भारताचा मोहित कुमार 20 वर्षाखालील गटातील फ्री -स्टाईल प्रकारातील नवा जगज्जेता मल्ल ठरला आहे. या वयोगटात विजेतेपद मिळवणारा मोहित चौथा भारतीय ठरला. मोहितने अंतिम लढतीत रशियाचा एल्डर अखमाडूनिनोवचा 9-8 असा पराभव केला. 20 वर्षाखालील गटात भारताला जागतिक स्पर्धेत 2019 नंतर विजेतेपद मिळाले. 2019 मध्ये दीपक पुनिया हा विजेता ठरला होता. याआधी पलविंदर चिमा 2001, रमेश कुमार 2001 , दीपक पुनिया 2019 यांनी विजेतेपद मिळवले होते. या स्पर्धा अम्मान (जॉर्डन) या ठिकाणी पार पडल्या.