May 2025 Archives | The Officer

अविनाश साबळेची सुवर्ण कामगिरी Avinash Sable’s golden performance

Gaurav — Sat, 31 May 2025 08:18:05 +0000

● भारताचा तारांकित स्टीपलचेसपटू अविनाश साबळेने आपला वेगळा दर्जा पुन्हा सिद्ध केला.
● बीडच्या अविनाशने आशियाई अजिंक्यपद अॅथलेटिक्स स्पर्धेत 3000 मीटर स्टीपलचेस प्रकारात सुवर्णपदकाची कमाई केली.
● पाठोपाठ ज्योती याराजीने 100 मीटर अडथळा शर्यतीत भारताला आणखी एक सुवर्णपदक मिळवून दिले.
● साबळेने आशियाई अॅथलेटिक्स स्पर्धेत स्टीपलचेस प्रकारातील पुरुष विभागात भारताची 36 वर्षांपासूनची सुवर्णपदकाची प्रतीक्षा संपवली.
● साबळेने 8 मिनिटे 20.92 सेकंदांत शर्यत पूर्ण केली.
● साबळेचे हे आशियाई स्पर्धेतील दुसरे पदक ठरले.
● याआधी 2019 मध्ये त्याने रौप्य पदक मिळवले होते.
● स्टीपलचेस शर्यतीत स्पर्धेच्या इतिहासातील भारताचे हे केवळ तिसरे सुवर्णपदक असून यापूर्वी 1975 च्या स्पर्धेत हरबेल सिंग तर 1989 मध्ये दिल्ली येथे झालेल्या स्पर्धेत दिना रामने सुवर्णपदक जिंकले होते. तेव्हापासून एकाही भारतीय अॅथलिट्ला सुवर्णपदक जिंकता आले नव्हते. अविनाशने हा दुष्काळ संपुष्टात आणला.

The post अविनाश साबळेची सुवर्ण कामगिरी Avinash Sable’s golden performance appeared first on The Officer.

संजॉय मोंगा यांचे निधन Sanjoy Monga passed away

Gaurav — Sat, 31 May 2025 08:01:38 +0000

● वन्यजीव छायाचित्रकार, पर्यावरणवादी आणि लेखक संजॉय मोंगा यांचे वयाच्या 63 व्या वर्षी प्रदीर्घ आजाराने निधन झाले.
● मोंगा अनेक वर्षापासून पर्यावरण संरक्षणासाठी कार्यरत होते. त्यांनी पर्यावरणासंबंधित अनेक लेख आणि पुस्तकेही लिहिली.
● ते महाराष्ट्र निसर्ग उद्यान कार्यकारी समितीचे सदस्य होते तसेच संजय गांधी उद्यानाचे वन्यजीव अधिकारी राष्ट्रीय म्हणूनही त्यांनी जबाबदारी सांभाळली होती. तसेच अनेक वर्ष ते बॉम्बे नॅचरल हिस्ट्री सोसायटीचे सदस्यही होते.
● पर्यावराणासाठी आपले जीवन वाहून घेतलेले संजॉय मोंगाा गेल्या सहा वर्षापासून कर्करोगाशी झुंज देत होते.
● संजॉय मोंगा यांनी हुमायून अब्दुलअली आणि सलीम अली यांसारख्या दिग्गजांसोबत पक्षी निरीक्षणाचा प्रवास सुरू केला. त्यावेळी पक्षीप्रेमींसाठी फक्त दोनच पुस्तके उपलब्ध होती.
● पुढे मोंगा यांनी सर्वाना समजतील अशी पक्षी निरीक्षणावरती विविध पुस्तके लिहिली.

The post संजॉय मोंगा यांचे निधन Sanjoy Monga passed away appeared first on The Officer.

