गोविंदराजन पद्मनाभन

• गोविंदराजन पद्मनाबन (जन्म 20 मार्च 1938, मद्रास येथे )  भारतीय जैवरसायनशास्त्रज्ञ आणि जैवतंत्रज्ञ आहेत.
• ते इंडियन इन्स्टिट्यूट ऑफ सायन्स (IISc) चे माजी संचालक होते आणि सध्या IISc मधील बायोकेमिस्ट्री विभागात मानद प्राध्यापक आणि सेंट्रल युनिव्हर्सिटी ऑफ तामिळनाडूचे कुलपती म्हणून काम करतात .

पद्मनाभन यांना मिळालेले सन्मान:

• विज्ञान आणि तंत्रज्ञानासाठी शांती स्वरूप भटनागर पुरस्कार (1983)
• पद्मश्री (1991)
• पद्मभूषण (2003)
• नॅशनल अकादमी ऑफ मेडिकल सायन्सेसची निवडलेली फेलोशिप

‘मुख्यमंत्री योजनादूत‘ची घोषणा

• ‘मुख्यमंत्री लाडकी बहिण’ या बहुचर्चित योजनेनंतर राज्य सरकारने ‘मुख्यमंत्री योजनादूत’ ची घोषणा केली.
• सरकारच्या योजनांचा प्रचार व प्रसार करणाऱ्या राज्यातील 50 हजार तरुणांना दर महिन्याला 10 हजार रुपये याप्रमाणे सहा महिन्यांसाठी 60 हजार रुपये मानधन दिले जाणार आहे.
• यासाठी कौशल्य विकास विभागातर्फे जवळपास 300 कोटी रुपये सहा महिन्यांसाठी खर्च केले जाणार आहेत.
• महाराष्ट्र सरकारच्या माहिती व जनसंपर्क महासंचालनालय आणि मुख्यमंत्री जन-कल्याण कक्ष यांच्यामार्फत संयुक्तपणे ‘मुख्यमंत्री योजनादूत’ कार्यक्रम राबविला जाणार आहे.
• राज्यात कार्यरत प्रशासकीय यंत्रणेला मदत करण्यासाठी ‘मुख्यमंत्री योजनादूत’ नेमले जाणार आहेत.
• ग्रामीण भागात प्रत्येक ग्रामपंचायतीसाठी एक व शहरी भागात पाच हजार लोकसंख्येसाठी एक योजनादूत या प्रमाणात एकूण 50 हजार योजनादूतांची निवड करण्यात येणार आहे.
• या योजनेत सहभागी होणाऱ्या तरुणांनी भविष्यात कोणत्याही प्रकारे सरकारी नोकरीवर हक्क सांगू, नये यासाठी त्यांच्याकडून हमीपत्र लिहून घेण्याची खबरदारी सरकारने घेतली आहे.

सहा महिन्यांचा करार:

• ‘मुख्यमंत्री योजनादूता’ला प्रत्येकी 10 हजार प्रती महिना एवढे ठोक मानधन देण्यात येणार असून त्यामध्ये प्रवास आणि इतर भत्ते अंतर्भूत आहेत.
• निवड झालेल्या ‘मुख्यमंत्री योजनादूता’ बरोबर सहा महिन्यांचा करार केला जाणार आहे.
• हा करार कोणत्याही परिस्थितीत वाढविण्यात येणार नसल्याचे राज्य सरकारने प्रसिद्ध केलेल्या आदेशात स्पष्ट केले आहे.

उमेदवार निवडीसाठी पात्रतेचे निकष:

• वयोमर्यादा 18 ते 35 वर्षे
• कोणत्याही शाखेचा किमान पदवीधर
• संगणक ज्ञान आवश्यक
• उमेदवाराकडे अद्ययावत मोबाईल असावा
• उमेदवार हा महाराष्ट्राचा अधिवासी असणे आवश्यक

योजनादूताने करावयाची कामे:

• योजनादूत संबंधित जिल्हा माहिती अधिकारी यांच्या संपर्कात राहून जिल्ह्यातील योजनांची माहिती घेणे
• नेमून दिलेल्या ठिकाणी समक्ष जाऊन काम करणे बंधनकारक
• सरकारच्या विविध योजनांची प्रचार आणि प्रसिद्धी करताना ग्रामपातळीवरील यंत्रणांशी समन्वय करून योजनांची घरोघरी माहिती देण्यासाठी प्रयत्न करतील.

नेमणूक प्रक्रिया

• उमेदवारांच्या नोंदणीची व प्राप्त अर्जाच्या छाननीची प्रक्रिया माहिती व जनसंपर्क महासंचालनालयाद्वारे नियुक्त केलेल्या बाह्यसंस्थांमार्फत ऑनलाइन पूर्ण करण्यात येईल
• ऑनलाइन अर्जाची छाननी केल्यानंतर पात्र उमेदवारांची यादी प्रत्येक जिल्हा माहिती अधिकारी यांच्याकडे पाठविण्यात येईल
• जिल्हा माहिती अधिकारी हे जिल्हा सहायक आयुक्त, कौशल्य विकास रोजगार व जिल्हाधिकारी यांनी प्राधिकृत केलेल्या प्रतिनिधींच्या समन्वयाने प्राप्त अर्जाशी संबंधित उमेदवारांच्या कागदपत्रांची तपासणी करतील.
• प्रत्येक उमेदवाराबरोबर सहा महिन्याचा करार केला जाईल
• कराराचा कालावधी कोणत्याही परिस्थितीत वाढविला जाणार नाही.

The post गोविंदराजन पद्मनाभन यांना पहिला ‘विज्ञानरत्न’पुरस्कार जाहीर appeared first on The Officer.