ग्रीस हा दक्षिण युरोपमध्ये वसलेला एक छोटासा देश आहे. अलेक्झांडर द ग्रेटचे जन्मस्थान.
येथील संसदेने समलैंगिक समुदायासाठी (Gay People) एक ऐतिहासिक निर्णय घेतला आहे हा निर्णय समलिंगी विवाहाबाबत (Same-Sex Marriage) आहे. समलिंगी विवाहाला आता ग्रीसमध्ये कायदेशीर मान्यता मिळाली आहे. असे करणारा तो पहिला बहुसंख्य ऑर्थोडॉक्स ख्रिश्चन देश (Orthodox Christian Country) ठरला.

अधिक माहिती
● ग्रीसमधील बहुतांश लोकसंख्या ऑर्थोडॉक्स ख्रिश्चन असल्याचे म्हटले जाते. आता इथे संसदेने समलिंगी विवाहाला कायदेशीर मान्यता देणारा कायदा मंजूर केला.
● विधेयकाला पंतप्रधानांचा पाठिंबा होता पण तो मंजूर करण्यासाठी विरोधी पक्षांच्या पाठिंब्याची गरज होती. अनेक खासदार याच्या विरोधात होते. अखेर दोन दिवसांत 30 तासांहून अधिक चर्चेनंतर 300 जागांच्या संसदेत हे विधेयक मंजूर करण्यात आले.
● याच्या बाजूने 176 तर विरोधात 76 मते पडली. एकूण 254 जणांनी मतदान केले.
● समलिंगी विवाहाला कायदेशीर मान्यता देणारा नेदरलँड हा पहिला देश आहे.
● एप्रिल 2001 पासून तेथे समलिंगी विवाह कायदेशीर आहे. मात्र, डेन्मार्कने 1989 मध्येच समलिंगी जोडप्यांना घरगुती भागीदार म्हणून नोंदणी करण्याची परवानगी दिली होती. पण तिथे त्यावेळी औपचारिक कायदा झाला नाही. डेन्मार्कने 2012 मध्ये हा कायदा बनवला. याशिवाय बेल्जियम, कॅनडा, स्पेन, दक्षिण आफ्रिका, नॉर्वे, स्वीडन, आइसलँड, पोर्तुगाल, अर्जेंटिना, ब्राझील, इंग्लंड, वेल्स, कोस्टा रिका, तैवान या देशांचा समावेश आहे.