भारतीय युवा महिला संघ सलग दुसऱ्यांदा विश्वविजेता
- गोंगडी त्रिशाच्या (3 बळी आणि नाबाद 44 धावा) दमदार अष्टपैलू कामगिरीच्या जोरावर भारताच्या युवा महिला संघाने अंतिम लढतीत दक्षिण आफ्रिकेचा नऊ गडी राखून पराभव करीत सलग दुसऱ्यांदा 19 वर्षांखालील ट्वेन्टी-20 विश्वचषक क्रिकेट स्पर्धा जिंकण्याची किमया साधली.
- विजेत्या संघाला बीसीसीआयने 5 कोटीचे बक्षीस जाहीर केले.
- विशेष म्हणजे या स्पर्धेचे दोनच पर्व झाले असून दोन्ही वेळा भारतीय संघच जगज्जेता ठरला आहे.
- भारतीय संघाची कर्णधार : निकी प्रसाद
- मलेशिया (क्वालालांपुर)येथे झालेल्या या स्पर्धेत भारताने सर्व सामने जिंकले.
- 2023 मध्ये दक्षिण आफ्रिकेत झालेल्या पहिल्या 19 वर्षांखालील महिला ट्वेन्टी-20 विश्वचषकातही भारतीय संघ अजिंक्य ठरला होता.
- शफाली वर्माच्या नेतृत्वाखालील भारतीय संघाने त्यावेळी अंतिम लढतीत इंग्लंडला धूळ चारली होती.
त्रिशा स्पर्धेत सर्वोत्तम
- गोंगडी त्रिशाला अंतिम सामन्यातील आणि स्पर्धेतील सर्वोत्तम खेळाडूच्या पुरस्काराने गौरविण्यात आले.
- त्रिशाने स्पर्धेत सर्वाधिक 309 धावा करतानाच आपल्या लेग स्पिन गोलंदाजीने 7 गडी बाद केले.
- ती उजव्या हाताची फलंदाज असून , उजव्या हाताची लेग स्पिन गोलंदाज आहे
- पुढील स्पर्धा : 2027(बांग्लादेश, नेपाळ)