यपूर्ण काम, उत्कृष्ट शिक्षक अशी बहुआयामी प्रतिभा लाभलेले पंडित कारेकर गेली दोन वर्षे यकृताच्या आजाराने ग्रस्त होते.
• 1944मध्ये गोव्यात म्हापसा येथील दैवज्ञ कुटुंबात पं. कारेकर यांचा जन्म झाला.
• संगीताचा पिढीजात वारसा नसला तरी वडील जनार्दन कारेकर यांना संगीताची आवड होती.
• एकदा शाळेच्या स्नेहसंमेलनासाठी त्यांनी पं. हळदणकर यांनी गायलेली दोन नाट्यपदे मोठ्या तयारीने गायली.
• पु. ल. देशपांडे यांनी बसवलेल्या ‘शाकुंतल ते सौभद्र’ या कार्यक्रमात सहभागी होण्याची संधी त्यांना मिळाली. स्वतः पुलंनी त्यांच्याकडून ‘प्रिये पाहा’ आणि ‘नच सुंदरी करू कोपा’ ही दोन नाट्यपदे बसवून घेतली.
• ‘चंद्रिका ही जणू’, ‘राधाधरमधुमिलिंद जयजय’, ‘नभमेघांनि आक्रमिले’, ‘भालीं चंद्र असे धरिला’, ‘बहुत दिन नच भेटलो…’ अशा नाट्यपदांमधून आपल्या स्वरांची अनोखी झलक रसिकांच्या मनात कोरून ठेवले.

‘फ्युजन‘चा संगीतप्रवास

• ऑर्नेट कोलेमन (अमेरिका) आणि सुलतान खान यांच्याबरोबर पं.कारेकर यांनी फ्युजन अल्बम केला तसेच त्यांच्यासह अन्य आंतरराष्ट्रीय वादक कलाकारांबरोबर देशोदेशी संगीताचे कार्यक्रम केले.
• आपल्या तिन्ही गुरुं प्रति आदर म्हणून त्यांनी 2002 पासून दरवर्षी ‘स्वरांजली’ हा संगीत महोत्सव भरवण्यास सुरूवात केली.

विविध पुरस्कार

• संगीत क्षेत्रातील योगदान आणि सेवेबद्दल त्यांना तानसेन सन्मान (2014), संगीत नाटक अकादमी (2016), लता मंगेशकर पुरस्कार, गोमान्त विभूषण पुरस्कार (2021) आदी पुरस्कारांनी नावाजण्यात आले .
• शास्त्रीय संगीत हाच ध्यास आणि श्वास घेऊन जगलेल्या अग्रणी कलाकारांमध्ये पंडित कारेकर यांचे नाव आवर्जून घेतले जाते.

The post प्रसिद्ध शास्त्रीय गायक पं. प्रभाकर कारेकर यांचे निधन appeared first on The Officer.