परकीय गुंतवणूकीत महाराष्ट्र अव्वलस्थानी Maharashtra tops in foreign investment

Gaurav — Sat, 31 May 2025 06:31:33 +0000

● परकीय गुंतवणुकीत महाराष्ट्राने आपले अव्वल स्थान कायम ठेवले आहे.
● 2024-25 या आर्थिक वर्षातील थेट परकीय गुंतवणुकीचे आकडे जाहीर झाले असून, महाराष्ट्राने 2024-25 या आर्थिक वर्षात एकूण 1 लाख 64 हजार 875 कोटी रुपयांची परकीय गुंतवणूक आकर्षित केली आहे.
● ‘देशातील 40 टक्के गुंतवणूक एकट्या महाराष्ट्रात आली असून, गतवर्षीच्या तुलनेत यावेळी यामध्ये 32 टक्क्यांची वाढ नोंदविण्यात आली आहे.
● ‘ही गुंतवणूक देशात आलेल्या एकूण 4 लाख 21 हजार 929 कोटी रुपयांच्या तुलनेत 40% आहे.
● परकीय गुंतवणुकीत महाराष्ट्रानंतर कर्नाटकचा क्रमांक लागतो.
● कर्नाटकात 56 हजार 30 कोटी म्हणजेच देशाच्या एकूण गुंतवणुकीच्या 20 टक्के परदेशी गुंतवणूक आली आहे.

राज्यनिहाय गुंतवणूक 2024 -25 (कोटी रुपयांत)

● महाराष्ट्र – 1 लाख 64 हजार 875
● कर्नाटक – 56 हजार 30
● दिल्ली – 51 हजार 540
● गुजरात – 47 हजार 947
● तमिळनाडू – 31 हजार 103
● हरियाणा – 26 हजार 600
● तेलंगण -25 हजार 351

The post परकीय गुंतवणूकीत महाराष्ट्र अव्वलस्थानी Maharashtra tops in foreign investment appeared first on The Officer.

गुलवीर सिंगने पटकावले सुवर्णपदक Gulvir Singh won the gold medal

Gaurav — Thu, 29 May 2025 12:12:59 +0000

● सेनादलात नायब सुभेदार पदावर कार्यरत असलेल्या 26 वर्षीय गुलवीर सिंगने आशियाई अॅथलेटिक्स स्पर्धेत 10 हजार मीटर शर्यतीत सुवर्णपदक जिंकून भारताला पहिले सुवर्णपदक मिळवून दिले.
● 10 हजार मीटर शर्यतीत सुवर्णपदक जिंकणारा गुलवीर केवळ तिसरा भारतीय पुरुष अॅथलिट ठरला.
● याआधी हरी चंद(1975) आणि जी. लक्ष्मणन(2017) यांनी सुवर्णपदक पटकावले होते.
● पहिल्या दिवशी भारतीय अॅथलिट्सने दोन पदकांची कमाई केली.
● 2025 या वर्षीआशियाई अॅथलेटिक्स स्पर्धा दक्षिण कोरियात आयोजित करण्यात आल्या आहेत.

The post गुलवीर सिंगने पटकावले सुवर्णपदक Gulvir Singh won the gold medal appeared first on The Officer.

मासिक पाळी स्वछता दिन Menstruation clean day

Gaurav — Thu, 29 May 2025 11:36:40 +0000

● मासिक पाळी स्वच्छता दिन हा जागतिक स्तरावर मासिक पाळी स्वच्छता व्यवस्थापनाचे महत्त्व अधोरेखित करण्यासाठी 28 मे रोजी दरवर्षी साजरा केला जाणारा जागरूकता दिवस आहे.
● 2013 मध्ये जर्मन-आधारित स्वयंसेवी संस्था WASH युनायटेडने हा दिवस सुरू केला आणि 2014 या वर्षी पहिल्यांदाच साजरा केला गेला.
● विकसनशील देशांमध्ये , मासिक पाळीच्या स्वच्छतेच्या साहित्याच्या महिलांच्या निवडी अनेकदा खर्च, उपलब्धता आणि सामाजिक नियमांमुळे मर्यादित असतात .
● पुरेशा स्वच्छता सुविधा आणि स्त्री स्वच्छता उत्पादनांची उपलब्धता महत्त्वाची आहे परंतु महिला आणि मुलींसाठी पुरेसे शिक्षण मिळावे यासाठी चर्चा सुरू करणे हे समान महत्त्वाचे आहे.
● संशोधनात असे आढळून आले आहे की मासिक पाळीच्या स्वच्छता व्यवस्थापन उत्पादनांची उपलब्धता नसल्यामुळे मुली दर महिन्याला त्यांच्या मासिक पाळीच्या दरम्यान शाळेत जाऊ शकत नाहीत.
● मासिक पाळी स्वच्छता दिन हा सोशल मीडियासह माध्यमांमध्ये माहिती प्रसिद्ध करण्याचा आणि धोरणात्मक संवादात निर्णय घेणाऱ्यांना सहभागी करून घेण्याचा एक प्रसंग आहे.
● जागतिक, राष्ट्रीय आणि स्थानिक धोरणे आणि कार्यक्रमांमध्ये मासिक पाळी स्वच्छता व्यवस्थापनाच्या एकात्मिकतेसाठी वकिली करणे हा या दिवसाचा उद्देश आहे.

