दरवर्षी 4 फेब्रुवारी रोजी जागतिक कर्करोग दिन (World Cancer Day) साजरा केला जातो. जागरूकता वाढवण्यासाठी आणि रोगाच्या उपचारांना प्रोत्साहन देण्यासाठी हा एक जागतिक उपक्रम आहे. दरवर्षी लाखो लोकांना कर्करोगामुळे आपला जीव गमवावा लागतो. कॅन्सर होण्याचे प्रमुख कारण म्हणजे आपली बदललेली जीवनशैली. जागतिक कर्करोग दिन साजरा करण्यामागचा प्रमुख उद्देश म्हणजे कॅन्सरबद्दल जागरूकता वाढविणे. तसेच, या आजाराशी लढणाऱ्या रुग्णांना नवी आशा देणे असा आहे.

जागतिक कर्करोग दिनाचा इतिहास
● जागतिक कर्करोग दिन 2000 मध्ये कर्करोग विरुद्ध जागतिक शिखर परिषदेच्या (युनियन ऑफ इंटरनॅशनल कॅन्सर कंट्रोलने (UICC)) उद्घाटनाच्या वेळी स्थापित करण्यात आला.
● पॅरिसमध्ये आयोजित करण्यात आलेल्या या कार्यक्रमाला जगातील अनेक देश आणि त्यांच्या संबंधित सरकारांमधील कर्करोग संघटनांचे अनेक प्रतिनिधी आणि आंतरराष्ट्रीय नेते उपस्थित होते.

जागतिक कर्करोग दिन 2024 ची थीम
● जागतिक कर्करोग दिनाची थीम दरवर्षी वेगवेगळी असते. त्यानुसार, यावर्षीची कर्करोग दिनाची थीम “कॅन्सर केअर गॅप कमी करा” अशी आहे.