इस्रो चे स्वयंचलित लँडिंग यशस्वी

• भारतीय अवकाश संशोधन संस्थेने(इस्रो) ‘रियुजेबल लाँच व्हेईकल’चे ‘ऑटोनॉमस लँडिंग मिशन’ (आरएलव्ही एलईएक्स) यशस्वीपणे राबविले. 
• कर्नाटक मधील चित्रदुर्ग येथील एरोनॉटिकल टेस्ट रेंज येथे चाचणी घेण्यात आली. या चाचणीद्वारे इस्रोने प्रेक्षपकाचे  स्वयंचलित पद्धतीने लँडिंग करण्यात यश मिळवले आहे.
• तसेच यामुळे पुनर्वापर करता येणाऱ्या प्रक्षेपकाची निर्मिती करण्याचे स्वप्न पूर्ण करण्याच्या दिशेने ‘इस्रो’ ने महत्वपूर्ण पाऊल टाकले आहे.
• या चाचणीसाठी विविध उच्चतंत्रज्ञानाचा वापर केला गेला.
• त्यातील काही तंत्रज्ञान ‘इस्रो’नेच विकसित केले होते.

अशी केली चाचणी : 

• ‘आरएलव्ही’ हे एक अवकाश विमान आहे. हे विमान हवाई दलाच्या चिनुक हेलिकॉप्टरच्या मदतीने जमिनीपासून 4.6 किलोमीटर उंचीवर नेण्यात आले. 
• एका विशिष्ट कोनातून 350 किमी प्रतितास या वेगाने ते धावपट्टीच्या दिशेने सोडणे आवश्यक होते.
• त्यानुसार, योग्य उंची, कोन आणि वेग साध्य होताच ‘आरएलव्ही’ च्या मिशन मॅनेजमेंट कॉम्पुटरने दिलेल्या आदेशानुसार हे अवकाश विमान सोडण्यात आले. 

काय साध्य करण्यात आले :

• प्रक्षेपक पृथ्वीच्या दिशेने परत येताना त्याचा असणारा वेग आणि इतर स्थितीनुसारच सर्व परिस्थिती निर्माण करून ही चाचणी घेण्यात आली.
• प्रेक्षपकाचा वेग, त्याच्या गिअर्सचा सिंक रेट, त्याचा जमिनीशी असलेला कोन आणि इतर प्रमाणे अत्यंत अचूकपणे पाळण्यात येऊन ही चाचणी यशस्वी करण्यात आली.

खालील उच्च तंत्रज्ञानाचा वापर :

• अत्यंत अचूक नेव्हीगेशन सॉफ्टवेअर आणि हार्डवेअर
• सुडोलाईट सिस्टीम (हवेतील स्थान अचूकपणे निश्चित करण्यासाठी)
• का-बँड रडार अलटिमिटर
• नाविक रिसिव्हर
• स्वदेशी बनावटीचे लँडिंग गिअर
• एअरोफॉईल हनिकोंब फिन्स
• ब्रेक पॅराशूट सिस्टिम
• डिजिटल एली व्हेशन मॉडेल

ISRO :- Indian Space Research Org

(भारतीय अवकाश संशोधन संस्था)

• स्थापना :-   15 ऑगस्ट 1969
• संस्थापक :-  विक्रम साराभाई
• मुख्यालय :- बंगळुरू 
• अध्यक्ष :-  एस. सोमनाथ (10 वे)