मध्य प्रदेश सरकार, नागरी विमानवाहतूक मंत्रालय, पवन हंस लिमिटेड आणि फेडरेशन ऑफ इंडियन चेंबर्स ऑफ कॉमर्स अँड इंडस्ट्री (फिक्की) यांनी संयुक्तपणे 5 व्या हेलिकॉप्टर आणि स्मॉल एअरक्राफ्ट शिखर परिषदेचे आयोजन मध्य प्रदेशात खजुराहो येथे 25 जुलै 2023 रोजी केले आहे. शिखर परिषदेचे उद्घाटन मध्य प्रदेशचे मुख्यमंत्री शिवराज सिंह चौहान, आणि केंद्रीय नागरी विमान वाहतूक व पोलाद मंत्री ज्योतिरादित्य सिंधिया यांच्या हस्ते होणार आहे. उडान योजनेची व्याप्ती वाढवून दुर्गम आणि डोंगराळ प्रदेशात या सेवेचा विस्तार करणे हे शिखर परिषदेच्या उद्दिष्टांपैकी एक उद्दिष्ट आहे.

परिषदेची संकल्पना:

“रिचिंग द लास्ट माईल: हेलिकॉप्टर आणि स्मॉल एअरक्राफ्टद्वारे स्थानिक संपर्क”

शिखर परिषदेची मुख्य उद्दिष्टे:

विमानउ द्योगातील संबधितांना आणि धोरणकर्त्यांना भारतीय हेलिकॉप्टर आणि स्मॉल एअरक्राफ्ट उद्योगाच्या विस्ताराबद्दल चर्चा करण्यासाठी एक समान मंच उपलब्ध करुन देणे.
दुर्गम आणि डोंगराळ भागात उडान योजनेचा विस्तार करणे आणि देशाच्या ग्रामीण ते शहरी कनेक्टिव्हिटीत वाढ करणे.
विद्यमान आणि संभाव्य प्रमुख पर्यटनस्थळी हेलिकॉप्टर आणि लहान विमानांमार्फत कनेक्टिव्हिटी वाढवून विनाव्यत्यय हवाई सेवा देणे .