युरोपियन देशांना कुशल मनुष्यबळ पुरविण्याच्या उपक्रमाच्या अनुषंगाने पहिले पाऊल म्हणून जर्मनीतील बाडेन बुटेनबर्ग या औद्योगिकदृष्ट्या अतिप्रगत राज्याशी महाराष्ट्र राज्य सरकारने महत्त्वपूर्ण सामंजस्य करार केला. या उपक्रमासाठी राज्य सरकारने शालेय शिक्षण, उच्च व तंत्रशिक्षण, वैद्यकीय शिक्षण, कृषी, उद्योग व कामगार आणि कौशल्यविकास व उद्योजकता या विभागांचे मंत्री आणि सचिवांचा कृतीगट स्थापन केला आहे.
अधिक माहिती
● केंद्र सरकारने ना र हरकत प्रदान केल्यावर बाडेन बुटेनबर्ग राज्याचा मंत्री गट व महाराष्ट्र राज्याचा मंत्री गट यांच्यात औपचारिक चर्चा झाली. त्यानंतर – मुख्यमंत्री एकनाथ शिंदे, उपमुख्यमंत्री देवेंद्र फडणवीस, अजित पवार यांच्या उपस्थितीत सामंजस्य करारावर स्वाक्षऱ्या करण्यात आल्या.
● विज्ञान-तंत्रज्ञान, माहिती तंत्रज्ञान, अभियांत्रिकी, बांधकाम, ऊर्जा व पर्यावरण, आरोग्य, हॉटेल व्यवस्थापन अशा प्रमुख क्षेत्रांसाठी कुशल मनुष्यबळ पुरविण्यावर भर देण्यात येणार आहे.
● बाडेन बुटेनबर्ग या राज्याने नोंदविलेल्या मागणीच्या आधारे कुशल मनुष्यबळास जर्मनीस पाठवण्यात येणार आहे.