मासिक पाळी स्वच्छता दिनाला केले जाणारे उपक्रम

● शाळा, महाविद्यालये आणि समुदायांमध्ये मासिक पाळी स्वच्छतेबद्दल कार्यशाळा आणि चर्चासत्रे आयोजित केली जातात.
● गरजू मुली आणि महिलांना मोफत किंवा कमी किमतीत सॅनिटरी पॅड्स वाटले जातात.
● मासिक पाळीच्या जैविक प्रक्रियेबद्दल वैज्ञानिक माहिती देण्यासाठी सेमिनार आणि वेबिनार आयोजित केले जातात.
● #Menstrual HygieneDay, #PeriodFriendly World यांसारख्या हॅशटॅग्सद्वारे जागरूकता पसरवली जाते.
● सरकार आणि एनजीओ मासिक पाळी स्वच्छतेसाठी धोरणे आणि सुविधांवर चर्चा करतात, जसे की शाळांमध्ये स्वच्छतागृहे बांधणे.

The post मासिक पाळी स्वछता दिन Menstruation clean day appeared first on The Officer.

भारतीय कसोटी कर्णधारपदी शुभमन गिल Shubman Gill named India’s Test captain

Gaurav — Tue, 27 May 2025 08:11:58 +0000

● शुभमन गिलची भारतीय कसोटी क्रिकेट संघाच्या कर्णधारपदी निवड करण्यात आली आहे.
● अजित आगरकर यांच्या नेतृत्वाखालील समितीने ऋषभ पंतची उपकर्णधारपदी निवड केली आहे.
● अजित आगरकर यांच्या नेतृत्वाखालील निवड समितीने शुभमन गिलची भारतीय संघाच्या कर्णधारपदी निवड केली आहे तर ऋषभ पंतला उपकर्णधारपद दिले आहे.

गिल पाचवा सर्वात तरुण कर्णधार

● 25 बर्षीय शुभमन गिल हा भारताचा पाचवा तरुण कर्णधार झाला आहे.
● याआधी मनसूर अली खान पतौडी (वय 21), सचिन तेंडुलकर (23), कपिलदेव (24) आणि रवी शास्त्री (25) हे तरुण कसोटी कर्णधार होते.

The post भारतीय कसोटी कर्णधारपदी शुभमन गिल Shubman Gill named India’s Test captain appeared first on The Officer.

