जागतिक ट्युना दिन दरवर्षी 2 मे रोजी जागतिक स्तरावर साजरा केला जातो.

या दिवसाची स्थापना संयुक्त राष्ट्र संघाने (यूएन) ट्युना माशाच्या महत्त्वविषयी जनजागृती करण्यासाठी केली आहे.

‘ ट्युना’ दिन पहिल्यांदा 2017 मध्ये साजरा करण्यात आला होता

यूएनच्या मते जगभरातील असंख्य देश अन्न सुरक्षा आणि पोषण या दोन्ही गोष्टींसाठी ट्युनावर अवलंबून आहेत. त्याच वेळी, 96 पेक्षा जास्त देशांमध्ये ट्युना फिशर आहेत आणि त्यांची क्षमता सतत वाढत आहे.

2023 ची संकल्पना: ‘येस वुई कॅन’

जागतिक ट्युना दिनाचा इतिहास

जागतिक ट्युना दिनाची घोषणा संयुक्त राष्ट्र महासभेने (यूएनजीए) डिसेंबर 2016 मध्ये 71/124 ठरावा प्रमाणे अधिकृतपणे केली. त्याचे उद्दीष्ट हे होते की संवर्धन व्यवस्थापनाचे महत्त्व प्रतिबिंबित करणे आणि ट्युना साठा क्रॅश होण्यापासून रोखण्यासाठी एक यंत्रणा सुनिश्चित करणे.

प्राथमिक आंतरराष्ट्रीय मान्यता प्राप्त जागतिक ट्युना दिन 2 मे 2017 रोजी साजरा करण्यात आला.

‘ट्युना’ माशाविषयी :-

‘ट्युना’ हा सुरमईसारखा दिसणारा जाडसर मासा आहे.

एका तासात 73 ते 75 किलोमीटर पोहून जाणारा हा कणखर मासा वजनाने 227 किलो पेक्षा जास्त वाढू शकतो.

ट्युना मासे सतत स्थलांतर करतात.निरनिराळ्या समुद्र प्रदेशातील एका खंडातून दुसऱ्या खंडात जातात. यांच्या शरीरात असणाऱ्या खास चयापचयामुळे ट्युना हे कोणत्याही समुद्रात तग धरू शकतात