पंतप्रधान नरेंद्र मोदी यांच्या हस्ते 11 जून 2023 रोजी  आंतरराष्ट्रीय प्रदर्शन आणि कन्व्हेन्शन सेंटर प्रगती मैदान, नवी दिल्ली येथे पहिल्या-वहिल्या राष्ट्रीय प्रशिक्षण परिषदेचे उद्घाटन होईल. यावेळी पंतप्रधान उपस्थितांना संबोधित करणार आहेत.

नागरी सेवेची क्षमता वाढवून देशातील प्रशासन प्रक्रिया आणि धोरण अंमलबजावणी सुधारण्याचे पंतप्रधानांचे समर्थक आहेत. या दृष्टीकोनातून मार्गदर्शन करून, योग्य वृत्ती, कौशल्ये आणि ज्ञानासह भविष्यासाठी सज्ज नागरी सेवा तयार करण्यासाठी राष्ट्रीय नागरी सेवा क्षमता विकास कार्यक्रम (NPCSCB) – ‘मिशन कर्मयोगी’ सुरू करण्यात आला.

नागरी सेवा प्रशिक्षण संस्थांमध्ये सहकार्य वाढवणे आणि देशभरातील नागरी सेवकांसाठी प्रशिक्षण पायाभूत सुविधा मजबूत करण्याच्या उद्देशाने क्षमता निर्माण आयोगाद्वारे राष्ट्रीय प्रशिक्षण परिषद आयोजित केली जात आहे.

केंद्रीय प्रशिक्षण संस्था, राज्य प्रशासकीय प्रशिक्षण संस्था, प्रादेशिक आणि क्षेत्रीय प्रशिक्षण संस्था आणि संशोधन संस्थांसह प्रशिक्षण संस्थांचे 1500 हून अधिक प्रतिनिधी या संमेलनात सहभागी होतील. केंद्र सरकारचे विभाग, राज्य सरकारे, स्थानिक स्वराज्य संस्थांतील नागरी सेवक तसेच खाजगी क्षेत्रातील तज्ञ या चर्चेत भाग घेतील.

हा वैविध्यपूर्ण मेळावा विचारांच्या देवाणघेवाणीला चालना देईल, भेडसावणारी आव्हाने आणि उपलब्ध संधी ओळखू शकतील आणि क्षमता वाढीसाठी कृती करण्यायोग्य उपाय आणि सर्वसमावेशक धोरणे तयार करेल.