गोपाळ चांदोरकर यांचे निधन Gopal Chandorkar passes away

Gaurav — Tue, 27 May 2025 07:36:16 +0000

● रायगडावरील ऐतिहासिक स्थापत्याचे प्रसिद्धअभ्यासक, लेखक, जुन्या पिढीतील ज्येष्ठ स्थापत्यविशारद गोपाळ मुकुंद चांदोरकर यांचे वयाच्या 89 व्या वर्षी नुकतेच वृद्धापकाळाने निधन झाले.
● छत्रपती अभ्यास शिवाजी महाराजांच्या दुर्गांचा, त्यातही विशेष करून राजधानी रायगडावरील वास्तूंचा स्थापत्यशास्त्राच्या अंगाने गेली पन्नासहून अधिक वर्ष ते अभ्यास करीत होते.
● रायगडावरील प्रत्येक वास्तूची स्थापत्य वैशिष्ट्ये, मोजमापे, आरेखन, नकाशे, संकल्पचित्र तयार करून त्यांनी रायगडावरील वास्तू अभ्यासाची नव्याने मांडणी केली होती.
● या संशोधनाने गडाला नवी ओळख प्राप्त झाली.
● या संशोधनावर आधारित त्यांनी ‘श्रीमद् रायगिरौ’ या ग्रंथाचे लेखन केले.
● या शिवाय ‘रायगड बालेकिल्ला’, ‘चला पाहू या रायगड’, ‘, ‘वैभव रायगडाचे’ आदी पुस्तकांचेही त्यांनी लेखन केले. त्यांच्या या कार्याबद्दल भारत इतिहास संशोधक मंडळातर्फे त्यांना जीवनगौरव पुरस्काराने सन्मानित करण्यात आले.
● याशिवाय संस्कार भारती, विदर्भप्रांत नटराजपूजन गुरुवर्य आदी पुरस्कारांनीही त्यांना गौरवण्यात आले.

The post गोपाळ चांदोरकर यांचे निधन Gopal Chandorkar passes away appeared first on The Officer.

जपानला मागे टाकून भारत जगातील चौथी मोठी अर्थव्यवस्था India overtakes Japan to become world’s fourth largest economy

Gaurav — Tue, 27 May 2025 07:03:37 +0000

● भारताने जपानला मागे टाकून जगातील चौथी सर्वांत मोठी अर्थव्यवस्था होण्याचा मान पटकावला आहे.
● ‘योग्य आर्थिक धोरणांमुळे देशाने ही कामगिरी केली आहे.
● बभारताची अर्थव्यवस्था आता चार लाख कोटी डॉलर पर्यंत पोहचली असून ती जपानपेक्षा मोठी आहे.
● भारतापुढे सध्या अमेरिका, चीन आणि जर्मनी या तीनच अर्थव्यवस्था आहेत.

जगातील अव्वल अर्थव्यवस्था (आकडेवारी लाख कोटी डॉलरमध्ये)

1)अमेरिका : 30.51
2)चीन : 19.23
3)जर्मनी : 4.74
4)भारत : 4.187
5)जपान : 4.186

The post जपानला मागे टाकून भारत जगातील चौथी मोठी अर्थव्यवस्था India overtakes Japan to become world’s fourth largest economy appeared first on The Officer.

बानू मुश्ताक यांना ‘बुकर’ सन्मान Banu Mushtaq wins Booker Prize

Gaurav — Fri, 23 May 2025 06:18:06 +0000

● प्रसिद्ध कन्नड लेखिका, सामाजिक कार्यकर्त्या आणि वकील बानू मुश्ताक यांना ‘हार्ट लॅम्प’ (हृदय दीप) या कथासंग्रहासाठी ‘बुकर’ पुरस्कार मिळाला.
● या पुरस्कारावर नाव कोरणाऱ्या त्या पहिल्याच कन्नड लेखिका ठरल्या आहेत.
● मुश्ताक यांनी भाषांतरकर्त्या दीपा भस्ती यांच्यासह पुरस्कार स्वीकारला.
● दीपा भस्ती यांनी कन्नड पुस्तकाचे इंग्रजीमध्ये भाषांतर केले आहे.
● बुकर पुरस्काराचे मूल्य 50 हजार पौंड इतके आहे.
● हृदय दीप या कथासंग्रहात 12 कथा आहेत.
● या कथा 1990 ते 2023 या सुमारे 30 वर्षांच्या कालावधीत लिहिण्यात आल्या आहेत.
● त्यामध्ये दक्षिण भारतातील पितृसत्ताक समुदायांमधील सत्रियांचा लवचिकता, प्रतिकार, चातुर्य आणि भगिनीभाव याभोवती फिरणाऱ्या कथा आहेत.

