• युवा कार्यकर्त्या मलाला युसुफझाईचा सन्मान करण्यासाठी संयुक्त राष्ट्र संघाने 12 जुलै हा दिन ‘जागतिक मलाला दिन’ म्हणून घोषित केला.
• जगभरातील महिला आणि मुलांच्या हक्कांचा सन्मान करण्यासाठी मलाला युसुफझाईचा जन्मदिन मलाला दिन म्हणून साजरा केला जातो.
• मलालाने तिच्या आयुष्यात अत्याचाराविरुद्ध आवाज उठवला. मलालाने निर्धाराने महिलांच्या सन्मानासाठी आणि शिक्षणासाठी दहशतवादी तालिबान्यांशी लढा दिला.
• तालिबान दहशतवादी मोहिमे दरम्यान 2008 च्या अखेरीस सुमारे 400 शाळा नष्ट करण्यात आल्या आणि आत्मघाती हल्ले ही रोजचीच घटना ठरत गेली पण मलालाचा असा विश्वास होता की शिक्षणाचा अधिकार प्रत्येकाला आहे आणि म्हणूनच ती तालिबानच्या विरोधात उभी राहिली आणि शाळेत जाण्याचा निर्धार केला.
• 9 ऑक्टोबर 2012 रोजी सकाळी शाळेतून घरी परतत असताना तालिबानच्या दोन सदस्यांनी  पंधरा वर्षीय मलालावर गोळ्या झाडल्या. यामुळे ती कोमात गेली होती .
• 16 ऑक्टोबर 2012 रोजी ती कोमातून बाहेर आली आणि त्यानंतरही तिने आपला लढा सुरूच ठेवला.
• मलालाने न्यूयॉर्कमध्ये संयुक्त राष्ट्र संघात भाषण दिले आणि याच वर्षी तिने “आय एम मलाला : द गर्ल हू स्टुडप फॉर एज्युकेशन अँड शॉर्ट बाय द तालिबान” हे तिचे पहिले पुस्तक आणि आत्मचरित्र प्रकाशित केले.

नोबेल शांतता पुरस्काराने सन्मानित

• 2014 या वर्षी मलालाला नोबेल शांतता पुरस्काराने सन्मानित करण्यात आले .
• या पुरस्काराने सन्मानित करण्यात येणारी मलाला सर्वात तरुण महिला ठरली.
• या पुरस्काराने तिच्या अथक प्रयत्नांची आणि मुलींच्या शिक्षणासाठी जो तिचा लढा सुरू होता त्याला एक वेगळी ओळख मिळवून दिली.
• 2017 मध्ये मलालाला संयुक्त राष्ट्र शांतता दूत म्हणून नियुक्त करण्यात आले.