स्वामी विवेकानंद यांना तरुणांचा आदर्श मानलं जाते. स्वामी विवेकानंद यांनी शिकागोत ऐतिहासिक भाषण करुन जगाला हिंदू धर्मातील अध्यात्म आणि सहिष्णुतेची ओळख करुन दिली. स्वामी विवेकानंद यांच्या जयंतीदिनी राष्ट्रीय युवक दिन साजरा करण्यात येतो.

काय आहे राष्ट्रीय युवा दिनाचा इतिहास
● स्वामी विवेकानंद हे जगभरातील तरुणांचे प्रेरणास्थान आहेत. त्यामुळं राष्ट्राच्या हितासाठी त्यांनी तरुणांना मार्गदर्शन केल.
● त्यांच्या आदर्श शिकवणुकीमुळं जगभरात त्यांच्या विचाराचा वारसा जपणारे लाखो तरुण आहेत. त्यामुळेच केंद्र सरकारनं 1984 मध्ये स्वामी विवेकानंद यांच्या जयंतीला राष्ट्रीय युवा दिन म्हणून घोषित केल.
● राष्ट्राच्या हितासाठी जीवन अर्पण करणाऱ्या या तरुणांच्या ‘हिरो’ला आदरांजली वाहण्यासाठी राष्ट्रीय युवा दिन 12 जानेवारीला साजरा करण्यात येतो.

स्वामी विवेकानंद यांचा जीवन प्रवास
● स्वामी विवेकानंद यांचा जन्म कोलकाता इथं 12 जानेवारी 1863 ला झाला. त्यांचे वडील विश्वनाथ दत्त हे उच्च न्यायालयाचे वकील होते. त्यांनी आपल्या मुलाचं नाव नरेंद्र असं ठेवलं होत.
● आपल्या मुलानं चांगलं शिक्षण घेऊन मोठा माणूस होण्याचं स्वप्न त्यांनी पाहिलं होत.
● नरेंद्र यांना लहानपाणापासूनचं संगीत, खेळ आदी विषयात रस होता.
● मात्र 1881 मध्ये नरेंद्र यांचा आध्यात्मिक प्रवास सुरू झाला. त्यांनी श्रीरामकृष्ण परमहंस यांना भेटल्यानंतर त्यांनाच आपलं गुरू मानल.

स्वामी विवेकानंदांचे शिकगोत ऐतिहासिक भाषण
● स्वामी विवेकानंद यांनी शिकागोत 11 सप्टेंबर 1893 ला ऐतिहासिक भाषण केलं. यावेळी त्यांनी आपल्या भाषणाची सुरुवातचं “माझे सर्व बंधू आणि भगिनी” अशी केल्यानं जगभरातून परिषदेला आलेल्या विद्वानांनी टाळ्यांचा कडकडात केला.
● स्वामी विवेकानंद यांनी शिकागोच्या या परिषदेत केलेलं हे भाषण जगप्रसिद्ध आहे.
● स्वामी विवेकानंद यांनी पाश्चात्य देशातील नागरिकांना हिंदू धर्माची ओळख करुन दिली.
● हिंदू धर्मातील अध्यात्म आणि सहिष्णभाव जगापुढं मांडला. त्यामुळं स्वामी विवेकानंद यांची जगभरात ओळख झाली.
● रामकृष्ण परमहंस यांच्या निधनानंतर स्वामी विवेकानंद यांनी कोलकाता इथं रामकृष्ण मठाची स्थापना केली. त्यानंतर 4 जुलै 1902 मध्ये बेलूर मठात ध्यान करताना स्वामी विवेकानंद यांनी शेवटचा श्वास घेतला.
● 2024 ची थीम – ‘इट्स ऑल इन द माईंड’