अनेक पुरस्कारांनी गौरव

● बानू मुश्ताक यांना अनेक यापूर्वी महत्त्वाच्या स्थानिक आणि राष्ट्रीय पारितोषिकांनी गौरविण्यात आले आहे.
● त्यामध्ये कर्नाटक साहित्य अकादमी पुरस्कार आणि दान चिंतामणी अत्तिमब्बे पुरस्कार यांचा समावेश आहे.
● सन 2004 मध्ये त्यांना ‘पेन ट्रान्सलेशन’ पुरस्कारही मिळाला होता.
● बानू मुश्ताक यांचा जन्म कर्नाटक राज्यातील एका लहानशा शहरात झाला. शेजारपाजारच्या इतर मुलींप्रमाणे त्यांनीही शाळेत उर्दू भाषेतून शिक्षण घेतले. त्यांचे वडील सरकारी नोकर होते.
● बानू यांनी वयाच्या आठव्या वर्षी त्यांनी कन्नड शाळेमध्ये प्रवेश घेतला.
● मुश्ताक यांनी कन्नड भाषेवर प्रभुत्व मिळवण्यासाठी खूप मेहनत घेतली.
● काही काळानंतर हीच परकी वाटणारी भाषा त्यांच्या साहित्यिक अभिव्यक्तीची भाषा बनली.

बुकर पुरस्कार: (Booker Prize) एक प्रतिष्ठित साहित्य पुरस्कार आहे, जो दरवर्षी इंग्रजी भाषेत लिहिलेल्या उत्कृष्ट कादंबऱ्यांसाठी दिला जातो.

● हा पुरस्कार सुरुवातीला ‘बुकर प्राइज फॉर फिक्शन’ (Booker Prize for Fiction) म्हणून ओळखला गेला आणि नंतर ‘मॅन बुकर पुरस्कार’ म्हणून ओळखला जाऊ लागला.
● 1969 मध्ये बुकर मॅककॉनेल कंपनीने या पुरस्काराची स्थापना केली.
● उद्देश : इंग्रजी भाषेत लिहिलेल्या उत्कृष्ट कादंबऱ्यांचा गौरव करणे.

बुकर पुरस्कार विजेते भारतीय

● अरुंधति रॉय: “द गॉड ऑफ स्मॉल थिंग्स” (1997)
● वी.एस. नायपॉल: (1985)
● सलमान रुश्दी: (1981)
● किरण देसाई: “द इनहेरिटेंस ऑफ लॉस” (2006)
● अरविंद अडिगा: “द व्हाइट टाइगर” (2008)
● गीतांजलि श्री: “टॉम्ब ऑफ सैंड” (2022)
● बानू मुश्ताक: “हार्ट लैंप” (2025)

The post बानू मुश्ताक यांना ‘बुकर’ सन्मान Banu Mushtaq wins Booker Prize appeared first on The Officer.

जागतिक जैवविविधता दिन World Biodiversity Day

Gaurav — Fri, 23 May 2025 06:06:01 +0000

● जागतिक जैवविविधता दिन (International Day for Biodiversity) दरवर्षी 22 मे रोजी साजरा केला जातो.
● 2025 ची थीम “निसर्गाशी सुसंवाद आणि शाश्वत विकास” (Harmony with Nature and Sustainable Development) आहे.
● हा दिवस जैवविविधता (Biodiversity) जतन करण्यासाठी आणि तिच्या महत्त्वावर जागरूकता वाढवण्यासाठी साजरा केला जातो.हा दिवस पर्यावरणाचे संरक्षण आणि शाश्वत विकासासाठी जनजागृती करतो.

इतिहास:

● हा दिवस 1992 मध्ये ब्राझीलमधील रिओ डी जेनेरो येथे झालेल्या पृथ्वी शिखर बैठकीनंतर सुरू झाला.
● संयुक्त राष्ट्रांनी 2000 मध्ये 22 मे या दिवशी आंतरराष्ट्रीय जैवविविधता दिन (International Day for Biodiversity) म्हणून घोषित केले.
● या दिवसाच्या माध्यमातून, मानवांना जैवविविधतेचे महत्त्व आणि पर्यावरणाचे संरक्षण किती आवश्यक आहे, हे जाणीव करून देण्याचा प्रयत्न केला जातो.

The post जागतिक जैवविविधता दिन World Biodiversity Day appeared first on The Officer.